ახალი ამბები
ქუთაისში მცხოვრები ერაყელი სტუდენტები დახმარებას ითხოვენ
FaceBook
საქართველოს იუსტიციის სამინისტრომ ქუთაისში მცხოვრებ ერაყელ სტუდენტს სასწავლო ბინადრობის ნებართვა შეუწყვიტა.


ერაყელი სტუდენტი, ესამ მუჰსენ ალოანი ოჯახთან და მცირეწლოვან შვილთან ერთად ქუთაისში 2013 წლის 14 ოქტომბრიდან ცხოვრობს. 

ესამ მუჰსენ ალოანი ქუთაისის აკაკი წერეთლის სახელმწიფო უნივერსიტეტის სამედიცინო ფაკულტეტის მე-2 კურსის სტუდენტია.

"ყოველდღე მხოლოდ სახლიდან უნივერსიტეტში დავდივარ. ახლა მე-2 კურსზე ვსწავლობ არ ვიცი რა ვქნა, ამდენი წლის ნაწვალები წყალში მეყრება"- ამბობს, ერაყელი სტუდენტი ესამ მუჰსენ ალოანი, რომლის საქართველოში ბინადრობის ნებართვას ვადა 28 დეკემბერს გადის. 

საქართველოს იუსტიციის სამინისტრომ ესამ მუჰსენ ალოანის სასწავლო ბინადრობის შეწყვეტის საფუძველზე გადაწყვეტილება მიმდინარე წლის 14 დეკემბერს მიიღო. როგორც გადაწყვეტილებაშია აღნიშნული" განცხადების განხილვისას დადგინდა, რომ ესამ მუჰსენ ალოანის მიმართ არსებობს უცხოელთა და მოქალაქის არ მქონე პირთა სამართლებრივი მდგომარეობის შესახებ " საქართველოს კანონის მე-18 მუხლის "ა" და "გ"ქვეპუნქტებით გათვალისწინებული ბინადრობის ნებართვის გაცემაზე უარის თქმის საფუძველი.

სამინისტროს მიერ მიღებული გადაწყვეტილების თანახმად: არ დაკმაყოფილდეს 2015 წლის 12 ნოემბრის N 1000453453 განცხადება და ესამ მუჰსენ ალოანს უარი ეთქვას საქართველოში სასწავლო ბინადრობის ნებართვის გაცემაზე.

მე-18 მუხლის თანახმად, საქართველოში ბინადრობის ნებართვის გაცემაზე უარის თქმის საფუძვლად დასახელებულია შემდეგი საფუძვლები:

ა) არსებობს უფლებამოსილი ორგანოს დასკვნა სახელმწიფო ან/და საზოგადოებრივი უსაფრთხოების ინტერესების დაცვის უზრუნველსაყოფად მისი საქართველოში ცხოვრების მიზანშეუწონლობის შესახებ;
გ) იგი ახორციელებს საქმიანობას , რომელიც საფრთხეს უქმნის საქართველოს სახელმწიფო უსაფრთხოებას ან/და საზოგადოებრივ წესრიგს.

"ჩემი შვილი და ცოლი ამ ამბის მერე ყოველდღე ტირიან. ქართულიც არ ვიცით ნორმალურად, რომ უარის თქმის მიზეზი გავიგოთ. როდესაც ქუთაისის აკაკი წერეთლის სახელმწიფო უნივერსიტეტში ჩვაბარეთ ჩვენმა სამინისტრომ გაგვიკეთა ხელმოწერა, რომ უნდა დავასრულოთ 6 სასწავლო კურსი და მხოლოდ ამის შემდეგ გვიღიარებენ ქართულ დიპლომს. მაგრამ გამოდის, რომ 2 წლის ნასწავლი წყალში მეყრება" - ამბობს ესამ მუჰსენ ალოანი.

ესამ მუჰსენ ალოანის მეგობრები, რომლებიც ასევე ერაყელი სტუდენტები არიან და წერეთლის უნივერსიტეტში სწავლობენ, ვარაუდობენ, რომ ნებართვის გაცემაზე უარის თქმის საფუძველი შეიძლება გამხდარიყო დაახლოებით 1 თვის წინ მათი საინფორმაციო სააგენტო "ქუთაისიპოსტთან" გაკეთებული განცხადება. ვიდეომიმართვაში ისინი ერთხმად გმობენ პარიზში მომხდარ ტერაქტს. ამასთანავე, გულისწყვეტით აღნიშნავენ, რომ მათ ქვეყანაში ტერორისტული თავდასხმები თითქმის ყოველდღე ხდება, მაგრამ ამაზე ხმას არავინ იღებს.

ქუთაისში მცხოვრები ერაყელი სტუდენტები შიშობენ, ისინიც ესამ მუჰსენ ალოანის ბედს გაიზიარებენ. სტუდენტების თქმით, შესაძლოა ნებართვის გასაგრძელებლად განცხადების შეტანის შემდეგ მათაც უარი უთხრან.

ერაყელი სტუდენტები დახმარებას ითხოვენ, რათა მიეცეთ სწავლის გაგრძელების უფლება.
FaceBook Twitter
მსგავსი სიახლეები
ქუთაისის ცენტრალური ბულვარის
რეკონსტრუქცია რეგიონული განვითარების ფონდისთვის გასაგზავნი
პროექტების ჩამონათვალში ვერ მოხვდა.
17:23 / 11.12.2019

ქუთაისის ცენტრალური ბულვარის რეკონსტრუქცია რეგიონული განვითარების ფონდისთვის გასაგზავნი პროექტების ჩამონათვალში ვერ მოხვდა.

„ადამიანის უფლებათა კვირეულის
16:31 / 11.12.2019

„ადამიანის უფლებათა კვირეულის" ფარგლებში ქუთაისში ქართული ფილმის „სანამ მამა დაბრუნდება“ ჩვენება მოეწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
„ადამიანის უფლებათა კვირეულის" ფარგლებში ქუთაისში ქართული ფილმის „სანამ მამა დაბრუნდება“ ჩვენება მოეწყო.
პარტია ,,თავისუფალი საქართველოს'' თანათავმჯდომარე გოგი წულაია ქართულ ოცნებას 14 დეკემბერს დაგეგმილ აქციაში ხალხის იძულებით წაყვანაში ადანაშაულებს.
27 დეკემბერს ქუთაისის ოპერის თეატრში საიუბილეო საღამო გაიმართება. ქუთაისი ოპერის თეატრი დაარსებიდან  50 წლის იუბილეს აღნიშნავს.
ქუთაისის საკრებულოს თავმჯდომარის მოვალეობის შემსრულებლად, თავმჯდომარის მოადგილე, ირაკლი შენგელია  დეპუტატებმა ბიუროს სხდომაზე დაასახელეს.
ქუთაისში მთავარი ნაძვის ხის მონტაჟის სამუშაოები სრულდება.
7 დეკემბერს, მესხიშვილის თეატრში მსახიობ ევა ხუტუნაშვილის 70 წლის საიუბილეო საღამო გაიმართება.
ქუთაისელმა ჟურნალისტებმა საზოგადოებრივი მაუწყებლის აჭარის ტელევიზიასა და რადიოს სოლიდარობა გამოუცხადეს.
10 დეკემბერს, ბრიტანეთის საელჩოს წარმომადგენლები ქუთაისის ცენტრალურ ბაღში მოსახლეობას შეხვდებიან.