ახალი ამბები
საქნახშირის დირექტორი: "ბადია ჩავარდა და ჩაყვა ხალხი"
FaceBook

საქნახშირი ჯი აი ჯი-ს გენერალური დირექტორი განმარტებას აკეთებს ტყიბულის შახტაში მომხდარ ფაქტზე, რამაც 4 ადამიანის სიცოცხლე იმსხვერპლა.


მისი განცხადებით, ტყიბულის მინდელის სახელობის შახტაზე მიმდინარეობდა ბადიას (ნახშირის ამომღები მოწყობილობის) ბაგირის შეცვლის გეგმიური სარემონტო სამუშოები, რომელზეც დაკავებული იყო შახტის სარემონტო ბრიგადა, სამუშაოებზე პასუხისმგებელი პირის ხელმძღვანელობით.

"დასვენების დღეებია და სწორედ ამიტომ ისინი სარემონტო სამუშაოებს ასრულებდნენ. სამუშაოების მსვლელობის პროცესში ნახშირის ამომღები ბადია ჩავარდა და ჩაყვა ხალხი. ახლა მიდის სამუშაოები. სახელმწიფო ზედამხედველობის სამსახური მოდის, პოლიცა აქ არის და დაადგენენ რა მოხდა"- ამბობს საქნახშირი ჯი-აი-ჯის გენერალური დირექტორი ჯამბულ ჯაყელი.

ადმინისტრაციის განცხადებით, ბრიგადის ადგილზე მყოფმა სხვა წევრებმა შეატყობინეს დისპეჩერს მომხდართან დაკავშირებით, რის შემდგომაც დაუყოვნებლივ გამოძახებულ იქნა სამთო მაშველთა და სასწრაფო დახმარების სამსახურები.

,,კონკრეტული მიზეზები არ ვიცით.უსაფრთხოების საკითხებზე უნდა გააქტიურდეს მუშაობა, როგორც კერძო კომპანიების, ისე საჯარო სამსახურების მხრიდან. კონკრეტულ დეტალებს სამაშველო ოპერაციის დასრულების შემდეგ გავიგებთ," - ამბობს პარლამენტის დეპუტატი, მამუკა მდინარაძე.

ტყიბულის შახტაში მომხდარ ფაქტზე გამოძიება სისხლის სამართლის კოდექსის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების ნორმების დარღვევას გულისხმოს, რამაც სიცოცლის მოსპობა გამოიწვია.

ტყიბულის შახტაში შემთხვევა დღეს მოხდა.
შემთხვევის ადგილზე მობილიზებულა, როგორც სამაშველო სამსახურის თანამშრომლები, ასევე სამართალდამცველები.

დამატებითი სამთო მაშველთა ჯგუფი უკვე გაემგზავრა ტყიბულის მიმართულებით.

 

Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.