ახალი ამბები
ზვარეში სარკინიგზო გვირაბის მშენებლობაზე დასაქმებულები გაიფიცნენ
FaceBook
ხარაგაულის სოფელ ზვარეში გვირაბის მშენებლობაზე დასაქმებული მუშები გაიფიცნენ.

გაფიცულები მძიმე და გაუსაძლის სამუშაო პირობებზე საუბრობენ და დამსაქმებელს პირობების გაუმჯობესების მოთხოვნას უყენებენ.

გვირაბს ჩინური კომპანია "ჩინეთის რკინიგზის 23-ე ბიურო" აშენებს, რომელიც "საქართველოს რკინიგზის" კონტრაქტორია.

"გაფიცვა არ მიმდინარეობს ხელფასის მატების მოთხოვნით, მუშები ელემენტარული უსაფრთხოების ზომებისა და კანონით გათვალისწინებული შრომითი უფლებების დაცვას ითხოვენ", - აღნიშნავს რკინიგზელთა ახალი პროფესიული კავშირის აპარატის უფროსი, პაატა ნინუა.

კომპანიასთან დავა თვენახევრის წინ დაიწყო. საკითხს სახალხო დამცველი სწავლობს, ხოლო ჯანმრთელობის, შრომის და სოციალური დაცვის სამინისტრო მხარეებს მედიაციას სთავაზობდა.

"მძიმე პირობებში უწევთ მუშაობა, დამსაქმებელი უხეშად ექცევათ. დასვენების დღეები არ გააჩნიათ, კომპანია ბიულეტენს არ აღიარებს. 12 საათიანი სამუშაო გრაფიკი აქვთ. კვირაში შვიდი დღის განმავლობაში მუშაობენ. მხოლოდ ახალ წელს და აღდგომას ასვენებენ თითო-თითო დღით, "- აღნიშნავს პაატა ნინუა.

მისი ინფორმაციით, მუშებისთვის არ არის დაცული ელემენტარული უსაფრთხოების ნორმები.

"აფეთქებები მაშინ ხდება, როდესც მუშები გვირაბში, ხარაჩოებზე იმყოფებიან, თანაც აფეთქების ადგილიდან სულ რამდენიმე მეტრში. ასეთი დაუდევრობა და მძიმე პირობები არსად მინახავს", - ამბობს პაატა ნინუა.

გაფიცულები კომპანიას ცხრა პუნქტიან მოთხოვნას უყენებენ, რომლის ძირითადი ნაწილი შრომითი უსაფრთხოების საკითხებს ეხება.

ნინუას ინფორმაციით, მუშების ძირითად მოთხოვნებს შრომის უსაფრთხოება, ზეგანაკვეთური საათების ანაზღაურება, ფასიან შვებულება, სპეცტანსაცმლის, სველი წერტილების არსებობა და ა.შ. წარმოადგენს.

ჩინური კომპანიის „ჩინეთის რკინიგზის 23-ე ბიურო“ ხელმძღვანელობა მედიისთვის ხელმიუწვდომელია.

Print E-mail
FaceBook Twitter
მსგავსი სიახლეები
ქუთაისში, ტანსაცმლის მაღაზია
18:10 / 02.06.2020
ქუთაისში, ტანსაცმლის მაღაზია "კოტონში" 11 თვის მცირეწლოვნისთვის დედას პირბადის გაკეთება მოსთხოვეს.
ქუთაისში, მიწისქვეშა გადასასვლელში
არსებული სავაჭრო ცენტრი
16:06 / 02.06.2020
ქუთაისში, მიწისქვეშა გადასასვლელში არსებული სავაჭრო ცენტრი "გვირაბი 95" ორ დღეში, 4 ივნისს უნდა გაიხსნას.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.