ახალი ამბები
ნიკო თუ იაკობი? - მერიამ არ იცოდა ვისი სახელობის სკვერი გაანათა
FaceBook
ქუთაისის მერიამ,  ქალაქის ცენტრში მდებარე,   იაკობ ნიკოლაძის სახელობის სკვერი თანამედროვე ტიპის სანათებით გაანათა.
ინფორმაცია ამის შესახებ ქუთაისის ააიპ "ქუთგანათების" პრესსამსახურის უფროსმა ფეისბუკის პირად გვერდზე  გაავრცელა, თუმცა, ტექსტში ნაცვლად ქუთაისელი მოქანდაკისა, ნახსენები იყო სავარაუდოდ, ქართველი პუბლიცისტი, რევოლუციონერ-დემოკრატი, პოლიტიკური და საზოგადო მოღვაწე, ნიკო ნიკოლაძე.

მერიის ააიპთან ერთად, ინფორმაცია უცვლელად გააზიარა ფეისბუკის ოფიციალურ გვერდზე მერიის პრესსამსახურმა და თავად ქალაქის მერმა, გიორგი ჭიღვარიამ.  ტექსტი პირად გვერდზე უცვლელად გააზიარა საკრებულოს პრესსამსახურის უფროსმა, თეონა მელქაძემაც. 






მას შემდეგ,  რაც საზოგადოებამ ხელისუფლებას მიუთითა, რომ სკვერში დადგმული ძეგლი არა ნიკო ნიკოლაძეს, არამედ იაკობ ნიკოლაძეს ეკუთვნის, მერიამ შეცდომა გაასწორა.

"ქუთგანათებაში" შეცდომას არ აღიარებენ და ამბობენ, რომ ტექსტში ცვლილება არ შეუტანიათ. ააიპის პრესსამსახურის უფროსი, თეა ჯანგავაძე ამბობს, რომ დაწესებულების გვერდზე გამოქვეყნებული ინფორმაცია მისი ერთადერთი ვერსიაა, თუმცა, სოციალურ ქსელში ამ დრომდე არსებობს ტექსტის პირველი ვერსია, სადაც სკვერი მოხსენიებულია როგორც ნიკო ნიკოლაძის სახელობის.

თეა ჯანგავაძის თქმით, როგორც წესი გასავრცელებელი ინფორმაციის შეთანხმება მერიის პრესსამსახურთან ხდება, თუმცა, ამჯერად შეათანხმეს თუ არა ტექსტის შინაარსი მერიაში, ამას არ აკონკრეტებს.

შეცდომას აღიარებენ ქუთაისის მერიაში, თუმცა, ამბობენ, რომ ეს მექანიკურად მოხდა.

იაკობ ნიკოლაძე პირველი პროფესიონალი მოქანდაკე და ქართული ქანდაკების ფუძემდებელია.

იგი (1876-1951) შემოქმედებით და პედაგოგიურ მუშაობას მთელი სიცოცხლის განმავლობაში ეწეოდა და მის ნამუშევრებში ქართული ქანდაკების განვითარების სხვადასხვა ეტაპები აისახა.

ის ქმნიდა როგორც სკულპტურულ პორტრეტებს, ასევე, კომპოზიციებს სხვადასხვა თემაზე.

მას მარმარილოში აქვს შექმნილი ქართველი მეცენატის დავით სარაჯიშვილის სკულპტურული პორტრეტი.

მისი ერთ-ერთი ყველაზე ცნობილი ნამუშევარია ილია ჭავჭავაძის საფლავზე აღმართული მემორიალური ძეგლი "მწუხარე საქართველო".




FaceBook Twitter
მსგავსი სიახლეები

ქუთაისში, რუსთაველის გამზირზე
ავტოსატრანსპორტო საშუალებები გადაადგილებას  შეუზღუდავად
შეძლებენ.
20:47 / 23.08.2019

ქუთაისში, რუსთაველის გამზირზე ავტოსატრანსპორტო საშუალებები გადაადგილებას  შეუზღუდავად შეძლებენ.

ბოლონია და კიოლნი - ვიზეარი ქუთაისის აეროპორტიდან კიდევ ორ
მიმართულებას აანონსებს.
12:53 / 23.08.2019
ბოლონია და კიოლნი - ვიზეარი ქუთაისის აეროპორტიდან კიდევ ორ მიმართულებას აანონსებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
სპეც. მასწავლებლისა და საგნობრივი პედაგოგის პოზიციაზე, ქუთაისში 26 საჯარო სკოლის მიერ  93 ვაკანსიაა გამოცხადებული. 
ვანის არქეოლოგიური მუზეუმის მშენებლობა და მიმდებარე ტერიტორიის სარეკონსტრუქციო სამუშაოები დასკვნით ეტაპზეა.
ბოლო სამი თვის განმავლობაში პოლიციამ სექსუალური შევიწროების 11 ფაქტი გამოავლინა.
შინაგან საქმეთა სამინისტროს იმერეთის რაჭა-ლეჩხუმისა და ქვემო სვანეთის პოლიციის დეპარტამენტის ქალაქ ქუთაისის საქალაქო სამმართველოს თანამშრომლებმა, ჩატარებული ოპერატიულ-სამძებრო ღონისძიებების შედეგად, ძარცვის ბრალდებით 1982 წელს დაბადებული გ. გ. დააკავეს.
ქუთაისის ეთნოგრაფიული მუზეუმის შენობაზე განთავსებული საათი,  რომელიც ორ კვირაზე მეტი გაჩერებული იყო, დღეს ამუშავდა.
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ მემორანდუმი გაფორმდება.
ქუთაისში 26  საჯარო სკოლის მიერ  59 ვაკანსიაა გამოცხადებული მასწავლებლის პოზიციაზე.  
ხონში მცხოვრებმა 12 წლის მარიამ მურღვლიანმა ძალოსნობის ტურნირზე ისევ გაიმარჯვა, რითაც საქართველოს ორგზის ჩემპიონი გახდა.