გამჭვირვალე თვითმმართველობა
საკრებულოს სხდომები მერის გარეშე და არაოფიციალური ბოიკოტი დეპუტატებს
ქუთაისის მერი, გიორგი ჭიღვარია, მას შემდეგ რაც უფლებამოსილების განხორციელებას შეუდგა, მე-6 მოწვევის საკრებულოს მიერ ჩატარებული 10 სხდომიდან 8-ს არ დასწრებია.
ქალაქის პირველი პირი წარმომადგენლობით ორგანოში მხოლოდ ორჯერ, 2017 წლის 27 დეკემბერს და მიმდინარე წლის 18 იანვარს მივიდა. მაშინ ოპოზიციონერმა დეპუტატებმა გიორგი ჭიღვარია მწვავედ გააკრიტიკეს, რის შემდეგაც იგი  საკრებულოში აღარ გამოჩენილა.

გიორგი ჭიღვარია არ დასწრებია არც იმ სხდომას, რომელიც მისთვის, როგორც ახლადარჩეული მერისთვის პირველი შეხვედრა უნდა ყოფილიყო დეპუტატებთან.

ოპოზიციის მწვავე კრიტიკის მიუხედავად, იგი არ ესწრებოდა ისეთ მნიშვნელოვან სხდომებს, სადაც დეპუტატები ახლადმიღებული ბიუჯეტისა და საშტატო ნუსხის ცვლილებებს განიხილავდნენ. საკრებულომ მის გარეშე დაამტკიცა რეორგანიზაციის გეგმაც.

საკრებულოს ოპოზიცია მიიჩნევს, რომ ქალაქის პირველი პირი გაურბის დეპუტატებისგან მწვავე კრიტიკის მოსმენას და მათთან ურთიერთობას მედიის საშუალებით არჩევს.

"ქალაქის მერი გველაპარაკება მედიის საშუალებით. სხდომაზე ჩვენ ვსაუბრობთ პრობლემებზე, რომელიც არის ქალაქში, ვსვამთ შეკითხვებს აღმასრულებლის მისამართით და ის მერე მედიით გვპასუხობს, რაც არასწორია. ვფიქრობ, გაურბის დისკუსიას და იმ რეალობის დანახვას, რაზეც ჩვენ ვსაუბრობთ", - ამბობს საკრებულოს დეპუტატი "ევროპული საქართველოდან", მერაბ მეშველიანი.

ქალაქის მერის სხდომებზე არდასწრების გამართლება რამდენჯერმე სცადა საკრებულოს უმრავლესობამ. დეპუტატებს მოჰყავდათ არგუმენტები, რომ მერს მნიშვნელოვანი შეხვედრები ჰქონდა, თუმცა, ამ არგუმენტების არ სჯერა ოპოზიციას და მიიჩნევს, რომ მერი დეპუტატების მიმართ უპატივცემულობას იჩენს.

"ეს არის უპატივცემულობა საკრებულოს, როგორც ზოგადად ინსტიტუტის მიმართ. მეორეს მხრივ, მერი გაურბის დისკუსიას ოპოზიციასთან. ჩვენ ვხედავთ, რომ იგი ზოგადად ერიდება საზოგადოებასთან ურთიერთობას და მხოლოდ ადამიანებისთვის  საჩუქრების გადაცემის დროს ჩნდება. მან თავისი 100 დღის მუშაობაც კი კლიპის სახით წარუდგინა საზოგადოებას. ეს ნიშნავს იმას, რომ ის არ არის მზად კრიტიკისთვის და კითხვებზე პასუხების გასაცემად", - ამბობს საკრებულოს ფრაქცია "ნაციონალური მოძრაობის" თავმჯდომარე, გიგა შუშანია.

ოპოზიცია ქალაქის მერს მოუწოდებს დაესწროს საკრებულოს სხდომებს და გასცეს პასუხები დეპუტატების შეკითხვებს.

სხდომებზე ქალაქის მერის დასწრებას საჭიროდ არ მიიჩნევს უმრავლესობის დეპუტატი, მაია სიმონიძე. მისი თქმით, მას ამ დრომდე ქალაქის მერთან შეკითხვა არ გასჩენია.

"არ მქონია საკითხი, რომელზეც მიფიქრია, რომ ამას ალბათ,  ქალაქის მერი უნდა პასუხობდეს. შეკითხვები,  ძირითადად, სამსახურებთან მაქვს და რომ მქონდეს ეს კითხვები მერთან, ხმამაღლა დავაფიქსირებდი ამასაც. ის, რომ მანდამაინც ქალაქის მერმა უნდა მიპასუხოსო, ეს არის პოლიტიკური თემა. მე ისედაც მაქვს საკმაოდ ხშირი კომუნიკაცია მერთან და ეს პრობლემა არ მქონია. საჭიროება როცა იქნება, ალბათ, დაესწრება კიდეც", - ამბობს მაია სიმონიძე.

იგივეს ამბობენ ქუთაისის მერიაშიც. ადგილობრივ თვითმმართველობაში განმარტავენ, რომ   გიორგი ჭიღვარია დაესწრო და დაესწრება  ყველა იმ სხდომას, სადაც ამის აუცილებლობა იქნება.

"ქუთაისის მერი კანონმდებლობით განსაზღვრულ ყველა ვალდებულებას ასრულებს. მათ შორის, დაესწრო და დაესწრება ყველა იმ საკრებულოს სხდომებს, სადაც ქალაქის მერის დასწრება აუცილებელი იქნება. საკრებულოს ყველა სხდომას ესწრებიან მერის მოადგილეები, სადაც საკრებულოს წევრებს საშუალება აქვთ მოისმინონ ყველა იმ კითხვაზე პასუხი, რომლითაც ისინი დაინტერესებულნი არიან", - განაცხადეს ქუთაისის მერიაში.

თუმცა, ქუთაისის საკრებულოს მიერ მოწოდებული ინფორმაციით, 2017 წლის 7 დეკემბრის რიგგარეშე და 2018 წლის 31 იავრისა და 2018 წლის 28 მარტის სხდომებს მერის არც ერთი მოადგილე არ დასწრებია. 

წარმომადგენლობით ორგანოში ერთად იშვიათად მიდის მერის სამივე ან თუნდაც ორი მოადგილე. როგორც წესი, სხდომებს ძირითადად,  მერის ერთ-ერთი მოადგილე ესწრება.  

ქუთაისის მეექვსე მოწვევის საკრებულომ სულ 11 (8 რიგითი და 3 რიგგარეშე) სხდომა ჩაატარა. პირველ სხდომაზე, რომელიც 2017 წლის 20 ნოემბერს გაიმართა, ქალაქის ახლადარჩეულ მერს ჯერ კიდევ არ ჰქონდა უფლებამოსილება მინიჭებული. შესაბამისად, მისი მერად მუშაობის პერიოდში წარმომადგენლობითმა ორგანომ 10 სხდომა ჩატარდა, მათგან 8-ს კი ქალაქის მერი არ დასწრებია.


ამავე თემაზე:

"ქალაქის ახლადარჩეული მერი საკრებულოს ემალება" - "ნაციონალი" დეპუტატი გიორგი ჭიღვარიას

"სად იმალება ქუთაისის მერი?" - საკრებულოს ოპოზიცია

"უნდა მივცეთ დრო" - საკრებულოს თავმჯდომარე ქუთაისის მერზე
| Print |  E-mail
FaceBook Twitter Google
სხვა სიახლეები
დღის სიახლეები
ქუთაისის "ტორპედომ" ტერასპოლში, ადგილობრივ "შერიფთან" საპასუხო მატჩი წაგებით დაასრულა.
23:16 / 18-07-2018
ქუთაისში, ახაგაზრდობის ქუჩაზე ყოფილი რესტორნის სახურავზე თხები ავიდნენ.
16:48 / 18-07-2018
ტყიბულის შახტშტი 16 ივლისს დაშავებული ორი მეშახტის ჯანმრთელობის მდგომარეობა მძიმეა. ისინი თბილისში, ხეჩინაშვილის სახელობის კლინიკაში არიან მოთავსებულნი.
12:24 / 18-07-2018
ჭიათურაში, რესტორანში მომხდარ დაპირისპირებაში, ძალადობაში ბრალდებულის მხარე, საკრებულოს თავმჯდომარის მოადგილე ინა ასანიძე მომხდარი ინციდენტის კადრებს ასაჯაროებს.
11:52 / 18-07-2018
მსგავსი სიახლეები






არასამთავრობო ორგანიზაცია
არასამთავრობო ორგანიზაცია "საერთაშორისო გამჭვირვალობა-საქართველომ" ქუთაისის მერიისა და საკრებულოს იმ თანამდებობის პირების შესახებ გამოქვეყნა ინფორმაცია,
16:19 / 12.07.2018






ქუთაისის მერიამ, ნიკეას ქუჩაზე მდებარე სოციალურ საცხოვრისში
ფართების შესაძენად იმაზე გაცილებით დიდი თანხა დახარჯა, ვიდრე ეს
საჯაროდ იყო ცნობილი.
ქუთაისის მერიამ, ნიკეას ქუჩაზე მდებარე სოციალურ საცხოვრისში ფართების შესაძენად იმაზე გაცილებით დიდი თანხა დახარჯა, ვიდრე ეს საჯაროდ იყო ცნობილი.
16:10 / 12.07.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
23:19 / 09.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
12:00 / 27.05.2018






ქუთაისიპოსტი იწყებს ქუთაისის საკრებულოს დეპუტატების
ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი იწყებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
17:01 / 30.04.2018
კალენდარი
«« ივლისი 2018 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.