საცხოვებრებელი ფართის  განაწილების წესი ქუთაისის საკრებულომ 23 თებერვლის სხდომაზე დაამტკიცა.

წესის სამუშაო ვერსიისგან განსახვავებით, სადაც უსახლკაროებისთვის ფართის გამოყოფა მხოლოდ 2 წლის ვადით უნდა მომხდარიყო, საბოლოო ვერსიაში საცხოვრისით სარგებლობის ვადა 5 წლამდე გაიზარდა.

5 წლის შემდეგ კი,  მერია ბენეფიციარს იმავე შენობაში ბინას კიდევ ერთი წლის ვადით დაუქირავებს.

რაც შეეხება,  ვადის გასვლის შემდეგ უსახლკაროების ბინიდან გამოსახლებას, ადგილობრივ თვითმმართველობაში ამბობენ, რომ ქუთაისის მერია უფლებამოსილია პერიოდულად გადაამოწმოს კონკრეტული ბენეფიციარის სოციალური მდგომარეობა საცხოვრისით დაკმაყოფილების კრიტერიუმების შესაბამისობის დადგენის მიზნით.

"პერიოდულად მოხდება მონიტორინგი, ხელახალი შეფასება, აკმაყოფილებს თუ არა პირი ან ოჯახი იმ კრიტერიუმებს, რის საფუძველზეც მას თავის დროზე მიეცა ბინით სარგებლობის უფლება. წინააღმდეგ შემთხვევაში მერიას მისი გამოსახლების უფლება აქვს", – აცხადებს ქუთაისის მერიის ეკონომიკის სამსახურის უფროსი, პაატა კლდიაშვილი.

ქუთაისში, უსახლკაროებისთვის სოციალური საცხოვრისის მოწყობა უკვე დასრულებულია.

თავშესაფრის მაძიებელთა რეგისტრაცია ქუთაისის მერიაში სპეციალურად ამ მიზნით შექმნილმა კომისიამ უნდა განახორციელოს, რის შემდეგაც, ბენეფიციარებისთვის ბინების დროებით სარგებლობაში გადაცემა მოხდება.

სოციალურ საცხოვრისში ბენეფიციარები ფართს 6 ძირითადი კრიტერიუმის მიხედვით მიიღებენ.

ქუთაისის მერიაში თავშესაფრის მიღების თხოვნით 700–მდე განცხადებაა შესული.

პირველ ეტაპზე სოციალური საცხოვრისით 48 ოჯახი დაკმაყოფილდება.
მსგავსი სიახლეები
მოძრაობა
14:22 / 13.12.2019
მოძრაობა "გაბედეს" აქტივისტები აკაკი წერეთლის სახელმწიფო უნივერსიტეტის ლექტორებს 14 დეკემბერს "ქართული ოცნების" მიერ დაგეგმილ აქციაში სტუდენტების მოტყუებით წაყვანაში ადანაშაულებენ.
იმერეთის, რაჭა-ლეჩხუმისა და
ქვემო სვანეთის პოლიციის თანამშრომლებმა, ქუთაისში მომხდარი ყაჩაღობის
ფაქტი გახსნეს.
12:25 / 13.12.2019

იმერეთის, რაჭა-ლეჩხუმისა და ქვემო სვანეთის პოლიციის თანამშრომლებმა, ქუთაისში მომხდარი ყაჩაღობის ფაქტი გახსნეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.