ახალი ამბები
ქუთაისის მერიას რეორგანიზაციის შედეგად 50 ადამიანი დატოვებს
FaceBook
ქუთაისის მერიას  50 თანამშრომელი დატოვებს. ამის შესახებ ქალაქის მერმა გიორგი ჭიღვარიამ განაცხადა.
მისი თქმით, რეორგანიზაციის ფარგლებში ის შტატები გაუქმდა, რომლებიც არაეფექტური იყო.

" გაუქმდა ის შტატები, რომლებიც არაეფექტურად მუშაობდნენ, თუმცა, მათი შემცირება ცხადია არ მომხდარა პიროვნული ნიშნით. ამასთანავე, საჭირო იყო დასაშვებ 10%-ზე დაგვეყვანა ხელშეკრულებით აყვანილი თანამშრომლების რაოდენობა, რაც რეალურად, მერიაში დასაქმებულთა 12% იყო.  ცვლილების შედეგად კი მერიაში ხელშეკრულებით მხოლოდ 28 თანამშრომელი იქნება და ეს ზღვარიც დაიწევს", - განაცხადა გიორგი ჭიღვარიამ.

განსხვავებული ინფორმაცია აქვს საკრებულოს დეპუტატს, დავით გოგისვანიძეს, რომლის თქმითაც, წლის ბოლომდე მერიიდან თანამშრომლებს მასშტაბურად დაითხოვენ და ეს ძირითადად,  ყოფილი ხელისუფლების  კადრებზე აისახება.

"მაქვს ინფორმაცია, რომ ამ საახალწლოდ ძალიან ბევრ ძველ, შოთა მურღულიას კადრებს გაუშვებენ სამსახურიდან და ეს იქნება ძალიან ცუდი", - განაცხადა "ევროპული საქართველოს" დეპუტატმა,  დავით გოგისვანიძემ.

რეორგანიზაციის შედეგად ქუთაისის მერიაში კვლავ 9 სამსახური დარჩება. მერის და მისი სამი მოადგილის ჩათვლით, მერიაში 13 თანამდებობის პირი იქნება, როგორც ამას "საჯარო სამსახურის შესახებ კანონი" ითვალისწინებს.
Print E-mail
FaceBook Twitter
მსგავსი სიახლეები
საქართველოში კორონავირუსის
დაფიქსირების რისკი მომატებულია.
12:48 / 26.02.2020

საქართველოში კორონავირუსის დაფიქსირების რისკი მომატებულია.

ჭიათურის სოფელ შუქრუთის
მოსახლოებას ერთ კვირაზე მეტია სოფელში არსებული 17-ვე მაღარო
პიკეტირებული აქვს.
12:36 / 26.02.2020
ჭიათურის სოფელ შუქრუთის მოსახლოებას ერთ კვირაზე მეტია სოფელში არსებული 17-ვე მაღარო პიკეტირებული აქვს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.