ახალი ამბები
"ევროპა ჩვენი სახლია" ქუთაისის საკრებულოზე - წაყრუების პოლიტიკას ირჩევენ
FaceBook

"მოქალაქეების მიერ არჩეული საკრებულოს წევრთა უმრავლესობა ქალაქში არსებულ პრობლემატიკას გულგრილად ეკიდება.



არასამთავრობო ორგანიზაციის "ევროპა ჩვენი სახლია" წარმომადგენელთა განმარტებით, ქუთაისის საკრებულოსთვის გაგზვანილ განცხადებაზე, სადაც რიგგარეშე სხდომის გამართვას ითხოვნენ, პასუხი არ მიუღიათ.

ორაგანიზაციამ ქალაქის საკრებულოში განცხადება მიმდინარე წლის 7 ივნისს შეიტანა. ისინი ადგილობრივ საკანონმდებლო ორგანოს კაფე-ბარის "არგო" მშენებლობის საკითხის განხილვას ღია წესით თხოვდნენ.

განცხადებას ხელს, "ევროპა ჩვენი სახლიას" წევრების გარდა, კიდევ 9 არასამთავრობო ორგანიზაციის წარმომადგენლებიც აწერდნენ.

"საკრებულოს თავმჯდომარემ არ ჩათვალა საჭიროდ პასუხი გაეცა განცხადებაზე. თუმცა, ჩვენი წერილის გარეშე სხდომის მოწვევა საკრებულოში წარმოდგენილ ფრაქციებსაც ისედაც შეეძლოთ. სამწუხაროა, რომ ქუთაისის მოქალაქეების მიერ არჩეული საკრებულოს წევრთა აბსოლუტური უმრავლესობა გულგრილად ეკიდება ქალაქში არსებულ პრობლემატიკას და სხვა საქმეებით არის დაკავებული. სამარცხვინოა, ასეთი დამოკიდებულება სამოქალაქო სექტორისა და საზოგადოების იმ ნაწილის მიმართ, ვინც მხოლოდ საკითხის საჯაროდ განხილვას ითხოვს. ისინი წაყრუების პოლიტიკას ირჩევენ", - ამბობს "ევროპა ჩვენ სახლიას" ხელმძღვანელი, გია გოქაძე.

ქუთაისის საკრებულოს აპარატის იურისტი განმარტავს, რომ არასამთავრობო ორგანიზაცია ითხოვდა აქტის გამოცემას, რომლის საფუძველზე საკრებულოს რიგგარეშე სხდომა უნდა გამართულიყო.

"საპასუხოდ ერთი თვის გვაქვს, რომ მათ ვუპასუხოთ. ეს არ არის საჯარო ინფორმაცია, რომ წერილზე დაუყონებლივ გვეპასუხა", - განმარტავს იურისტი, დათო ბენიძე.

 

Print E-mail
FaceBook Twitter
მსგავსი სიახლეები
მდინარე რიონში დაკარგული მამაკაცის ცხედარი ორდღიანი სამძებრო
ღონისძიებების შემდეგ იპოვეს.
16:30 / 07.07.2020
მდინარე რიონში დაკარგული მამაკაცის ცხედარი ორდღიანი სამძებრო ღონისძიებების შემდეგ იპოვეს.
საზოგადოებრივი მოძრაობა „რიონის
ხეობის გადარჩენისთვის“ და სახალხო გაერთიანება „თემთა ერთობა
14:06 / 07.07.2020
საზოგადოებრივი მოძრაობა „რიონის ხეობის გადარჩენისთვის“ და სახალხო გაერთიანება „თემთა ერთობა" ნამოხვანის ჰესების კასკადის მშენებლობის წინააღმდეგ ხელისუფლებას მოთხოვნებს უყენებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.