ახალი ამბები
"მუშებმა ამ აფეთქების შესახებ არ იცოდნენ" - პროფკავშირები ხარაგაულში მომხდარ აფეთქებაზე
FaceBook

რკინიგზელთა ახალი პროფკავშირების ინფორმაციით, გვირაბის აფეთქების შესახებ მუშებს ინფორმაცია არ ჰქონდათ.


"ადგილობრივი დასაქმებულის ცნობით: გვირაბში, ორი სოფლის დამაკავშირებელ მონაკვეთზე მოხდა შემთხვევა. სოფელ ბეჟათუბნის მხრიდან მოხდა აფეთქება, როგორც გაირკვა, მეორე მხარეს მყოფმა მუშებმა ამ აფეთქების შესახებ არ იცოდნენ, არ მოხდა მათი გაფრთხილება, რის გამოც, ეს ადამიანები მძიმედ დაშავდენ" - ნათქვამია პროფავშირების მიერ გავრცელებულ ინფორმაციაში.

მათი ცნობით, დაშავებულია 61 წლის დავით მელქაძე ის სამედიცინო დახმარების მანქანით თბილისში გადაყავთ. ხოლო 58 წლის ფირუზ გოგნაძეს და 45 წლის ნიკოლოზ კაკიაშვილს ხერხემლისა და ზურგის ტრამვით, კიდურების მოტეხილობით ხაშურის საავადმყოფოში უტარდებათ მკურნალობა.

ხარაგაულის რაიონის სოფელ ბეჟათუბანში, სადაც რამდენიმე დღის წინ მუშების გაფიცვა მიმდინარეობდა, სარკინიგზო გვირაბის მშენებლობაზე აფეთქება მოხდა დღეს დილით მოხდა. ადგილზე რკინიგზელთა პროპკავშირის წარმომადგენლები იმყოფებიან, მათი თქმით,  ადგილზე ამ შემთხვევაშიც  დარღვეული იყო უსაფრთხოების ნორმები. 

საქართველოს რკინიგზის საზოგადოებასთან ურთიერთობის სამსახურში გვითხრეს, რომ ობიექტი ჩინეთის რკინიგზის 23 ე ბიუროს ეკუთვნის და მომხდარზე განმარტებას არ აკეთებენ.

"ეს ობიექტი ეკუთვნის ჩინეთის რკინიგზის 23-ე ბიუროს. ეს ადამიანები აღნიშნულ კომპანიაში არიან დასაქმებულნი და მათ უნდა დაუკავშირდეთ", - ამბობს დაჩი ცაგურია.

ხარაგაულის სოფელ ბეჟათუბანში სარკინიგზო გვირაბის სამუშაოებზე 60-მდე დასაქმებული 15 იანვარს გაიფიცა.

ხოლო 18 იანვარს მუშებმა სამუშაობი განაახლეს. ხარაგაულში მუშები 2016 წელსაც გაიფიცნენ. ისინი მაშინაც მძიმე და გაუსაძლის სამუშაო პირობებს უჩიოდნენ.

გაფიცული მუშების მოთხოვნა უცხოურ კომპანიისგან (ჩინური) სამუშაო პირობების გაუმჯობესება იყო.

გაფიცულები მაშინ აცხადებდნენ, რომ პროტესტი იქამდე გაგრძელდებოდა, ვიდრე დამსაქმებლები მათ ინტერესებს არ გაითვალისწინებდნენ. თუმცა, ოთხდღიანი პროტესის შემდეგ სამუშაოს ისევ დაუბრუნდნენ.


ამავე თემაზე:

ზვარეში სარკინიგზო გვირაბის მშენებლობაზე დასაქმებულები გაიფიცნენ

ხარაგაულში გაფიცული მუშები მუშაობას განაახლებენ

Print E-mail
FaceBook Twitter
მსგავსი სიახლეები
ქუთაისში, ე.წ '' კეჩის ბაზობაზე'' ხანძარი ამ
დროისთვის ლიკვდირებულია.
22:59 / 16.02.2020
ქუთაისში, ე.წ '' კეჩის ბაზობაზე'' ხანძარი ამ დროისთვის ლიკვდირებულია.

ამ წუთებში,  ქუთაისში,
ჭავჭავაძის გამზირზე, ბაზრის ტერიტორიაზე ხანძარია.
22:30 / 16.02.2020

ამ წუთებში,  ქუთაისში, ჭავჭავაძის გამზირზე, ბაზრის ტერიტორიაზე ხანძარია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.