ახალი ამბები
მოსწავლის ცემის ფაქტს სოციალური სამსახური და სახალხო დამცველის აპარატი შეისწავლის
FaceBook
ქუთაისის ერთ-ერთ საჯარო სკოლაში, სადაც მოსწავლეს თანაკლასელის მამამ სცემა, დღეს სოციალური სამსახურისა და სახალხო დამცველის აპარატის წარმომადგენლები მივიდნენ.
სოციალურმა მუშაკმა სკოლის დირექტორისგან მომხდარის შესახებ მოისმინა, სახალხო დამცველის აპარატის წარმომადგენელი კი, იმ ბავშვს გაესაუბრა, რომელსაც მოსწავლის მამამ დასჯის მიზნით ყური აუწია.

"მე არ დავსწრებივარ მოსწავლესა და სახალხო დამცველის წარმომადგენელს შორის საუბარს. როგორც მითხრეს, შეხვედებიან მეორე მოსწავლესაც. ასევე, ვესაუბრე სოციალურ მუშაკსაც და ისიც გეგმავს ორივე მათგანთან შეხვედრას. თუ საჭირო იქნება, საქმეში  ფსიქოლოგიც ჩაერთვება", - ამბობს სკოლის დირექტორი.

სახალხო დამცველისა და სოციალური სამსახურის წარმომადგენლების ვიზიტამდე, სკოლის დირექტორმა მასწავლებლებთან საგანგებო თათბირი ჩაატარა და პედაგოგებს მსგავსი ფაქტების მიმართ მეტი ყურადღების დათმობისკენ მოუწოდა. 

ქუთაისის ერთ-ერთ საჯარო სკოლაში მეხუთე კლასის მოსწავლის მამამ, შვილის კლასელს სახეში ხელი გაარტყა და ყური აუწია.

დირექტორის თქმით,
მოსწავლეებს შორის ადრე კონფლიქტი არ ყოფილა.  დაპირისპირება კი მას შემდეგ დაიწყო, რაც ერთმა მეორეს გრძელი თმის გამო დასცინა. მომხდარიდან რამდენიმე დღეში  ერთ-ერთი მათგანის მამამ, რომელიც სკოლის მიმდებარე ტერიტორიაზე სპეციალური (სავარაუდოდ, სასჯელაღსრულების დაწესებულების თანამშრომლის) ფორმით გამოცხადდა, მისი შვილის თანაკლასელს მომხდარის გამო უსაყვედურა და ყური აუწია.

შინაგან საქმეთა სამინისტროში ამბობენ,რომ პირი მათი არც ერთი დაქვემდებარებული სტრუქტურის თანამშრომელი არ არის. სასჯელაღსრულების დაწესებულებისგან კი ქუთაისიპოსტი პასუხს ამ დრომდე ელოდება.


ამავე თემაზე:


ქუთაისში, მშობელი პოლიციის ფორმაში ჩაცმულ მამაკაცს შვილის ცემაში ადანაშაულებს

განათლების სამინისტრომ ქუთაისში მოსწავლის ცემის ფაქტის შესწავლა დაიწყო

„ყური აუწია და უთხრა, მეტი აღარ გაიმეოროო“- რას ჰყვება სკოლის დირექტორი მოსწავლის ცემაზე


Print E-mail
FaceBook Twitter
მსგავსი სიახლეები

საჩხერეში მამის მკვლელობაში ბრალდებულ არასრულწლოვანს
აღკვეთის ღონისძიების სახით პატიმრობა შეეფარდა.
10:50 / 23.02.2020

საჩხერეში მამის მკვლელობაში ბრალდებულ არასრულწლოვანს აღკვეთის ღონისძიების სახით პატიმრობა შეეფარდა.


საქართველოს მორაგბეთა ეროვნულმა
ნაკრებმა რაგბის ევროპის ჩემპიონატის მესამე შეხვედრაში ბელგიის
ეროვნული ნაკრები 78:6 დაამარცხა.
10:45 / 23.02.2020

საქართველოს მორაგბეთა ეროვნულმა ნაკრებმა რაგბის ევროპის ჩემპიონატის მესამე შეხვედრაში ბელგიის ეროვნული ნაკრები 78:6 დაამარცხა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.