ახალი ამბები
„ესაა ზედმეტი ხარჯი“ - ოპოზიცია ას საფეხურიანი კიბის რეაბილიტაციაზე
FaceBook
ქუთაისის საკრებულოს ოპოზიციონერი დეპუტატების ნაწილი, ბალახვანში ას საფეხურიანი კიბის რეაბილიტაციას არ ეთანხმება და მიიჩნევს, რომ დღის წესრიგში გაცილებით უფრო მნიშვნელოვანი საკითხები დგას.
"ევროპული საქართველოს" დეპუტატი, მერაბ მეშველიანი ამბობს, რომ უმჯობესია ამ მიზნით გათვალისწინებული თანხა სხვა მიმართულებით გადანაწილდეს.

"ვერ მოვისმინე არგუმენტი, რატომაა საჭირო და უფრო პრიორიტეტული ამ კიბის რეაბილიტაცია, ვიდრე პროგრამა "კორპუსი". როცა ამ სფეროში არის უმძიმესი ვითარება, კიბეების რეაბილიტაციისთვის თანხის დახარჯვა, ვფიქრობ, ზედმეტი ხარჯია. მე ამ თანხას პროგრამა "კორპუსში ჩავდებდი, რადგან აქ გაცილებით უფრო დიდი პრობლემებია", - განაცხდა მერაბ მეშველიანმა.

ბალახვნის ას საფეხურიანი კიბის რეაბილიტაცია ქუთაისის მერიის 2018 წლის ინფრასტრუქტურული გეგმიდან ერთ-ერთი პროექტია. ხელისუფლება მიიჩნევს, რომ კიბეების რეაბილიტაციის შემდეგ ბალახვნის ცენტრი ახალგაზრდების თავშეყრის ადგილი გახდება.

"იქ გვეგმავთ 60-80 ადამიანზე გათვლილი ამფითეატრის მოწყობას და კიბეების რეაბილიტაციას, რის შემდეგაც, ვფიქრობ, მოიმატებს ახალგაზრდების რაოდენობა", - განაცხადა მერის მოადგილემ, იუზა უგულავამ.

ბალახვნის ას საფეხურიანი კიბის რეაბილიტაციასა და მიმდებარე ტერიტორიის მოწესრიგებას, სავარაუდოდ, 500 000 ლარამდე მოხმარდება.

ინფრასტრუქტურული გეგმის ფარგლებში,  ქუთაისის მერია, ასევე, გეგმავს თეთრი ხიდისა და გაპონოვის ქუჩის რეაბილიტაციას.

ინფრასტრუქტურული პროექტების განსახორციელებლად, ქუთაისის მერია, რეგიონალური განვითარების ფონდიდან 8 მილიონ ლარს მიიღებს.

Print E-mail
FaceBook Twitter
მსგავსი სიახლეები
ქუთაისის საკრებულომ ნიკეას ქუჩის გადაკვეთაზე
მდებარე მიწისქვეშა გადასასვლელი იჯარის წესით
გაასხვისა.
17:34 / 30.09.2020
ქუთაისის საკრებულომ ნიკეას ქუჩის გადაკვეთაზე მდებარე მიწისქვეშა გადასასვლელი იჯარის წესით გაასხვისა.
ქუთაისის საკრებულომ შპს
,,პარკინგსერსვისს
17:13 / 30.09.2020
ქუთაისის საკრებულომ შპს ,,პარკინგსერსვისს" ბიუჯეტში არსებული დავალიანების დასაფარავად 9 წლიანი ვადა მისცა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.