ახალი ამბები
„იმპიჩმენტის განზრახვა აქვთ“ – დაპირისპირება ხარაგაულის მერსა და საკრებულოს უმრავლესობას შორის
ხარაგაულის მერსა და საკრებულოს შორის ერთი წლის წინ დაწყებული დაპირისპირება, შესაძლოა, მერის იმპიჩმენტით დასრულდეს.
ნიკოლოზ თოფურიძესა და უმრავლესობას შორის კონფლიქტის არსებობა, საკრებულოს 8 იანვრის სხდომაზე კიდევ ერთხელ დადასტურდა, სადაც, დეპუტატებმა მუნიციპალიტეტის მერი შეუსრულებელი სამუშაოების გამო ღიად გააკრიტიკეს.

საკრებულოს წევრების თქმით, მერი არასწორად ანაწილებს პრიორიტეტებს, ვერ ახერხებს ინფრასტრუქტურული პროექტებისთვის გამოყოფილი თანხის ათვისებას და დიდ თანხას ხარჯავს სარესტორნე მომსახურებისთვის.

8 იანვრის სხდომაზე, სადაც ნიკოლოზ თოფურიძემ გაწეული საქმიანობის ანგარიში წარადგინა, 28 დეპუტატიდან 27–მა მერის მუშაობა უარყოფითად შეაფასა.

საკრებულოს ოპოზიციონერი დეპუტატი, ინგა მაღრაძე მერსა და საკრებულოს უმრავლესობას შორის ძალაუფლების გადანაწილების გამო დაწყებულ ღია ბრძოლაზე საუბრობს და მიიჩნევს, რომ ამ ფონზე არ არის გამორიცხული მერის იმპიჩმენტის საკითხი დადგეს.

"აქამდეც იყო ის პრობლემები ხარაგაულში, რის გამოც ახლა უმრავლესობა მერს აკრიტიკებს, მაგრამ მაშინ ამაზე ღიად არავინ საუბრობდა. ასეთი მწვავე კრიტიკა მას შემდეგ დაიწყო, რაც მერს პიროვნულად დაუპირისპირდა საკრებულო და ცალკეული დეპუტატები. იმპიჩმენტზე ღიად საუბარი არ ყოფილა, მაგრამ ეს განზრახვა დიდი ხანია აქვთ. ეს არის ძალაუფლებისთვის ბრძოლა", – ამბობს საკრებულოს ფრაქცია "თვითმმართველობა ხალხისთვის" თავმჯდომარე, ინგა მაღრაძე.

აღმასრულებელსა და საკრებულოს უმრავლესობას შორის კონფლიქტს არ უარყოფს საკრებულოს თავმჯდომარის მოადგილე, რუსუდან გიორგაძე. რაც შეეხება იმპიჩმენტს, ამბობს, რომ მერის გადაყენებას ის მხარს არ დაუჭერს.

"ამის შემდეგ რა გეგმები აქვს საკრებულოს უმრავლესობას არ ვიცი, მაგრამ მე არ დავუჭერ მხარს მის გადაყენებას, რადგან მიმაჩნია, რომ მერს უნდა მიეცეს საშუალება განმარტოს მიზეზები რატომ მოხდა ასე. ის, რომ ხარაგაულში რაღაც ვერ გაკეთდა, ერთი კაცის ბრალი ვერ იქნება", – ამბობს რუსუდან გიორგაძე.

საკრებულოს სხდომაზე დეპუტატებმა ქალაქის მერს კონკრეტული პროექტებიც შეახსენეს, რომლებიც არ განხორციელდა. მათი თქმით, არ აშენდა საბავშვო ბაღები სოფლებში ვერტყვიჭალა და საღანძილე, არც ერთი პროექტი არ დაგეგმილა მუნიციპალური განვითარების ფონდიდან, მერიამ ვერ მოახერხა 2017 წლის ბოლოს სტიქიის სალიკვიდაციოდ ცენტრალური ბიუჯეტიდან გამოყოფილი თანხების ათვისება. ჯამში, მათი თქმით, აღმასრულებელმა 2018 წელს დაგეგმილი 31 ინფრასტრუქტურული პროექტიდან 21 ვერ შეასრულა.

სხდომაზე ნიკოლოზ თოფურიძემ სამუშაოების შეუსრულებლობის მიზეზად ტენდერების ჩაშლა, ზოგ შემთხვევაში კი კომპანიების არაკეთილსინდისიერი მუშაობა დაასახელა.

რაც შეეხება შესაძლო იმპიჩმენტს, ამასთან დაკავშირებით მისი პოზიცია უცნობია. ნიკოლოზ თოფურიძე სატელეფონო ზარებს არ პასუხობს.

ზარებს არ პასუხობს არც საკრებულოს თავმჯდომარე, მანანა ბარბაქაძე.

| Print |  E-mail
FaceBook Twitter Google
დღის სიახლეები
შინაგან საქმეთა სამინისტრომ "ქურდული სამყაროს" წევრობისა და "კანონიერი ქურდისთვის" მიმართვის ბრალდებით სამი პირი დააკავა.
14:44 / 26-03-2019
სამი თვეა ქუთაისში თეთრი ხიდი ნაწილობრივ გადაკეტილია.
12:46 / 26-03-2019
იმერეთის სოციალური მუშაკები ქუთაისის აკაკი წერეთლის სახელმწიფო უნივერსიტეტის წინ შეიკრიბნენ და მთავრობას მათი მოთხოვნების შესრულებისკენ მოუწოდეს.
12:45 / 26-03-2019
სოფელ გელათში მცხოვრებლებმა ქუთაისი-ტყიბულის დამაკავშირებელი გზა გადაკეტეს.  
12:08 / 26-03-2019
მსგავსი სიახლეები






აეროპორტთა საერთაშორისო
საბჭოს 
(ACI Europe) მიმდინარე
წლის იანვრის მონაცემებით, ქუთაისი ევროპაში მეორე ადგილზეა.
აეროპორტთა საერთაშორისო საბჭოს (ACI Europe) მიმდინარე წლის იანვრის მონაცემებით, ქუთაისი ევროპაში მეორე ადგილზეა.
16:33 / 26.03.2019






შინაგან საქმეთა სამინისტრომ
შინაგან საქმეთა სამინისტრომ "ქურდული სამყაროს" წევრობისა და "კანონიერი ქურდისთვის" მიმართვის ბრალდებით სამი პირი დააკავა.
14:44 / 26.03.2019






ქუთაისში, საქართველოს პარლამენტის ყოფილ შენობაში შსს-ს აკადემიისა
და საპატრულო პოლიციის ცენტრის განთავსების პროექტზე მუშაობა
მიმდინარეობს.
ქუთაისში, საქართველოს პარლამენტის ყოფილ შენობაში შსს-ს აკადემიისა და საპატრულო პოლიციის ცენტრის განთავსების პროექტზე მუშაობა მიმდინარეობს.
13:28 / 26.03.2019






სამი თვეა ქუთაისში თეთრი ხიდი ნაწილობრივ გადაკეტილია.
სამი თვეა ქუთაისში თეთრი ხიდი ნაწილობრივ გადაკეტილია.
12:46 / 26.03.2019






იმერეთის სოციალური მუშაკები ქუთაისის აკაკი წერეთლის სახელმწიფო
უნივერსიტეტის წინ შეიკრიბნენ და მთავრობას მათი მოთხოვნების
შესრულებისკენ მოუწოდეს.
იმერეთის სოციალური მუშაკები ქუთაისის აკაკი წერეთლის სახელმწიფო უნივერსიტეტის წინ შეიკრიბნენ და მთავრობას მათი მოთხოვნების შესრულებისკენ მოუწოდეს.
12:45 / 26.03.2019
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.