ახალი ამბები
ქუთაისისთვის მუნიციპალური ავტობუსების შეძენა, შესაძლოა, „იბიარდმა“ დააფინანსოს
FaceBook
საქართველოს მთავრობამ, ქუთაისისთვის, მუნიციპალური ავტობუსები, შესაძლოა, ევროპის რეკონსტრუქციის ბანკის დახმარებით შეიძინოს.
მთავრობამ  ფინანსთა სამინისტროს EBRD- თან  მოლაპარაკებების დაწყება უკვე დაავალა.

შესაბამის განკარგულებას პრემიერ-მინისტრმა, მამუკა ბახტაძემ ხელი  მოაწერა.

"საქართველოს ფინანსთა სამინისტრომ დაიწყოს კონსულტაციები ევროპის რეკონსტრუქციისა და განვითარების ბანკთან (EBRD) ქალაქ ქუთაისის საჭიროებისთვის ავტობუსების შესაძენად შესაბამისი დაფინანსების მოზიდვის მიზნით",- ნათქვამია პრემიერ-მინისტრის განკარგულებაში.

ფინანსთა სამინისტროში და მთავრობის ადმინისტრაციაში  პროექტის დეტალებზე არ საუბრობენ.

ფინანსთა სამინისტროში ამბობენ, რომ განკარგულებაში საუბარია მხოლოდ მუნიციპალური ტრანსპორტის საჭიროებაზე, გადაწყვეტილი კი არაფერია.

"საკითხი ჯერ გადაწყვეტილი არ არის. არ არის საუბარი კონკრეტულ რიცხვებზე. საუბარია მხოლოდ საჭიროებაზე და იმაზე, რომ დაიწყოს მოლაპარაკებები",- აცხადებენ სამინისტროში.

მთავრობის ადმინისტრაციაში კი ამბობენ, რომ განკარგულება უკვე ხელმოწერილია და მოლაპრაკებების წარმოება ფინანსთა სამინისტროს ევალება.

როდის და რამდენი ავტობუსის შეძენაა დაგეგმილი, ჯერჯერობით დეტალებზე არც ქუთაისის მერიაში საუბრობენ. 

2019 წლიდან ქუთაისში 100 ახალი ავტობუსის შესაძლო შემოყვანასთან დაკავშირებით, ქუთაისიპოსტი ჯერ კიდევ გასულ წელს წერდა. 2018 წლის აგვისტოში ამ საკითხზე საკრებულოს ერთ-ერთი ფრაქციის სხდომაზეც იმსჯელეს.

მერიის ტრანსპორტის განყოფილების სპეციალისტი, დავით კბილაშვილი მაშინ ამბობდა, რომ საუბარი იყო 100 ავტობუსზე, რომელთა შესაძენად დაახლოებით 7 მილიონი ლარია საჭირო. მისი თქმით, ახალმა ტრანსპორტმა სრულად უნდა ჩაანაცვლოს ქალაქში მოძრავი ავტობუსები, რომელთა უმრავლესობა ძველია.

რაც შეეხება მიკროავტობუსებს, მერიას ამასთან დაკავშირებით გეგმა ჯერჯერობით არ აქვს.

ქუთაისში, სატრანსპორტო სფეროში მოქმედი კომპანიების უმრავლესობას ხელშეკრულების ვადა 2019 წელს უმთავრდება. თუ მერია ქალაქში ახალ ავტობუსებს შემოიყვანს, ეს ავტომატურად გამოიწვევს კერძო გადამზიდავებისთვის ხაზებზე გაცემული ნებართვების ჩამორთმევს.

უცნობია როგორ დაარეგულირებს ქუთაისის მერია ურთიერთობას გადამზიდავ კომპანიებთან, რომლებიც მრავალი წელია სატრანსპორტო ბიზნესში მონოპოლისტები არიან.

ვითარებას კიდევ უფრო ართულებს ის გარემოება, რომ კომპანიების უმრავლეობა ფლობს როგორც საავტობუსო, ასევე, მიკროსაავტობუსო ხაზებს. შესაბამისად, გამოდის, რომ მსხვილ გადამზიდავებს ბიზნესის  ნაწილობრივ დათმობა მოუწევთ.

სატრანსპორტო მონოპოლიამ ქალაქი არაერთხელ ჩააგდო გამოუვალ მდგომარეობაში. ადგილობრივი ხელისუფლება კი, მხოლოდ იმიტომ, რომ ალტერნატივა არ არსებობდა, იძულებული იყო დათმობაზე წასულიყო. ასე მოხდა 2017 წელსაც, როცა საქალაქო ტრანსპორტის მძღოლებმა ქალაქში სამდღიანი გაფიცვა მოაწყვეს.  ხელისუფლება მაშინაც უძლური აღმოჩნდა და მგზავრობა 10 თეთრით გააძვირა.

როგორ გამოიყურება საქალაქო ტრანსპორტი ქუთაისში, ნახეთ აქ.

FaceBook Twitter
მსგავსი სიახლეები
ხონის მუნიციპალიტეტი მდებარეობს
იმერეთის დაბლობზე, მდინარე ცხენისწყლის ნაპირას, ზღვის დონიდან 114მ
სიმაღლეზე.
11:44 / 18.11.2019
ხონის მუნიციპალიტეტი მდებარეობს იმერეთის დაბლობზე, მდინარე ცხენისწყლის ნაპირას, ზღვის დონიდან 114მ სიმაღლეზე.
ქუთაისის ააიპ „გაბა-ბაღების
გაერთიანების“ 37 ფილიალიდან 17-ში გათბობა ამ დრომდე არ
ჩაურთავთ.
10:44 / 18.11.2019

ქუთაისის ააიპ „გაბა-ბაღების გაერთიანების“ 37 ფილიალიდან 17-ში გათბობა ამ დრომდე არ ჩაურთავთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისის შემოვლით გზაზე , გვიან ღამით ავტობუსს ცეცხლი გაუჩნდა.
ქუთაისში, მესხიშვილის თეატრში გაიმართება ბავშვთა ძალადობის შემცირებისკენ მიმართული კამპანია, რომლის მიზანია მოქალაქეების ინფორმირება ბავშვთა მიმართ ძალადობის ფორმებზე.
ქუთაისის ააიპ „გაბა-ბაღების გაერთიანების“ 37 ფილიალიდან 17-ში გათბობა ამ დრომდე არ ჩაურთავთ.
ქუთაისიპოსტი, იმერეთის მუნიციპალიტეტებში აგრძელებს ვიდეობლოგების წარმოებას, სახელწოდებით “მოქალაქის ხმა”.
წყალტუბოს მუნიციპალიტეტის სოფელ სორმონში ხანძარია.
კატო მიქელაძე ერთ–ერთი გამორჩეული ფიგურაა საქართველოში ქალთა ემანსიპაციის მოძრაობაში,მისი აქტივიზმით, პირდაპირობით და გაბედულებით.
რა შესაძლებლობები არსებობს ქუთაისში ახალგაზრდების დასაქმების კუთხით? რამდენად ახერხებენ სტუდენტები სწავლისა და მუშაობის შეთავსებას?
შეპირებული პროპორციული არჩევნების პარლამენტში კენჭისყრაზე ჩავარდნას, იმავე დღეს კალაძის ჟესტს მომიტინგეების მისამართით ინტერნეტშ სხვადასხვა რეაქციები მოყვა.