ქუთაისიპოსტი

ქუთაისში, მერიის ადმინისტრაციული შენობის წინ, მონადირეებმა აქცია გამართეს, სადაც ნადირობის შესახებ ახალი კანონპროექტი გააპროტესტეს.

აქციის მოანწილეების განცხადებით, გარემოს დაცვის და ზედამხედველობის სამინისტრომ ნადირობის შესახებ კანონპროექტზე მუშაობის დროს მათთან არ ითანამშრომლა. წარმოდგენილი დოკუმენტი კი, მათთვის მიუღებელია.

"ჩვენი მოთხოვნა არის ის რომ, მონადირეებს არ უნდა ჰქონდეს შეზღუდვა. ასევე, ჩვენ არ უნდა მოგვთხოვონ პასუხი იმაზე მტაცებელ ცხოველს მოვკლავთ თუ არამტაცებელს. ისე გამოდის რომ ჩვენ ნადირობის უფლებაც გვერთმევა. ასევე, ვაპროტესტებს იმ ჯარიმებს, რომელიც ამ კანონის დარღვევის შემთხვევაში დაგვეკისრება", - განაცხადა აქციაზე მონადირე, გიორგი მახალდიანმა.

საპროტესტო აქციაზე დასავლეთ საქრთველოს სხვადასხვა რაიონებიდან ჩამოსულმა მონადირეებმა საინციატივო ჯგუფის შექმა დაანონსეს. მათი თქმით, ისინი იმუშავებენ კანონპროექტზე. ასევე, მომაზდებენ შენიშვნებს და რეკომენდაციებს, რომლებსაც გარემოს დაცვისა და ზედამხევდელობოს სამინისტროში წარადგენენ.

" შეიქმნება საინიციატოვო ჯგუფი, სხვადასხვა პროფესიის წარმომადგენლები მომზადებენ რეკომენდაციებს, მათ შორის იურისტებიც. ერთი რასაც ვეთანხმებით ეს არის ლიცენზიის მიღება. აუცილებელია მონადირემ იცოდეს ნადირობის წესები", - ამბობს მონადირე ავთანდილ დარახველიძე.

საქართველოს გარემოს და ბუნებრივი რესურსების დაცვის სამინისტროში აცხადებენ, რომ მონადირეების მიერ მიწოდებულ რეკომენდაციებს მოისმენენ და განიხილავენ.

საქართველოს გარემოსა და ბუნებრივი რესურსების დაცვის მინისტრის ბრძანებით, სამოყვარულო და სპორტული ნადირობის უფლება საქართველოში მხოლოდ შესაბამისი ლიცენზიის მფლობელებს ეძლევათ.

ახალი რეგულაციების თანახმად, მონადირეებისთვის ნადირობა საქართველოს დაცული ტერიტორიების გარშემო ხუთკილომეტრიან ზონაში აკრძალულია. მონადირე ვალდებული ხდება შეისწავლოს ცხოველების, ფრინველების და იარაღის დასახელებები, ასევე წარმოადგინოს ნადირობისთვის საჭირო დოკუმენტაცია.

იმ შემთხვევაში, თუ მონადირეები არ დაიცავენ ახალ რეგულაციებს, ისინი 100-დან 2 000 ათას ლარამდე თანხით დაჯარიმდებიან.