ახალი ამბები
"შენობა ინგრევა" - ქუთაისში სოციალურ საცხოვრისის ბინადრები
FaceBook
სოციალური საცხოვრისი ქუთაისში, რომელიც ერთი წლის წინ შევიდა ექსპლუატაციაში, ავარიულ მდგომარეობაშია. "ტუალეტიდან ჭერი ჩამოვარდა და ქალს თავზე დაეცა, საბედნიეროდ, გადარჩა, ამ ამბიდან ორ დღეში მუნიციპალიტეტიდან მოვიდნენ და შეაკეთეს,  მაგრამ შენობიდან ბათქაში  ცვივა ხოლმე. ერთი წლის შესახლებულები ვართ და უკვე ინგრევა. მიგვაჩნია,  რომ აქ ჩვენი ცხოვრება საფრთხის შემცველია ," - ამბობს საცხოვრისის ბინადარი,  მირანდა ნემსიწვერიძე.

ადგილობრივების თქმით, ობიექტის მდგრადობის დასაგენად შენობისთვის ექსპერტიზის ჩატარებას გეგმავენ.

"ჯერ ექსპერტიზის პასუხს დაველოდებით, იმედია ქვეყანა ჩალით არაა გადახურული და არც ერთი თავმოყვარე ექსპერტი არ შეაფასებს ამ საცხოვრისს
დადებითად. დასკვნის შემდეგ, მოვითხოვთ ან ამ ხარვეზების გამოსწორებას, ან ალტერნატიულ ფართებს, წინააღმდეგ შემთხვევაში გადავკეტავთ ნიკეას
ქუჩას და ყოველდღიურ აქციებს მოვაწყობთ," - ამბობენ სოციალური საცხოვრისის ბენეფიციარები.

ქუთაისის მერიაში ამბობენ, რომ სოციალური საცხოვრისი წინა ხელისუფლებამ ჩაიბარა და კომპანიამ, რომელმაც სამუშაოები შეასრულა, ბევრი შეცდომა დაუშვა.

"ძალიან ბევრი პრობლემაა სოციალურ საცხოვრისში და ეს ჩვენთვის ცნობილია, ამიტომ ვამზადებთ ქალაქის მერის სახელზე წერილს, რომლის თანახმადაც დავიწყებთ ამ ობიექტზე არსებული პრობლემების შესწავლას, რათა დროულად მოხდეს მათი გადაწყვეტა," - ამბობს მერიის საბინაო სამსახურის უფროსი, ჯონი არაბიძე.

ადგილობრივ თვითმმართველობაში ასევე, ამბობენ, რომ  კომპანიის მიერ საგარანტიო თანხის სახით ბიუჯეტში ჩადებულია 528 000 ლარი  და მას  ხარვეზების აღმოფხვრა ამ თანხით მოუწევს. 

ქუთაისის მერიამ ქალაქში სოციალური საცხოვრისის მოსაწყობად კონკურსი 2016 წლს გამოაცხადა. კონკურსის შედეგად ნიკეას ქუჩაზე, კავშირგაბმულობის
ყოფილი შენობის რეაბილიტაცია შპს " სანოს" დაევალა. კომპანიას ქუთაისის მერიამ პირველ ეტაპზე 1 მილიონი ლარი გადაუხადა, 2017 წლის ბიუჯეტში კი დამატებით 1 500 000 ლარის გაითვალისწინეს. ჯამში, სოციალური საცხოვრისის მოწყობა ადგილობრივ ბიუჯეტს 2 500 000 ლარი დაუჯდა.

რატომ გაჩნდა ხარვეზები ერთი წლის წინ აშენებულ ობიექტზე, ამ კითხვით "ქუთაისიპოსტი" შპს "სანოს" წარმომადგენლობას დაუკავშირდა, თუმცაკომპანიაში აცხადებენ, რომ კომენტარს მას შემდეგ გააკეთებენ, რაც ქუთაისის მერიის წარმომადგენლებს შეხვდებიან და შენობაში არსებულ პრობლემებს გაეცნობიან.



ამავე თემაზე:

სოციალური საცხოვრისი ქუთაისში (ფოტორეპორტაჟი)

დარღვეული სტანდარტები და ბუნებრივი აირის გარეშე დარჩენილი ბენეფიციარები


ქუთაისის სოციალურ თავშესაფარში ცხოვრებაზე 12-მა ბენეფიციარმა უარი თქვა



FaceBook Twitter
მსგავსი სიახლეები
2020 წლის საპარლამენტო არჩევნების პროპორციული  სისტემით
ჩატარებას ქუთაისის სამი მაჟორიტარიდან მხარი მხოლოდ კობა
ნარჩემაშვილმა და გენადი მარგველაშვილმა დაუჭირა.
14:19 / 14.11.2019

2020 წლის საპარლამენტო არჩევნების პროპორციული  სისტემით ჩატარებას ქუთაისის სამი მაჟორიტარიდან მხარი მხოლოდ კობა ნარჩემაშვილმა და გენადი მარგველაშვილმა დაუჭირა.

ჭიათურის მუნიციპალიტეტის სოფელ
შუქრუთის მოსახლეობას ერთი კვირაა, რაც „ჯორჯიან მანგანეზის
12:51 / 14.11.2019
ჭიათურის მუნიციპალიტეტის სოფელ შუქრუთის მოსახლეობას ერთი კვირაა, რაც „ჯორჯიან მანგანეზის" საკუთრებაში არსებული, შუქრუთში მდებარე ყველა მაღაროს შესასვლელი პარალიზებული აქვს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
დღეს, 14 ნოემბერს,  ქუთაისში,  მესხიშვილის თეატრის წინ, 19:00 საათზე საპროტესტო აქცია იგეგმება.
პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.
„მაგარი იქნება“,-ასე პასუხობს ქუთაისის მერი შეკითხვას 2020 წლის ბიუჯეტის პროექტზე.
ქუთაისში, ნიკეას ქუჩაზე სამშენებლო ობიექტიდან ორი კვირის წინ გადმოვარდნილი მუშა, გარდაიცვალა.
წყლის პრობლემა, სოფლებში მგლების შემოსევა, მრავალსართულიანი კორპუსების სადარბაზოებში კანალიზაციისა და გაზის გამათბობლის შემოწმება
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით,
სამტრედიაში გარდაცვლილი ახალგაზრდისთვის წესის აგების მზაობას მამა ნექტარიოს მჭედლიძე გამოთქვამს.
სამტრედიაში, ავტოავარიისას გარდაცვლილი შაკო ბარამიძე წესის აგების გარეშე დაკრძალეს.