ახალი ამბები
პარლამენტის ქუთაისის შენობას რეაბილიტაცია ჩაუტარდება
FaceBook
პარლამენტის ქუთაისის შენობის და მის ირგვლივ არსებული ტერიტორიის რეაბილიტაცია იგეგმება, - ამის შესახებ საქართველოს პარლამენტის თავმჯდომარე ირაკლი კობახიძემ პარლამენტის პლენარულ სხდომაზე სიტყვით გამოსვლისას განაცხადა.
როგორც კობახიძემ განაცხადა, პარლამენტის შუშის კონსტრუქციას სერიოზული პრობლემები აქვს, ასევე მოსაწყობია ავტოსადგომი, გამწვანება შენობის გარეთ

"მინდა მოკლედ მოგახსენოთ იმ გეგმების შესახებ, რომელიც ჩვენ გვაქვს ქუთაისის პარლამენტის სასახლის რეაბილიტაციასთან დაკავშირებით. როგორც მოგეხსენებათ, მოსაწესრიგებელია პარლამენტის შენობა და შენობის მიმდებარე ტერიტორია. რეაბილიტაციას საჭიროებს თავად შენობა. მისი სახურავი ატარებს წყალს და სავარაუდოდ, პოლიმერის საფარით არის რეაბილიტაცია ჩასატარებელი. მიზანშეწონილია ასევე მთლიანად შუშის რეკონსტრუქციის შეცვლა. აქაც არის ორი პრობლემა - ატარებს წყალს და ტემპერატურას ვერ ვარეგულირებთ. რეაბილიტაციას საჭიროებს ეს ყველაფერი და ასევე სარეაბილიტაციოა შენობის მიმდებარე ტერიტორია, მოსაწყობია ავტოსადგომი, უნდა მოპირკეთდეს შენობის შესასვლელი. აუცილებელია ტერიტორიის მოწესრიგება, შეგვიძლია შენობის მიმდებარე ტერიტორიის გამწვანება. შესაძლებელია, მოვაწყოთ პარკი პარლამენტის მიმდებარე ტერიტორიაზე, რაც იქნებოდა ასევე საჩუქარი ქუთაისის მოსახლეობისთვის გამომდინარე იქიდან, რომ ეს პარკი იქნებოდა საყოველთაო მოხმარებისთვის განკუთვნილი", - განაცხადა ირაკლი კობახიძემ.

პარლამენტის თავმჯდომარემ ხაზინადართა საბჭოს აღნიშნული საკითხის ფინანსური შესწავლა დაავალა, რათა "ამ ყველაფერზე მუშაობა იქნას დაწყებული".


წყარო: interpressnews.ge
Print E-mail
FaceBook Twitter
მსგავსი სიახლეები
2023 წლის პირველი იანვრიდან, გამონაბოლქვზე ავტომობილის შემოწმების
კრიტერიუმი მკაცრდება.
12:43 / 10.12.2022
2023 წლის პირველი იანვრიდან, გამონაბოლქვზე ავტომობილის შემოწმების კრიტერიუმი მკაცრდება.
10 დეკემბერს ქუთაისში სპორტულ-კულტურული ფესტივალი
12:08 / 09.12.2022
10 დეკემბერს ქუთაისში სპორტულ-კულტურული ფესტივალი "ამერიკული დღეები 2022" გაიმართება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.