ვიდეო
ეს ერთადერთი ოთახია მთელს ქალაქში, სადაც ძველ ფეხსაცმელებს ახლებურ იერსახეს უბრუნებენ.
გოგი იონანიძეს ბევრი რამის გამო იცნობენ და ამახსოვრდებათ. ამახსოვრდებათ ოქროს ხელებისა და საღებავების გამო. ერთგულების, იუმორის გამოც. ყველა ამ თვისების გამო, ოსტატი ქუთაისელებისთვის კოლორიტად იქცა.
ის ასირიელია. მისმა წინაპრებმა საცხოვრებლად დიდი ხნის წინ აირჩიეს ქუთაისი. გოგიც ამ ქალაქში დაიბადა. ამიტომ, სამშობლოდ ქუთაისს თვლის და აქაურობა ძალიან უყვარს.
ცხოვრება მსახურებააო გვიყვება ოსტატი და 55 წლის მანძილზე არ ბეზრდება სხვისი ფეხსაცმელების წმენდა.
"სხვებს რომ ემსახურები და ისინი ბედნიერდებიან, ამაზე უკეთესი არაფერია," - ამბობს გოგი იონანიძე.
თავდაპირველად გოგი იონანიძეს "სახელოსნო" ქუჩა გახლდათ. ის ქალაქის ცენტრალური ქუჩაში იჯდა და კლიენტებს ღია სივრცეში ემსახურებოდა.
წითლად შეღებილი პატარა სახელოსნო, რომელშიც ოსტატი დღეს მუშაობს, წლების მანძილზე ნაგროვები თანხით იყიდა.
ოთახი ისეთი პატარაა, ზედიზედ ორი ნაბიჯის გადადგმაც შეუძლებელია. სამაგიეროდ, მუშობაში ხელს ამინდი აღარ უშლის.
მრავალწლიანი გამოცდილების ფონზე, ოსტატმა ფეხსაცმელების მიხედვით ადამიანის ხასიათის გამოცნობაც ისწავლა.
„ძალიან გაცვეთილი ძირები თუ აქვს ფეხსაცმელს, ესეიგი მისი პატრონი შრომისმოყვარეა, ბევრს დადის. ვინც ხშირი კლიენტია, წესრიგისმოყვარულია. ბევრი რამე შეიძლება გითხრას ფეხსაცმელებმა,“ - ამბობს გოგი იონანიძე, რომელიც იმასაც გვიყვება, რომ ბოლო დროს ე.წ. ბოტასებისა და კედების გამოჩენამ ადამიანებს დაავიწყა ფესაცმლის მწმენდავების არსებობა და საჭიროება. სამაგიეროდ, დღემდე ძველებური პოპულარობით იყიდება ბაბუას დანატოვარი რეცეფტით დამზადებული მისი საღებავი.
ფეხსაცმელების მწმენდავებს 50 წლის წინ საქართველოში "ჩისტილშიკებს" ეძახდნენ. ისინი ძირითადად ასირიელები იყვნენ.
დღეს ეს პროფესია თითქმის დავიწყებულია. თუმცა 78 წლის გოგი იონანიძე სამსახურის მიტოვებას არ აპირებს და ამბობს, რომ ცხოვრების ბოლომდე ასე იმუშავებს.
ამიტომ, თუ ფეხსაცმელების გაწმენდა- გაპრიალება დაგჭირდებათ, იცოდეთ, რომ ქუთაისელი ოსტატი ისევ "მწვანე ბაზრის" კუთხეში, პატარა სახელოსნოში ზის და გაცვეთილფეხსაცმელებიან კლიენტებს ერთგულად ელოდება.
“კვირა გასულა, ლარიც არ მიშოვია, მერე რა..” - ქუთაისის კოლორიტად ქცეული ასირიელი ოსტატი
15:01 / 13.08.2018
ქუთაისში, „მწვანე ბაზრის“ კუთხეში პატარა სახელოსნო დგას. წითლად შეღებილი და შემინული.
ეს ერთადერთი ოთახია მთელს ქალაქში, სადაც ძველ ფეხსაცმელებს ახლებურ იერსახეს უბრუნებენ.
სახელოსნოს ოსტატს, რომელიც თქვენს ფეხსაცმელებზე ზრუნავს,
ყველა სცნობს.
გოგი იონანიძეს ბევრი რამის გამო იცნობენ და ამახსოვრდებათ. ამახსოვრდებათ ოქროს ხელებისა და საღებავების გამო. ერთგულების, იუმორის გამოც. ყველა ამ თვისების გამო, ოსტატი ქუთაისელებისთვის კოლორიტად იქცა.
ის ასირიელია. მისმა წინაპრებმა საცხოვრებლად დიდი ხნის წინ აირჩიეს ქუთაისი. გოგიც ამ ქალაქში დაიბადა. ამიტომ, სამშობლოდ ქუთაისს თვლის და აქაურობა ძალიან უყვარს.
ცხოვრება მსახურებააო გვიყვება ოსტატი და 55 წლის მანძილზე არ ბეზრდება სხვისი ფეხსაცმელების წმენდა.
"სხვებს რომ ემსახურები და ისინი ბედნიერდებიან, ამაზე უკეთესი არაფერია," - ამბობს გოგი იონანიძე.
თავდაპირველად გოგი იონანიძეს "სახელოსნო" ქუჩა გახლდათ. ის ქალაქის ცენტრალური ქუჩაში იჯდა და კლიენტებს ღია სივრცეში ემსახურებოდა.
წითლად შეღებილი პატარა სახელოსნო, რომელშიც ოსტატი დღეს მუშაობს, წლების მანძილზე ნაგროვები თანხით იყიდა.
ოთახი ისეთი პატარაა, ზედიზედ ორი ნაბიჯის გადადგმაც შეუძლებელია. სამაგიეროდ, მუშობაში ხელს ამინდი აღარ უშლის.
მრავალწლიანი გამოცდილების ფონზე, ოსტატმა ფეხსაცმელების მიხედვით ადამიანის ხასიათის გამოცნობაც ისწავლა.
„ძალიან გაცვეთილი ძირები თუ აქვს ფეხსაცმელს, ესეიგი მისი პატრონი შრომისმოყვარეა, ბევრს დადის. ვინც ხშირი კლიენტია, წესრიგისმოყვარულია. ბევრი რამე შეიძლება გითხრას ფეხსაცმელებმა,“ - ამბობს გოგი იონანიძე, რომელიც იმასაც გვიყვება, რომ ბოლო დროს ე.წ. ბოტასებისა და კედების გამოჩენამ ადამიანებს დაავიწყა ფესაცმლის მწმენდავების არსებობა და საჭიროება. სამაგიეროდ, დღემდე ძველებური პოპულარობით იყიდება ბაბუას დანატოვარი რეცეფტით დამზადებული მისი საღებავი.
ფეხსაცმელების მწმენდავებს 50 წლის წინ საქართველოში "ჩისტილშიკებს" ეძახდნენ. ისინი ძირითადად ასირიელები იყვნენ.
დღეს ეს პროფესია თითქმის დავიწყებულია. თუმცა 78 წლის გოგი იონანიძე სამსახურის მიტოვებას არ აპირებს და ამბობს, რომ ცხოვრების ბოლომდე ასე იმუშავებს.
ამიტომ, თუ ფეხსაცმელების გაწმენდა- გაპრიალება დაგჭირდებათ, იცოდეთ, რომ ქუთაისელი ოსტატი ისევ "მწვანე ბაზრის" კუთხეში, პატარა სახელოსნოში ზის და გაცვეთილფეხსაცმელებიან კლიენტებს ერთგულად ელოდება.
მსგავსი სიახლეები
12:09 / 17.03.2024
"ქუთაისისპოსტი"რუბრიკას გთავაზობთ "ვირტუალური გიდი - რუსული
ოკუპაციის კვალდაკვალ".
17:44 / 25.11.2023
კონკურსი "დახატე თავისუფლება" ქუთაისიპოსტმა
მოსწავლე-ახალგაზრდებისთვის განახორციელა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები