ახალი ამბები
აზარტულ თამაშებზე დამოკიდებული პირებისთვის, შესაძლოა, ახალი რეგულაციები ამოქმედდეს
FaceBook
საქართველოს პარლამენტი იმ საკანონმდებლო ცვლილებებს განიხილავს, რომელის მიხედვითაც, შესაძლოა აზარტულ ან მომგებიან თამაშობებზე დამოკიდებულ პირთა მონაცემთა ბაზა შეიქმნას.

კანონში "ლატარიების, აზარტული და მომგებიანი თამაშობების მოწყობის შესახებ" ცვლილების შეტანის ინიციატორი საქართველოს მთავრობაა. პარლამენტი ამ საკითხზე მიმდინარე წლის 15 ნოემბრის პლენარულ სხდომაზე იმსჯელებს.

განმარტებით ბარათში მითითებულია, რომ კანონპროექტის მიღების ძირითადი მიზანი სათამაშო ბიზნესის სფეროში არსებული სოციალური ფონის გაუმჯობესებაა, კერძოდ, 21 წლამდე ასაკის პირთა თამაშში მონაწილეობის აკრძალვა და დამოკიდებულ პირთა სიის შექმნაა.

ცვლილების მიხედვით, მოთამაშეს შესაძლებლობა ექნება, საკუთარი განცხადების საფუძველზე, დამოკიდებულ პირთა სიაში მისი მონაცემების შეტანა მოითხოვოს. გარდა ამისა, მოთამაშის ოჯახის წევრი უფლებამოსილია, სასამართლოს წესით, მოითხოვოს პირის მონაცემების რეესტრში შეტანა.

თამაშზე დამოკიდებულ პირთა სიას აწარმოებს შემოსავლების სამსახური და სიაში პირის შეტანა ხორციელდება 3 წლის ვადით.

ასევე, აზარტული დაწესებულების მფლობელი ვალდებულია, მოთამაშის ობიექტზე დაშვებამდე ან სისტემურ-ელექტრონული ფორმით თამაშში მონაწილეობამდე, გადაამოწმოს პირი შესაბამის რეესტრში და მისი არსებობის შემთხვევაში არ დაუშვას დამოკიდებული პირის სათამაშოდ დაშვება.

Print E-mail
FaceBook Twitter
მსგავსი სიახლეები
ორთვიანი წყვეტის შემდეგ,  საქალაქო
ტრანსპორტმა მუშაობა განაახლა, თუმცა,
პირველივე დღეს
გაფუჭდა #28
მიკროავტობუსი.
10:31 / 29.05.2020
ორთვიანი წყვეტის შემდეგ,  საქალაქო ტრანსპორტმა მუშაობა განაახლა, თუმცა, პირველივე დღეს გაფუჭდა #28 მიკროავტობუსი.
29 მაისიდან ქუთაისში სრულად აღდგა საქალაქო
ტრანსპორტის მოძრაობა.
09:59 / 29.05.2020
29 მაისიდან ქუთაისში სრულად აღდგა საქალაქო ტრანსპორტის მოძრაობა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.