ახალი ამბები
"ტორპედოს" პრეზიდენტად ზაალ ჩაჩავა დაინიშნა
FaceBook
საფეხბურთო კლუბ "ტორპედოს" ქართველ ბიზნესმენთა ჯგუფი პრეზიდენტ, ზაალ ჩაჩავას ხელმძღვანელობით ჩაიბარებს.

ჩაჩავა, კლუბის ახალ მწვრთნელთან კობა ჟორჟიკაშვილთან ერთად, უკვე შეხვდა ფეხბურთელებს და უახლოესი გეგმები გააცნო.

შეხვედრაზე  ახალმა პრეზიდენტმა  გუნდს მოუწოდა კლუბში ბოლო დროს შემქნილი ვითარების ფონზე სიმშვიდე შეინარჩუნონ.

"ჩვენ აქტიურად ვართ ჩართულები კლუბში ბოლო დროს მიმდინარე პროცესებში. ვიცნობთ სიტუაციას და აქედან გამომდინარე, ყველას გთხოვთ, ნუ აყვებით ინტრიგებს", -განაცხადა ჩაჩავამ.

მისი თქმით, ამ ეტაპზე მთავარი ამოცანა გუნდის გაძლიერებაა, რისთვისაც რამდენიმე გამოცდილი ფეხბურთელის მოწვევას აპირებს. მოლაპარაკებები მიმდინარეობს უცხოელ ფეხბურთელებთანაც.

"ჩვენ კარგად ვიცით, რა საქმეს ვკიდებთ ხელს. მიზანი ერთია - ვაქციოთ "ტორპედო" ძლიერ კლუბად, რომელიც ეროვნული ჩემპიონატის ფავორიტი იქნება",-განაცხადა ჩაჩავამ.

ჩაჩავას ინვესტორზე, ინვესტიციის რაოდენობასა  და სხვა დეტალებზე შეხვედრაზე არ უსაუბრია.

ასევე, მოგვიანებით გახდება ცნობილი გუნდის ვიცე-პრეზიდენტის ვინაობა.

2010– 2012 წელებში "ტორპედოს" ინვესტორი კომპანია "ვისოლი" იყო. 2013 წლიდან კი კლუბი ქუთაისის ადგილობრივი ბიუჯეტიდან ფინანსდება.

"ტორპედოში" ახალი ინვესტორის მოსვლას, ხმაურიანი პროცესები უძღოდა წინ. გუნდი ჯერ პრეზიდენტმა თემურ ჩეჩელაშვილმა, შემდეგ კი გუნდის კაპიტანმა და ორმა ფეხბურთელმა დატოვა.

Print E-mail
FaceBook Twitter
მსგავსი სიახლეები
ქუთაისში, სადაც სოციალური შემწეობის მიმღები,
დღეის მდგომარეობით, 10 382 ადამიანია, მერიამ ბიუჯეტში
მათთვის განსაზღვრული თანხა ორი წელია ვერ აითვისა.
13:40 / 07.12.2022
ქუთაისში, სადაც სოციალური შემწეობის მიმღები, დღეის მდგომარეობით, 10 382 ადამიანია, მერიამ ბიუჯეტში მათთვის განსაზღვრული თანხა ორი წელია ვერ აითვისა.
ქუთაისის მერის მოადგილისა და შპს „სატრანსპორტო კომპანიის“ 
ხელმძღვანელის პოსტები კვლავ ვაკანტურია.
14:17 / 06.12.2022
ქუთაისის მერის მოადგილისა და შპს „სატრანსპორტო კომპანიის“  ხელმძღვანელის პოსტები კვლავ ვაკანტურია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.