ახალი ამბები
ქუთაისის საკრებულოს წევრის მეუღლე ქალაქის ცენტრში კორპუსს აშენებს
FaceBook
ქუთაისის საკრებულოს დეპუტატის, მაია სიმონიძის მეუღლე ქალაქის ცენტრალურ უბანში მრავალსართულიან კორპუსს აშენებს.

საცხოვრებელი ბინის მშენებლობა გამარჯვების მოედანზე მდებარე ტაძრის მიმდებარედ მიმდინარეობს. მას შპს "კასა დეველოპმენტი" აშენებს, რომელიც, ასევე დეპუტატის ოჯახის საკუთრებაა.

ადგილზე განთავსებული საინფორმაციო დაფის თანახმად, ექვსსართულიანი კორპუსის მშენებლობის ნებართვა ქუთაისის მერიამ 2017 წლის 12 ოქტომბერს გასცა. სამუშაოები კი, ორ წელიწადში უნდა დასრულდეს.

"ყველა ნებართვა გაცემულია მანამდე, ვიდრე დეპუტატი გავხდებოდი. თანაც მე საკრებულოში რიგითი დეპუტატი ვარ და არანაირი თანამდებობა არ მაქვს. კანონმდებლობა ამას არ ზღუდავს," - ამბობს  მაია სიმონიძე.

საჯარო რეესტრის მონაცემების მიხედვით ირკვევა, რომ მაია სიმონიძემ გამარჯვების მოედანზე 201 კვ.მეტრის ტერიტორია 2016 წლის 31 მარტს დაირეგისტრირა. მანამდე ეს ტერიტორია ქუთაისის მერიის საკუთრება იყო.

გასული წლის 12 ოქტომბერს კი, თვითმმართველობის არჩევნებამდე 10 დღით ადრე, მიწის ფართი დაირეგისტრირა შპს "კასა დეველოპმენტმა", რომელიც თავად 2017 წლის 4 ოქტომბერსაა რეგისტრირებული. ფირმის დირექტორი დეპუტატის მეუღლე, თეიმურაზ შავგულიძე, ხოლო 100%-იანი წილის მფლობელი მაიას სიმონიძე გახლავთ.

მაია სიმონიძე, ასევე ქუთაისის სამკერვალო ფაბრიკა "იმერის" სამეთვალყურეო საბჭოს თავმჯდომარეა.

2017 წლის 21 ოქტომბრის თვითმმართველობის არჩევენების შედეგად ის, "ქართული ოცნების" პარტიული სიით, ქალაქის საკრებულოს წევრი გახდა.

Print E-mail
FaceBook Twitter
მსგავსი სიახლეები
ეკონომიკის მინისტრმა ნათია თურნავამ, ქუთაისში
ვიზიტის დროს წყალტუბოს აღორძინების გეგმაზე ისაუბრა.
21:01 / 30.05.2020
ეკონომიკის მინისტრმა ნათია თურნავამ, ქუთაისში ვიზიტის დროს წყალტუბოს აღორძინების გეგმაზე ისაუბრა.
ეკონომიკის მინისტრმა ნათია თურნავამ, ქუთაისის
ინდუსტრიულ ზონაში არსებული საწარმოები დაათვალიერა.
15:38 / 30.05.2020
ეკონომიკის მინისტრმა ნათია თურნავამ, ქუთაისის ინდუსტრიულ ზონაში არსებული საწარმოები დაათვალიერა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.