ახალი ამბები
„საქმე ბევრია, ხელფასი ცოტა“ - მერის მრჩევლები, რომლებიც, სავარაუდოდ, პოსტებს დატოვებენ
FaceBook
ქუთაისიპოსტის ინფორმაციით, მომავალი წლიდან ქუთაისის მერის მრჩევლების პოსტებს ოთარ ჩიხლაძე, მამუკა ჭონიშვილი და თემურ ლანჩავა დატოვებენ.
მერმა გადაწყვეტილებას ხელი, სავარაუდოდ, 29 დეკემბერს უნდა მოაწეროს.

პოსტებს კი მამუკა კუბლაშვილი, ლაშა ნიქაბაძე და ზურაბ ხურციძე შეინარჩუნებენ. თუმცა, მომავალი წლის მაისიდან მერს, შესაძლოა, მხოლოდ ორი მრჩეველი დარჩეს. ქუთაისიპოსტის ინფორმაციით, მეოთხე მრჩეველი, რომელიც საბოლოოდ პოსტს ვერ შეინარჩუნებს, ლაშა ნიქაბაძე იქნება, რომელსაც მერიასთან ხელშეკრულების ვადა 2018 წლის მაისში ეწურება.

თემურ ლანჩავა, რომელიც ქალაქის მერს რჩევებს კულტურისა და ხელოვნების სფეროებში აძლევდა, ამბობს, რომ თანამდებობიდან მოსალოდნელი გათავისუფლების შესახებ ინფორმირებულია და ამის გამო გული არ წყდება.

"საქმე უამრავია, ხელფასი ცოტა, ამიტომ გული არ მწყდება. გიორგი ახლებურად აწყობს რაღაცეებს და მე დილის 9 საათიდან მანდ ვერ დავჯდები, მილიონი საქმე მაქვს. ვრედაქტორობ გაზეთს, ჟურნალს, მეცნიერებათა აკადემიის პრეზიდენტი და მწერალთა კავშირის თავმჯდომარე ვარ. რომელი ერთი ვაკეთო? მანდ რომ დავჯდე სხვას ვეღარაფერს გავაკეთებ. მე მანდ ჯდომა არ შემიძლია. ვინც უნდათ ის მოიყვანონ", - ამბობს თემურ ლანჩავა.

კიდევ ერთი მრჩეველი, მამუკა ჭონიშვილი, რომელიც, სავარაუდოდ, პოსტს დატოვებს, ამბობს, რომ ოფიციალური ინფორმაცია ამის შესახებ მისთვის უცნობია.

"ჯობია დაველოდოთ მოვლენებს. ჩემთვის ეს ჯერ არავის უთქვამს", - ამბობს მამუკა ჭონიშვილი.

რა გადაწყვეტილებას მიიღებს ქალაქის მერი, ამის შესახებ დაზუსტებით ჯერ არც იმათ იციან, რომლებიც, სავარაუდოდ, მრჩევლის პოზიციებს შეინარჩუნებენ.

"უხერხულია ამაზე წინასწარ ლაპარაკი. დაველოდოთ ოფიციალურ ინფორმაციას", - ამბობს მერის მრჩეველი, მამუკა კუბლაშვილი.

ის, რომ მერს სამ მრჩეველზე მეტი არ უნდა ჰყავდეს, ეს მიმდინარე წლის საკრებულოს ბოლო სხდომაზე გადაწყდა, სადაც, ქალაქის მერმა, გიორგი ჭიღვარიამ  განაცხადა რომ ხუთი მრჩეველი არ სჭირდება. იგივე განაცხდა მან უთაისიპოსტის სტუდიაშიც, როცა მათი რაოდენობის შემცირება პირველად დაანონსა.  ირკვევა, რომ  გიორგი ჭიღვარიას მეექვსე მრჩევლის შესახებ ინფორმაცია არც მაშინ და არც ახლა ჰქონდა. 

ქუთაისის მერიაში  მრჩევლის პოზიციებზე ექვსივე  მრჩეველი ყოფილი მერის, შოთა მურღულიას დროს დაინიშნა.

მათი  ანაზღაურება 960 ლარია.

Print E-mail
FaceBook Twitter
მსგავსი სიახლეები
დაავადებათა კონტროლის ცენტრის
ხელმძღვანელი, ამირან გამყრელიძე სკოლებსა და საბავშვო ბაღების
ფუნქციონერების დროებით შეწყვეტის რეკომენდაციას არ
იძლევა.
16:11 / 28.02.2020

დაავადებათა კონტროლის ცენტრის ხელმძღვანელი, ამირან გამყრელიძე სკოლებსა და საბავშვო ბაღების ფუნქციონერების დროებით შეწყვეტის რეკომენდაციას არ იძლევა.

31
წლის ქალს, რომელსაც კორონავირუსი დაუდგინდა, იტალიაში
იმყოფებოდა.
16:04 / 28.02.2020

31 წლის ქალს, რომელსაც კორონავირუსი დაუდგინდა, იტალიაში იმყოფებოდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.