ახალი ამბები
ქუთაისში, კორპუსის ნაწილის იძულებითი დემონტაჟის თანხას, მშენებელი კომპანია გადაიხდის
FaceBook
ქუთაისში, თამარ მეფის ქუჩაზე სახლი #1 -ის მიერ აშენებულ კორპუსზე, სადავო ორი სართულის დემონტაჟის თანხის გადახდა, ამავე კომპანიას მოუწევს.
თამარ მეფის ქუჩაზე მდებარე შვიდ სართულიანი კორპუსის ნაწილის დემონტაჟი,  იძულების წესით მოხდება.

ქუთაისის მერიამ სამუშაოების შესასრულებლად ტენდერი უკვე გამოაცხადა. ადგილობრივი თვითმმართველობა ტენდერში გამარჯვებულ კომპანიას 70 000 ლარს გადაუხდის. თუმცა, როგორც მერიაში ამბობენ, საბოლოოდ,  ყველა იმ ხარჯს, რაც დემონტაჟისთვის იქნება საჭირო, კომპანია აანაზღაურებს.

ადგილობრივ თვითმმართველობაში ამბობენ, რომ კორპუსის მშენებელ კომპანიას მხოლოდ ხუთი სართულის აშენების უფლება ჰქოდა, ბოლო ორი სართული კი მან ნებართვის გარეშე ააშენა.

სახლი #1-ში ირწმუნებიან, რომ მათ ქუთაისის მერიაში კორექტირებული ვერსია შეტანილი ჰქონდათ, თუმცა, კომპანიის იურისტი ვერ ადასტურებს ჰქონდათ თუ არა ნებართვა შეცვლილ პროექტზე.

ერმილე ჭეიშვილის თქმით, საქმე სასამართლოშია და წარმოების დასრულებამდე მერიას სართულების დემონტაჟის უფლება არ აქვს.

"ეს საქმე უკვე წარმოებაში აქვს მიღებული საქალაქო სასამართლოს. წარმოების ეტაპზე კი დემონტაჟის სამუშაოები კი უკანონოა", – ამბობს ერმილე ჭეიშვილი.

მისივე თქმით, პარალელურად,  სადავო ორი სართულის პროექტი კულტურული მემკვიდრეობის სააგენტოში არის გაგზავნილი, რომელმაც ერთხელ უკვე დაიწუნა პროექტი და ამჟამად კვლავ კორექტირება მიმდინარეობს.

ქუთაისის მერიამ ქალაქის ცენტრში მდებარე კორპუსზე სართულების უნებართვოდ მშენებლობის ფაქტი გასული წლის მიწურულს დააფიქსირა, მაშინ, როცა მშენებლობა უკვე დასრულებული იყო.

ამავე თემაზე:

ქუთაისის მერიამ, 7 სართულიანი კორპუსის ნაწილის დემონტაჟისთვის, ტენდერი გამოაცხადა

ბრძოლა უკანონო მშენებლობის წინააღმდეგ და სამაგალითოდ დასჯილი კომპანია (ფოტო)





Print E-mail
FaceBook Twitter
მსგავსი სიახლეები
ეკონომიკის მინისტრმა ნათია თურნავამ, ქუთაისში
ვიზიტის დროს წყალტუბოს აღორძინების გეგმაზე ისაუბრა.
21:01 / 30.05.2020
ეკონომიკის მინისტრმა ნათია თურნავამ, ქუთაისში ვიზიტის დროს წყალტუბოს აღორძინების გეგმაზე ისაუბრა.
ეკონომიკის მინისტრმა ნათია თურნავამ, ქუთაისის
ინდუსტრიულ ზონაში არსებული საწარმოები დაათვალიერა.
15:38 / 30.05.2020
ეკონომიკის მინისტრმა ნათია თურნავამ, ქუთაისის ინდუსტრიულ ზონაში არსებული საწარმოები დაათვალიერა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.