ახალი ამბები
იმერეთში მოქმედ ბიზნესასოციაციებს "თავისუფალი ვაჭრობის" შეთანხმების დეტალებს აცნობენ
FaceBook
იმერეთში მოქმედ ბიზნეს ასოციაციების წარმომადგენლებს სასტუმრო "ბესტ ვესტერნში" ევროკავშირთან ღრმა და ყოვლისმომცველი თავისუფალი სავაჭრო სივრცის შეთანხმების დეტალებს აცნობენ.

რა ვალდებულებები აიღო საქართველომ ევროკავშირთან ღრმა და ყოვლისმომცველი თავისუფალი სავაჭრო სივრცის შეთანხმების მიმართულებით, როგორ ხდება ამ ვალდებულებების შესრულება, როგორ შეიძლება ამ შეთანხმებით მონიჭებული  უპირატესობების გამოყენება, რა რეფორმები იგეგმება, რა გზით შეუძლიათ ქართულ კომპანიებს ევროკავშირში გაიტანონ და ბაზარზე განათავსონ თავიანთი პროდუქტი - ეს და სხვა საკითხები განიხილება შეხვედრაზე.

ეკონომიკისა და მდგრადი განვითარების სამინისტროს საგარეო ვაჭრობის პოლიტიკის დეპარტამენტის უფროსის, მარიამ გაბუნიას თქმით, რეგიონებისთვის მნიშვნელოვანია ინფორმაცია იმ გასატარებელი რეფორმების შესახებ, რომელიც სურსათის უვნებლობის მიმართულებით 2027 წლამდე გატარდება.

"მნიშვნელოვანია, რომ ასოციაციების წარმომადგენლების ტრენინგი ხდება დღეს, იმიტომ რომ შემდეგ ამ ასოციაციებმა თავის წევრ კომპანიებში გაავრცელონ ეს ინფორმაცია", - ამბობს მარიამ გაბუნია. 

შეხვედრის მონაწილეები აღნიშნავენ, რომ ინფორმაციის დეფიციტია იმაზე, თუ რა მოთხოვნებს უნდა აკმაყოფილებდეს პროდუქტი იმისათვის, რათა ევროკავშირის ბაზარზე თავისუფალი ვაჭრობის რეჟიმით გავიდეს. არასამთავრობო ორგანიზაცია "ევროპა ჩვენი სახლიას" წარმომადგენლის, მერაბ ბარათაშვილის თქმით ევროკავშირის მიერ დაწესებულ სტანდარტებთან საქართველო ჯერჯერობით საკმაოდ შორსაა. 

"როცა ჩვენ ვსაუბრობთ რა გვიშველის. ის გვიშველის, რომ ეკონომიკურადაც უნდა ვიყოთ ცივილიზებული სამყაროს ნაწილი და ამ შეხვედრაზე ჩვენ ვეცნობით იმ მექანიზმებს, როგორ მოვიდეს ჩვენთან ის სიკეთეები, რაც ევროკავშირის წევრ ქვეყნებშია", - ამბობს მერაბ ბარათაშვილი.

შეხვედრა პროექტ "სურსათისა და სოფლის მეურნეობის დარგში მცირე და საშუალო საწარმოების მხარდამჭერი ინიციატივის" ფარგლებში ჩატარდა, რომლის ხელმძღვანელი ორგანიზაცია - საქართველოს ფერმერთა ასოციაციაა (GFA). 
Print E-mail
FaceBook Twitter
მსგავსი სიახლეები
პრემიერ-მინისტრმა გიორგი გახარიამ დღეს
ქუთაისის შემოვლითი გზის ერთ-ერთი მონაკვეთი გახსნა.
11:34 / 03.07.2020
პრემიერ-მინისტრმა გიორგი გახარიამ დღეს ქუთაისის შემოვლითი გზის ერთ-ერთი მონაკვეთი გახსნა.
პარლამენტმა
09:13 / 03.07.2020
პარლამენტმა "საარჩევნო კოდექსში" შესატანი ცვლილებების პროექტი მესამე მოსმენით (94 მომხრე, ერთი წინააღმდეგი ) დაამტკიცა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.