ახალი ამბები
სოციალურად დაუცველთა ბაზაში რეგისტრაციის წესი იცვლება
FaceBook

საკონსტიტუციო სასამართლომ სოციალურად დაუცველი ოჯახების მონაცემთა ერთიან ბაზაში რეგისტრაციის წესში ერთ-ერთი მუხლი არაკონსტიტუციურად ცნო.

სასამართლო გადაწყვეტილების თანახმად, სოციალურად დაუცველების მონაცემთა ბაზაში რეგისტრაციის წესი შეიცვლება. საუბარია, მთავრობის დადგენილებით დამტკიცებული სოციალურად დაუცველი ოჯახების მონაცემთა ერთიანი ბაზის ფორმირების წესის მე-5 მუხლის მე-5პუნქტზე. 

აღნიშნული რეგულაციის თანახმად, განაცხადი მონაცემთა ბაზაში რეგისტრაციისათვის არ მიიღებოდა, თუ მაძიებელი უკანონოდ იმყოფება სახელმწიფო საკუთრებაში არსებულ ფართში.

"თუ სოციალურად დაუცველი შეჭრილი იყო სხვის საკუთრებაში საცხოვრებლად და  ამ ფართის კანონიერი მესაკუთრე არ ეთანხმებოდა მის სოციალურად დაუცველთა ბაზაში რეგისტრაციას, ეს წესი იცვლება",  - განმარტავს სოციალური მიმსახურების სააგენტოს ქუთაისის ფილიალის ხელმძღვანელი, ნინო ჭიღლაძე. 

სოციალურად დაუცველი ოჯახების მონაცემთა ერთიანი ბაზის ფორმირების წესის მე-5 მუხლის მე-5პუნქტის არაკონსტიტუციურად ცნობის მოთხოვნით, სასამართლოს მოქალაქემ მიმართა, რომელსაც სოციალურად დაუცველი ოჯახების მონაცემთა ერთიან ბაზაში განაცხადის რეგისტრაციაში გატარებაზე უარი ეთქვა, რადგან მოსარჩელის საცხოვრებელი ადგილი წარმოადგენდა სახელმწიფო საკუთრებას, რის შესახებაც სააგენტოს აცნობა მესაკუთრემ.

"სარჩელის ავტორის განმარტებით, სადავო ნორმა არაკონსტიტუციურია, ვინაიდან ადგენს დისკრიმინაციულ მოპყრობას არსებითად თანასწორ პირებს შორის. კერძოდ, მაშინ, როდესაც სადავო ნორმით მოსარჩელეს ბლანკეტურად აქვს აკრძალული დარეგისტრირდეს მონაცემთა ბაზაში, იგივე შეზღუდვა არ არის გათვალისწინებული პირთა ისეთი ჯგუფების მიმართ, რომლებიც: ა) რეგისტრირებულები არიან მონაცემთა ბაზაში და არ ცხოვრობენ სახელმწიფო საკუთრებაში; ბ) ცხოვრობენ სახელმწიფო საკუთრებაში, თუმცა სადავო ნორმის ამოქმედებამდე დარეგისტრირდნენ მონაცემთაბაზაში. კონსტიტუციურ სარჩელში წერია, რომ სადავო რეგულაცია, ერთი მხრივ, ართმევს სოციალური დახმარების მაძიებელს უფლებას, მიიღოს სოციალური დახმარება, ხოლო, მეორე მხრივ, სადამსჯელო ღონისძიებით აიძულებს მას, მიატოვოს საცხოვრებელი ადგილი," - აღნიშნულია საკოონსტიტუციო სასამართლოს გადაწყვეტილებაში.

სასამართლომ სარჩელი დააკმაყოფილა და ზემოთ აღნიშნული პუნქტი არაკონსტიტუციურად ცნო. როგორც სასამართლოს გადაწყვეტილებაშია ეს გადაწყვეტილება საბოლოოა და გასაჩივრებას ან გადასინჯვას არ ექვემდებარება.

 

Print E-mail
FaceBook Twitter



მსგავსი სიახლეები
ზესტაფონის ფეროშენადნობთა ქარხანაში მუშა გარდაიცვალა.
09:40 / 17.10.2021
ზესტაფონის ფეროშენადნობთა ქარხანაში მუშა გარდაიცვალა.
13 ოქტომბერს, საერთაშორისო საჭადრაკო ორგანიზაციის
15:16 / 16.10.2021
13 ოქტომბერს, საერთაშორისო საჭადრაკო ორგანიზაციის "ფიდე" ორგანიზებით, საჭადრაკო ონლაინ პლატფორმაზე chess.com მსჯავრდებულთა შორის პირველი მსოფლიო გუნდური ჩემპიონატის შესარჩევი ტურნირი გაიმართა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.