ახალი ამბები
"გზების გაწმენდა არ იქნება პრობლემა" – "სპეციალურ სერვისებს" 100 ტონა ტექნიკური მარილის მარაგი აქვს
FaceBook
ზამთრის სეზონთან დაკავშირებით "ააიპ სპეციალურმა სერვისებმა" დამატებით 60 ტონა ტექნიკური მარილი შეიძინა. ორგანიზაციის  ხელმძღვანელის, გელა გაგუას თქმით, თოვლის და ყინულისთვის სამსახურის განკარგულებაში 2016 წლის ზამთრის სეზონიდან დარჩენილი 40 ტონა მარილი იყო. თუმცა,  ორგანიზაციამ კიდევ 60 ტონა ტექნიკური მარილი შეისყიდა.

ამისთვის,  სპეციალურ სერვისებს 14 700 ლარის ღირებულების ტენდერი (SPA170014285) ჰქონდა გამოცხადებული. სადაც "შპს დაფნამ" გაიმარჯვა, რომელიც ბიუჯეტიდან 14 600 ლარს მიიღებს.

"გვქონდა ტენდერი გამოცხადებული, უკვე პროცედურები დასრულებულია და ვგეგმავთ, რომ მომავალი კვირიდან მოხდება 60 ტონა მარილის ეტაპობივად შემოტანა და მარაგის შევსება. ამისთვის ჩვენი ბიუჯეტიდან 14 600 ლარი იქნა გამოყოფილი. ახლა ჩვენი ტექნიკური მარილის მარაგი სულ 100 ტონა იქნება", - ამბობს "ააიპ სპეციალური სერვისების" ხელმძღვანელი, გელა გაგუა.

მისი თქმით, გარდა ტექნიკური მარილისა და ინერტული მასალისა, უამინდობის დროს საჭირო სპეციალური 8 მანქანა უკვე მზადყოფნაშია.

"2 სპეციალური მანქანაა, რომელიც ავტომატურად ახორციელებს მარილის მოყრას გზებზე, ასევე არის 3 მანქანა, რომელსაც ნიჩაბი აქვს მიმაგრებული და 2 ჩვეულებრივი მანქანა, საიდანაც მარილის გადმოყრა ხორციელდება. გარდა ამისა,  გვყავს  ერთი გრეიდერი, რომელსაც ახლახანს გამოვუცვალეთ საბურავები. ამიტომ შემიძლია ვთქვა, რომ როგორი თოვლიც არ უნდა მოვიდეს, სკოლამდე, საბავშვო ბაღებამდე და სხვადასხვა ადგილებამდე მისასვლელი გზების , რა თქმა უნდა, მუდვმივად მოხდება საავტომობილო გზების გაწმენდაც", - განმარტავს ჩვენთან საუბარში "ააიპ სპეციალური სერვისები" ხელმძვღანელი, გელა გაგუა. 

გარდა ამისა, "ააიპ სპეციალურმა სერვისებმა" 400 კბ/მ ტექნიკურ მარილში შესარევი წვრილმარცვლოვანი გარეცხილი ქვიშის შესყიდვისთვის მიმდინარე წლის 24 ნოემბერს 10 800 ლარის ტენდერი (SPA170014818) გამოაცხადა.  

გასულ წელს ზამთრის სეზონისთვის ადგილობრივმა თვითმართველობამ 52 ტონა ტექნიკური მარილი შეიძინა.
Print E-mail
FaceBook Twitter
მსგავსი სიახლეები
,,ქუთაისიპოსტზე
02:04 / 14.07.2020
,,ქუთაისიპოსტზე" გამოქვეყნებული მასალის შემდეგ – კანალიზაციით და შლამით სავსე ისტორიული აბანო ქუთაისში წლების განმავლობაში მოუვლელი, უძველესი ბუნებრივი აბანოები მოწესრიგდება.
შემოწმებული 64 ფიტნეს ცენტრიდან
მოთხოვნები 25-მა, ხოლო 30 შემოწმებული აუზიდან - 17-მა
დააკმაყოფილა.
15:30 / 13.07.2020
შემოწმებული 64 ფიტნეს ცენტრიდან მოთხოვნები 25-მა, ხოლო 30 შემოწმებული აუზიდან - 17-მა დააკმაყოფილა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.