ქუთაისიპოსტი

ქუთაისის საკრებულოს სხდომა, რომელიც ამ წუთებში მიმდინარეობს, ქალაქის მერი, გიორგი ჭირვარია არ ესწრება. რის გამოც, საკრებულოს ოპოზიციონერმა დეპუტატემა გააკრიტიკეს.
"გულახდილად ვიტყვი, არ მეგონა მურღულიას ქება თუ მომიწევდა, ის აქ მაინც მოდიოდა და ვგებულობდით მაინც რა უნდოდა ქალაქის მერს. ქაალქის ახლადარჩეული მერი საკრებულოს ემალება და მისი ინიციატივები არ შემოქვს. მე მქონდა მასთან კითხვა, საერთოდ რა ხედვები აქვს რეორგანიზაციასთან დაკავშირებით და ამიტომ ჩვენ ასე გაურკვევლად რეორგანიზაციის საკითხს მხარს ვერ დავუჭერთ", - განაცხადა საკრებულოს სხდომაზე საკრებულოს "ნაციონალური მოძრაობის წევრმა", - გია უკლებამ.

ქუთაისის საკრებულოს ოპოზიციონერი დეპუტატები ქალაქის მერისგან რეორგანიზაციის საჭიროების ახსნას მოითხოვენ.

"მიზანი მინდა გავიგო რეორგანიზაციის და ვუსვამ ქალაქის მერ შეკიხვას რომ აგვიხსნას რეორგანიზაციის საჭიროება", - განაცხადა საკრებულოს სხდომაზე გიორგი უკლებამ.

ოპოზიციური პარტიის წარმომადგენლებს პასუხი ქუთაისის საკრებულოს თავმჯდომარემ, ნიკა ლატარიამ გასცა.

" ყველა კითხვაზე ექნება პასუხი ჩვენს გუნდს და საზოგადოებას. მოვიდა ახალი მერი და რეორგანიზაცია დაგეგმა, მოვა თვითონ და ყველა თქვენს კითხვაზე გასცემს პასუხს, მშვიდად იყავით არ არის საჭირო ტემპერატურის აწევა," - განაცხადა საკრებულოს თავმჯდომარემ ნიკა ლატარიამ.

ქალაქ ქუთაისის მუნიციპალიტეტის მერიაში სტრუქტურული რეორგანიზაციის პროცესის დაწყების თაობაზე ქუთაისის მერიისთვის თანხმობის მიცემის შესახებ საკითხი საკრებულომ ხმათა უმრავლესობით დაამტკიცა.

ქუთაისის საკრებულოს ახალი შემადგენლობის რიგით მეორე სხდომაზე, საკრებულოს კომისიის შემადგელობა უნდა დაამტკიცონ.

გიორგი ჭიღვარია უფლებამოსილების  განხორციელების შესრულებას დღეს შეუდგა. გიორგი ჭიღვარიამ მერიაში რეორგანზიაცია უკვე დაანონსა.