ახალი ამბები
"ნუ მომკლავ" - საპროტესტო აქცია ქუთაისში
FaceBook
"ნუ მომკლავ",  "აღსრულდეს სამართალი" - ამ სლოგანებით ქუთაისში მოკლული დავით სარალიძის მამის, ზაზა სარალიძის მხარდასაჭერი აქცია გაიმართა. აქციაზე სოლიდარობის გამოსახატად შეიკრიბნენ რიგითი ადამიანები, პოლიტიკური პარტიებისა და  არასამთავრობო ორგანიზაციების წარმომადგენლები და ჟურნალისტები.

აქციის მონაწილეებმა, მდუმარე აქციით გააპროტესტეს ხორავას ქუჩაზე მომხდარი სისხლიანი გარჩევის საქმის გამოძიების შედეგები.

31 მაისს, თბილისის საქალაქო სასამართლომ, ხორავას ქუჩაზე მომხდარ მკვლელობაში ბრალდებულებზე განაჩენი გამოაცხადა.

სასამართლოს გადაწყვეტილებით, საქმეში ერთ-ერთი ბრალდებული, მოზარდების ჩხუბში გარდაცვლილ ლევან დადუნაშვილის განზრახ მკვლელობაში დამნაშავედ სცნო, ხოლო, მეორე გარდაცვლილის, დავით სარალიძის განზრახ მკვლელობაში ბრალდებულს, კვალიფიკაცია შეუცვალა და მას მხოლოდ განზრახ მკვლელობის მცდელობისთვის გაასამართლებენ, რაც იმას ნიშნავს, რომ სასამართლოს სარალიძის მკვლელობაში ბრალდებული ამ დრომდე არ ჰყავს.

სასამართლოს ეს გადაწყვეტილება მიუღებელი აღმოჩნდა გარდაცვლილ დავით სარალიძის მამისთვის, რომელიც საქართველოს მთავარ პროკურატურასთან დილიდან აქციას მართავს.

ზაზა სარალიძე მთავარი პროკურორის, ირაკლი შოთაძის პოსტიდან გადაყენებას და პასუხისგებაში მიცემას ითხოვს.

გარდაცვლილის ოჯახის წევრები ამბობენ, რომ რეალური დამნაშავეები დაკავებული არ არიან და მათ პროკურატურა ხელს აფარებს.

საპროტეტსო აქციის შემდეგ, რამდენიმე წუთის წინ მთავარი პროკურორი, ირაკლი შოთაძე თანამდებობიდან გადადგა. 

გასული წლის პირველ დეკემბერს თბილისში, ხორავას ქუჩაზე, არასრულწლოვნებს შორის მომხდარი ჩხუბის დროს ცივი იარაღით ორი არასრულწლოვანი დაჭრეს. სასწრაფო დახმარების სამსახურმა დაჭრილები რესპუბლიკურ საავადმყოფოში გადაიყვანა, თუმცა გზაში ერთ-ერთი მათგანი გარდაიცვალა. მეორე არასრულწლოვანი კი ორ დეკემბერს დაიღუპა.

ამავე თემაზე:

"ნუ მომკლავ!" - ზაზა სარალიძის მხარდასაჭერად ქუთაისში აქცია დაიგეგმა

"ნუ მომკლავ" – აქცია ქუთაისში


Print E-mail
FaceBook Twitter
მსგავსი სიახლეები
შეფასების და გამოცდების ეროვნული
ცენტრის ხელმძღვანელის, სოფიო გორგოძის განცხადებით, აბიტურიენტთა
ნაშრომების გასწორებამდე პასუხების ფურცელი რამდენიმე დღით კარანტინში
მოთავსდება.
17:16 / 06.07.2020
შეფასების და გამოცდების ეროვნული ცენტრის ხელმძღვანელის, სოფიო გორგოძის განცხადებით, აბიტურიენტთა ნაშრომების გასწორებამდე პასუხების ფურცელი რამდენიმე დღით კარანტინში მოთავსდება.
წყალტუბოში, სანატორიუმ
''მერცხალში'', ლიფტის შახტში გარდაცვლილ გოგანას საქმეზე
ახალგაზრდა მამაკაცი დააკავეს.
15:15 / 06.07.2020
წყალტუბოში, სანატორიუმ ''მერცხალში'', ლიფტის შახტში გარდაცვლილ გოგანას საქმეზე ახალგაზრდა მამაკაცი დააკავეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.