ახალი ამბები
გიორგი ჭიღვარიამ ვიცე-მერები წარადგინა
FaceBook
ქუთაისის მერმა, გიორგი ჭიღვარიამ ვიცე-მერები წარადგინა.  ვიცე–მერის პოსტები გიორგი იობაშვილმა, ნინო თვალთვაძემ და იუზა უგულავამ დაიკავა.

"მე ჩემი გუნდი შევარჩიე სუფთა წარსულითა და პროფესიონალიზმის ნიშნით.ისინი მზად არიან ემსახურონ ხალხს", - განაცხადა ვიცე-მერების წარდგენისას გიორგი ჭიღვარიამ.

იუზა უგულავა ხონის მუნიციპალიტეტის გამგებლის პირველი მოადგილის პოსტზე 2016 წელს დაინიშნა. მან თანამდებობა 4 თვის წინ დატოვა.  მერის მეორე მოადგილე ნინო თვალთვაძე "სიას" ქუთაისის ფილიალის ყოფილი თავმჯდომარე და "ადგილობრივი დემოკრატიის სააგენტოს" ხელმძღვანელი გახლდათ. 

რაც შეეხება, გიორგი იობაშვილს,  იგი ამ დრომდეც  ქუთაისის ვიცე-მერი იყო. მან მიმდინარე წლის 18 აგვისტოს ამ პოსტზე გრიგოლ დალაქიშვილი ჩაანაცვლა, რომელმაც მერიაში დანიშვნიდან მალევე იმერეთის სამხარეო ადმინისტარციაში გადაინაცვლა. 

გიორგი ჭიღვარია მუშაობას 29 ნოემბერს შეუდგა. მან პირველივე სამუშაო დღეს  ქუთაისის მერიაში რეორგანიზაცია დააანონსა.

მერიის და საკრებულოს აპარატში რეორგნიზაციის საკითხი აღმასრულებელმა 29 ნოემბერს, ახლადარჩეული საკრებულოს სხდომაზეც გაიტანა, რომელსაც გიორგი ჭიღვარია არ დასწრებია.

საკრებულოს ოპოზიციამ, რომელმაც რეორგანიზაციის გეგმას მხარი არ დაუჭირა, განაცხადა, რომ ქალაქის ახლადარჩეული მერი სხდომაზე შეგნებულად არ მივიდა, რადგან თავი აერიდებინა რეორგანიზაციასთან დაკავშირებული კითხვებისთვის.


Print E-mail
FaceBook Twitter
მსგავსი სიახლეები
,,ქუთაისიპოსტზე
02:04 / 14.07.2020
,,ქუთაისიპოსტზე" გამოქვეყნებული მასალის შემდეგ – კანალიზაციით და შლამით სავსე ისტორიული აბანო ქუთაისში წლების განმავლობაში მოუვლელი, უძველესი ბუნებრივი აბანოები მოწესრიგდება.
შემოწმებული 64 ფიტნეს ცენტრიდან
მოთხოვნები 25-მა, ხოლო 30 შემოწმებული აუზიდან - 17-მა
დააკმაყოფილა.
15:30 / 13.07.2020
შემოწმებული 64 ფიტნეს ცენტრიდან მოთხოვნები 25-მა, ხოლო 30 შემოწმებული აუზიდან - 17-მა დააკმაყოფილა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.