ახალი ამბები
ერთდღიანი შვებულება და საჯარო მოხელეების მიერ ორგანიზებული პარტიული ყრილობა
FaceBook
24 აპრილს, ქუთაისში, "ქართული ოცნების" პარტიულ ყრილობას, ადგილობრივი ხელისუფლება განსაკუთრებულად მობილიზებული დახვდა.
სამუშაო დღის მიუხედავად, რეგიონალურ კონფერენციას ქუთაისის მერიის და მერიის ააიპების თანამშრომლები ესწრებოდნენ.

მესხიშვილის თეატრის სავსე დარბაზში, მიპატიჟებულთა ძირითად, ნაწილს სწორედ საჯარო მოხელეები და საბიუჯეტო დაფინანსებაზე მყოფი დაწესებულებების თანამშრომლები წარმოადგენდნენ.

ყრილობას არც საკრებულოს დეპუტატები და სამხარეო ადმინისტრაციის წარმომადგენლები დაკლებიან. უფრო მეტიც, მათი ნაწილი შეხვედრის ორგანიზებითაც კი იყო დაკავებული.

დარბაზში ადგილების განაწილებას პირდად აკონტროლებდა მერიის ააიპ "მადლიერების სახლის" ხელმძღვანელი, თამთა ბაკურაძე. ორგანიზატორის როლები ჰქონდათ იმერეთის გუბერნატორის მოვალეობის შემსრულებელს, გრიგოლ დალაქიშვილსა და ვიცე-მერს, გიორგი იობაშვილს, რომლებიც ყრილობაზე დასწრების მსურველებს თეატრის შესასვლელში მოსაწვევებს უმოწმებდა.

შეხვედრის მიმდინარეობისას ქუთაისის მერიაში განაცხადეს, რომ მერიის ყველა თანამშრომელი, ვინც ყრილობაზე იმყოფებოდა, შვებულებაში იყო.

ქუთაისიპოსტმა მერიიდან იმ თანამშრომლების სია გამოითხოვა, რომლებმაც შვებულება მიმდინარე წლის 20 აპრილიდან მოითხოვა. როგორც აღმოჩნდა, მითითებულ დღეებში შვებულების უფლებით სულ 64-მა თანამშრომელმა ისარგებლა, მათგან 61-ს შვებულება ერთი და იგივე დღეს და მხოლოდ ერთი დღით დასჭირდა. ეს დღე კი მმართველი გუნდის პარტიულ ყრილობას   დაემთხვა.

ყრილობის დღეს შვებულებაში იმყოფებოდა ქუთაისის მერიის სხვადასხვა სამსახურის 22 უფროსი და 11 უმცროსი სპეციალისტი, ორი სამსახურისა და ექვსი განყოფილების უფროსი, მათ შორის, მედიასთან და საზოგადოებასთან ურთიერთობის განყოფილების ოთხი თანამშრომლიდან 24 აპრილს სამმა აიღო შვებულება.

ერთ დღეს გადაწყვიტა შვებულებაში გასვლა 11 მუნიციპალიტეტიდან 9 ადმინისტრაციული ერთეულის ხელმძღვანელმა.

ჯამში, 24 აპრილს ქუთაისის მერიასა და მის ადმინისტრაციულ ერთეულებში 61 თანამშრომელი არ მუშაობდა.

თავიანთი თანამშრომლებით იყვნენ წარმოდგენილი ყრილობაზე მერიის ააიპების ხელმძღვანლებიც, რომლებიც, მერიის მტკიცებით, ასევე, შვებულებაში იმყოფებოდნენ.


ააიპ "მადლიერების სახლის" ხელმძღვანელი, თამთა ბაკურაძე, რომელიც პირადად აკონტროლებდა დარბაზში ადგილების განაწილებას

მმართველი პარტიის ყრილობა დახურული იყო. რეგიონალურ კონფერეციაზე პარტიის ქუთაისის ორგანიზაციის თავმჯდომარედ კვლავ ქალაქის მერი, გიორგი ჭიღვარია აირჩიეს, რომელიც ამ პოსტს მანამდეც იკავებდა.





FaceBook Twitter
მსგავსი სიახლეები
სამტრედიის მუნიციპალიტეტის სოფელ მელაურის სოფლის რწმუნებული
სოფიკო  კიკაჩეიშვილი,  რუსთაველზე აქციაზე შეკრებილების
მიმართ ფეისბუქში შეურაცხმყოფელ პოსტს აქვეყნებს.
17:10 / 25.06.2019
სამტრედიის მუნიციპალიტეტის სოფელ მელაურის სოფლის რწმუნებული სოფიკო  კიკაჩეიშვილი,  რუსთაველზე აქციაზე შეკრებილების მიმართ ფეისბუქში შეურაცხმყოფელ პოსტს აქვეყნებს.
რუსეთის
მხრიდან საქართველოში ფრენების აკრძალვის თაობაზე გაკეთებული 
განცხადების მიუხედავად, ქუთაისში, საოჯახო სასტუმროების ნაწილისთვის
სურათი უცვლელია.
15:02 / 25.06.2019

რუსეთის მხრიდან საქართველოში ფრენების აკრძალვის თაობაზე გაკეთებული  განცხადების მიუხედავად, ქუთაისში, საოჯახო სასტუმროების ნაწილისთვის სურათი უცვლელია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
მიმდინარე წლის პირველი ხუთი თვის მონაცემებით, ქუთაისში, ყველაზე მეტი ვიზიტორი ევროპის ქვეყნებიდან შემოვიდა. 
ქუთაისის საკრებულოში "ევროპული საქართველოს" დეპუტატები ბოიკოტის რეჟიმზე გადადიან.
ევროსაბჭოს საპარლამენტო ასამბლეაში რუსეთის დაბრუნებას მხარი 118 დელეგატმა დაუჭირა. 
“მე არ მჯერა სანტა კლაუსის. ის რომ არსებობდეს სხვანაირი ცხოვრება მექნებოდა“.
ხელისუფლება თანახმაა, საქართველოში 2020 წელს საპარლამენტო არჩევნები პროპორციული სისტემით გაიმართოს.
ქუთაისის "ტორპედოს" ფინანსური პრობლემების გამო ფეხბურთელები ტოვებენ.
ქუთაისის მერია, ტურისტულ სეზონში მხარადჭერის მიზნით დაძმობილებულ ქალაქების  ხელმძღვანელებთან მიმართვას გეგმვას.
დღეს, აქცია ვასილ კიკვიძის ძეგლთან მსვლელობით დასრულდა, სადაც  ძეგლს მისი აღების მოთხოვნით ნაჭერი დააფარეს.