ახალი ამბები
„ქუთაისში „ბუტკების“ ეპოქა ბრუნდება“ - ენმ ქალაქში ჯიხურების დადგმას აპროტესტებს
FaceBook
"ნაციონალურ მოძრაობა" ქუთაისის მერიის გადაწყვეტილებას, რომელიც  ქალაქში 16 ჯიხურის დადგმას ეხება, აპროტესტებს.
პარტიის ქუთაისის ორგანიზაციაში მიიჩნევენ, რომ  ქალაქის ხელისუფლება ერთის მხრივ გარევაჭრობის წინააღმდეგ იბრძვის, ამ გადაწყვეტილებით კი  ცდილობს ქალაქი 90-იან წლებში დააბრუნოს.

"ქუთაისის მერმა გადაწყვიტა ქუთაისში დააბრუნოს ე.წ. "ბუტკების" ეპოქა და გასცა 16 ჯიხურის ჩადგმის ნებართვა. ერთის მხრივ მერია აცხადებს, რომ ქალაქის იერსახეზე და ტურიზმის განვითარებაზე ზრუნავს და მეორეს მხრივ, ჯიხურების ჩადგმის ნებართვას აწერს ხელს, რომელშიც სურსათი გაიყიდება. ამ მოტივით აპირებენ გარევაჭრობის აყრას ჭავჭავაძის გამზირზე და სწორედ ამ დროს იგივე გამზირზე ჩაიდგმება ამ ჯიხურების დიდი ნაწილი", - განაცხადა პარტიის ქუთაისის ორგანიზაციის თავმჯდომარემ, გიგა შუშანიამ.

შუშანიას თქმით, შპს "მადლის" უკან , რომელმაც ქალაქში ჯიხურები უნდა დადგას, პარტია "პატრიოტთა ალიანსის" აღმასრულებელ მდივანს, გოჩა თევდორაძეს ეკუთვნის და მერიის ეს გადაწყვეტილება არის პოლიტიკურად მოტივირებული.

"ამ შპს-ეს უკან დგას გოჩა თევდორაძე, რომელიც "ქართულ ოცნებასთან" ერთად აქტიურად მონაწილეობდა ბორჯომში საკრებულოს თავმჯდომარის გადაყენებაში. ეს პროცესები დროში საეჭვოდ ემთხვევა ერთმანეთს და ამიტომ მიგვაჩნია, რომ ეს გადაწყვეტილება არის ერთ–ერთი იმ ჯილდოთაგანი, რომელიც "პატრიოტთა ალიანსმა" და კონკრეტულად გოჩა თევდორაძემ მიიღო ქართული ოცნებისგან", - განაცხადა გიგა შუშანიამ.


ქუთაისის მერიამ  შპს "მადლზე" ქალაქში ჯიხურების ჩადგმის ნებართვა 2013 წელს გასცა, თუმცა, ჯიხურების განთავსება ამ დრომდე არ მომხდარა. ახლა კი კომპანიამ ქუთაისის მერიას სასამართლოში უჩივლა და პროცესი მოუგო. 

ამავე თემაზე:

„ნუ გვაბრუნებთ ჯიხურების ეპოქაში“ - პურის რეალიზატორთა პროტესტი ქუთაისში

"ქუჩა უნდა იყოს თავისუფალი" - ქუთაისში ქუჩაში დადგმულ პურის ჯიხურებს აპროტესტებენ (ვიდეო)

Print E-mail
FaceBook Twitter
მსგავსი სიახლეები
ქუთაისში, „გუბერნსკის ციხის
15:00 / 12.06.2024
ქუთაისში, „გუბერნსკის ციხის" ყოფილ შენობას დაანგრევენ და მის ადგილზე საცხოვრებელი მრავალსართულიანი კორპუსი აშენდება. 
ქუთაისში, კინოთეატრის,
11:36 / 12.06.2024
ქუთაისში, კინოთეატრის, "სულიკოს" ყოფილი შენობის ადგილას მრავალსართულიანი საცხოვრებელი კორპუსის მშენებლობა მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.