ახალი ამბები
ერთ დღეში შეჩერებული და აღდგენილი საწარმოო პროცესი ქუთაისის უფასო სასადილოში
FaceBook
ქუთაისის "მადლიერების სახლს", სადაც ბენეფიციარებმა საკვებში თაგვის ექსკრემენტები იპოვეს, სურსათის უვნებლობის ეროვნულმა სააგენტომ საწარმოო პროცესი შეუჩერა, თუმცა, მხოლოდ რამდენიმე საათით. უფასო სასადილო მუშაობას დღეს დილიდან აგრძელებს. სასადილოში სოციალურად დაუცველები საკვების მისაღებად უკვე მივიდნენ.

"მიღებული შეტყობინების საფუძველზე, სააგენტომ მაშინვე შეამოწმა ობიექტი და გამოვლენილი შეუსაბამობის გამო შეუჩერა საწარმოო პროცესი. სააგნეტოს მითითებების შესრულებისთანავე მოხდება პროცესის განახლება", - განგვიცხადეს სურსათის უვნებლობის ეროვნულ სააგენტოში. თუმცა, მას შემდეგ რაც ვუთხარით, რომ სასადილო მუშაობას აგრძელებს, გვიპასუხეს:

"შეუსაბამობის აღმოფხვრა გუშინვე მოხდა მაქსიმალურად შემჭიდროვებულ ვადაში, რათა არ შექმნილიყო ბენეფიციარების კვების პრობლემა".

საწარმოო პროცესის შეჩერებას არ ადასტურებს "მადლიერების სახლის" დირექტორი.

თამთა ბაკურაძე ქუთაისიპოსტთან საუბარში ამბობს, რომ სააგენტოს წარმომადგენლები გუშინ იყვნენ მისულები, რომლებმაც მართლაც იპოვეს რამდენიმე ხარვეზი, რაც ადგილზე იქნა აღმოფხვრილი. თუმცა, რა დარღვევები იპოვა სააგენტომ დაწესებულებაში, თამთა ბაკურაძე არ აკონკრეტებს.

"გუშინ იყვნენ მოსულები, იყო რაღაც ხარვეზები, რომლებიც ადმინისტრაციამ ადგილზე აღმოფხვრა. შეჩერებაზე არ ყოფილა საუბარი. დილიდან ჩვეულებრივ რეჟიმში ვაგრძელებთ მუშაობას",  -ამბობს თამთა ბაკურაძე.

ბენეფიციარებმა "მადლიერების სახლის" სამზარეულოში მომზადებულ საკვებში თაგვის ექსკრემენტები სამი დღის წინ, სასადილოდან სახლში მიტანის შემდეგ იპოვეს. 

"მადლიერების სახლის" ადმინისტრაცია ახლა ლაბორატორიის პასუხს ელოდება, რომელმაც უნდა დაადგინოს, იყო თუ არა საკვებში თაგვის ექსკრემენტები.

"მადლიერების სახლში" უფასო სადილს 800 ბენეფიციარი იღებს რომელთა მომსახურება ადგილობრივ ბიუჯეტს დღეში 2. 14 ლარი ჯდება.

ამავე თემაზე:

ქუთაისის "მადლიერების სახლში" საჭმელში თაგვის ცურცლები იპოვეს (ფოტო)

Print E-mail
FaceBook Twitter



მსგავსი სიახლეები
ნამახვანჰესის მოწინააღმდეგეები ღამეს ქუთაისის
ცენტრალურ მოედანზე გაათევენ.


ეს გადაწყვეტილება მათ მას შემდეგ მიიღეს, რაც დილით პოლიციამ
გუმათჰესთან, სადაც აქტივისტების ერთადერთი დარჩენილი კარავია გაშლილი
რკინის ბარიკადები აღმართა. როგორც აქციის ორგანიზატორები აცხადებენ,
პროტესტი არ შეწყდება და ის კიდევ უფრო დიდ მასშტაბებს
მიიღებს.

დღესვე აქციის ორგანიზატორმა ვარლამ გოლეთიანმა
თქვა, რომ პროტესტმა მთელი ქვეყანა უნდა მოიცვას და მოუწოდა
ადამიანებს თავიანთ ქალაქებში მოაწყონ აქციები და მოახდინონ თავიანთი
საპროტესტო სივრცეების ბლოკირება.


ქალაქის ცენტრალურ მოედანზე აქტივისტებმა
გუმათჰესიდან გადმოინაცვლეს, რადგან აქტივისტების ნაწილს, რომლებიც
ქუთაისიდან გუმათისკენ მიემართებოდნენ, პოლიციამ გზა გადაუკეტა.


ამის შემდეგ, აქტივისტების ნაწილი, რომლებიც
გუმათში იმყოფებოდნენ, ქუთაისში ჩამოვიდნენ.


აქციის მონაწილეები დილით ისევ რიონის ხეობისკენ
დაიძრებიან. ხეობის მცხოვრებლები უკვე 171-ე დღეა უწყვეტად
აპროტესტებენ 433მგვტ სიმძლავრის ჰესის მშენებლობას.
20:21 / 14.04.2021
ნამახვანჰესის მოწინააღმდეგეები ღამეს ქუთაისის ცენტრალურ მოედანზე გაათევენ.


ეს გადაწყვეტილება მათ მას შემდეგ მიიღეს, რაც დილით პოლიციამ გუმათჰესთან, სადაც აქტივისტების ერთადერთი დარჩენილი კარავია გაშლილი რკინის ბარიკადები აღმართა. როგორც აქციის ორგანიზატორები აცხადებენ, პროტესტი არ შეწყდება და ის კიდევ უფრო დიდ მასშტაბებს მიიღებს.

დღესვე აქციის ორგანიზატორმა ვარლამ გოლეთიანმა თქვა, რომ პროტესტმა მთელი ქვეყანა უნდა მოიცვას და მოუწოდა ადამიანებს თავიანთ ქალაქებში მოაწყონ აქციები და მოახდინონ თავიანთი საპროტესტო სივრცეების ბლოკირება.

ქალაქის ცენტრალურ მოედანზე აქტივისტებმა გუმათჰესიდან გადმოინაცვლეს, რადგან აქტივისტების ნაწილს, რომლებიც ქუთაისიდან გუმათისკენ მიემართებოდნენ, პოლიციამ გზა გადაუკეტა.

ამის შემდეგ, აქტივისტების ნაწილი, რომლებიც გუმათში იმყოფებოდნენ, ქუთაისში ჩამოვიდნენ.

აქციის მონაწილეები დილით ისევ რიონის ხეობისკენ დაიძრებიან. ხეობის მცხოვრებლები უკვე 171-ე დღეა უწყვეტად აპროტესტებენ 433მგვტ სიმძლავრის ჰესის მშენებლობას.
ხეობის მცველის, ვარლამ გოლეთიანის განცხადებით,
ქუთაისის საქალაქო სასამართლოდან  აქციის დროს დაკავებულ ათივე
აქტივისტს გაათავისუფლებენ.
17:58 / 14.04.2021
ხეობის მცველის, ვარლამ გოლეთიანის განცხადებით, ქუთაისის საქალაქო სასამართლოდან  აქციის დროს დაკავებულ ათივე აქტივისტს გაათავისუფლებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.