საზოგადოება
სამი თაობის ახალი წელი (ვიდეო/ფოტო)
ყველა ახალ წელს ახლავს ერთფეროვნება.

ყველაფერი იგივეა რაც ერთი, ათი და შეიძლება ასი წლის წინ იყო.

ახალი წლის აღნიშვნის ტრადიცია წლიდან წლამდე მეორდება.

თუმცა, ეს ის ერთფეროვნებაა, რომელიც არავის ბეზრდება.

პირიქით, იგი სწორედ თავისი ერთნაირობით, ერთი და იგივეობით არის ძვირფასი.
იმდენად ძვირფასი, რომ საქართველოში ერთი არ ყოფნით,ერთ თარიღში ვერ ეტევიან და ალბათ, ამიტომაც ორჯერ აღინიშნება ახალი წელი.

ორი ახალი წელი მაინცადამაინც არავის ებევრება. არც ერთ თაობას საქართველოში.

ქუთაისში მცხოვრები მიქაძეებისა და გეგენავები ოჯახები ორივე ახალ წელს ერთნაირი ენთუზიაზმით აღნიშნავენ.


მიქაძეების ოჯახი


საახალწლოდ, ნინო მიქაძის მთავარი საქმე სუფრის გაშლაა

მათთვის ახალი წელი რჩება ყველაზე გამორჩეულ დღესასწაულად. ამაში დიდი ოჯახების სამივე თაობა თანხმდება.

ახალი წლის აღნიშვნაში ყველა ჩართულია. ოჯახის ყველა წევრს თავისი როლი, რიტუალი და ადგილი აქვს. 


გიგა მიქაძე და დედა

საახალწლო სიმღერის ერთობლივი შესრულება მიქაძეების ოჯახში მთავარი საახალწლო  ტრადიციაა. ეს ის რიტუალია, რასაც ყველა ერთად აკეთებს.



მიქაძეების ოჯახში ნაძვის ხის მორთვას უფროსი თაობის წარმომადგენელი კისრულობს.


ნუკრი მიქაძე

"ყოველ წელიწადს მე ვაწყობ ნაძვის ხეს, ვიყენებ იმ ფერებს, რაც იმ წელს მოდაში იქნება. ნაძვის ხეც ამ სიახლეს უნდა პასუხობდეს~, –ამბობს 70 წლის ნუკრი მიქაძე.

კონკრეტულ ფერებში ნაძვის ხის მორთვა ახალი დროის ტრენდია.

ნუკრის ბავშვობაში ნაძვის ხის განსაკუთრებულობა სხვა პარამეტრებით იზომებოდა.

"მამას დიდი ნაძვის ხე მოჰქონდა, რომელიც ჭერამდე წვდებოდა, თანაც ნამდვილი ნაძვი იყო. ხელოვნურები უფრო გვიან დამკვიდრდა", – ჰყვება ნუკრი მიქაძე.

ნაძვის ხის გაწყობის მისიას საკუთარ თავზე გეგენავების ოჯახშიც ყველაზე უფროსი წარმომადგენელი იღებს.

ნაძვის მორთვა და დიზაინი დედის განკარგულებაშია, ჩვენ შეიძლება შევმატოთ რაიმე საახალწლო სათამაშო ,თავად ვამზადებ ნაძვის ხის მორთულობებს, ეს დიდ სიამოვენაბს მანიჭებს", – ამბობს ელისო გეგენავა, რომელიც პროფესიით დიზაინერია.



ორივე ოჯახში ქალებს საახალწლოდ ყველაზე მეტი საქმე აქვთ მათ უნდა მოახერხონ საქმისა და ზეიმის ერთნაირი წარმატებით გაძღოლა, შესაბამისად სწორედ ისინი ხდებიან დანარჩენი ოჯახის წევრებისთვის ახალი წლის შემქმნელები.

ზეიმის, რომელმაც  თავისი აღნიშვნის მასშტაბით და პომპეზურობით ჩამოიტოვა პრაქტიკულად ყველა რელიგიური დღესასწაული. უფრო მეტიც, თავად შეიძინა საკრალურობა. ათასი შესაძლებლობა მიეწერა - თითქოს ამ დღესა და პერიოდზე იყოს დამოკიდებული ადამიანების მომავალი.

მაგალითად, ერთ–ერთი საახალწლო 'მცნების" თაანხმად ახალ წელს აუცილებლად სახლში უნდ შეხვდე. ამის ჯეროდათ მიქაძეებს.

"რადგან ჩვენს ოჯახში ყველა ხელოვანია ხშირად გვიწევს საახალწლო ღონისძიებებში მონაწილეობა. მახსოვს ერთხელაც თორმეტი სრულდებოდა, როდესაც გავთავისუფლდით და მაშინვე სახლისკენ წამოვედით. ორი წუთი უკლდა სახლში რომ მივედით, სულს ვერ ვიბრუნებდით ისე შევავსეთ სასმისები. მაშინ ვთვლიდით, რომ ასე "გადავარჩინეთ" ახალი წელი" , – იგონებს ნუკრის ქალიშვილი ნინო მიქაძე.

გეგენავების ოჯახის შვილების თაობა ახალ წელს არასდროს ხვდება სახლში. ელისო გეგენავამ საქველმოქმედო ტრადიცია დაამკვიდრა – ახალი წელი იმ ბავშვებს მიულოცოს და საჩუქრები გადაასცეს რომლებიც ობლები არიან და მხოლოდ ერთი მშობელი ზრდის.

"ბავშვების სიხარული და გაოცება მერე მთელი წელი მყოფნის რომ თავი ბედნიერად ვიგრძნო",– ამბობს ელისო.

ახალი წელი ხიდებს დებს როგორც თაობებს შორის, ასევე საკუთარ ბავშვობასთან. ახალი წლის მთავარი არქიტექტორები ხომ ბავშვები არიან.

გეგასთვის, ელისოს პატარა შვილისთვის, ახალი წელი ყველაზე დიდი დღეა. თავისი სიხარულით და მოლოდინით – საკუთარ წერილზე თოვლის ბაბუას სწორი და ზუსტი რეაგირებით. თოვლის ბაბუას გეგა აქამდე არასდროს მოუტყუებია.






მაგრამ მოატყუეს ელისო. ბავშვობაში ერთი ნასვამი კაცი შეგვპირდა მე და ჩემს ძმა აჩიკოს, რომ ჩვენთან აუცილებლად მოვიდოდა თოვლის ბაბუა, მაგრამ არ მოვიდა, ეს ისე მწარედ დამამახსოვრდა რომ გადავწყვიტე თავად გავხდე თოვლის ბაბუა",  – ამბობს ელისო.

თოვლის ბაბუა ელისო გეგენავას განსახიერებით, არასდროს უცრუებს მოლოდინს კონკრეტულ ოჯახებს და ობოლ ბავშვებს. უკვე შვიდი წელია მათ ოცნებებს ახდენს.

თავად ელისოს არც ისე კარგად ახსოვს ახალი წელი ბაღსა და სკოლაში. ეს ინსტიტუციები ზეიმის თავის ხელოვნურ მოდელს თავაზობდნენ – გახამებულ კაბებს, დიდ ბაფთებს და ლექსის ხმისჩახლეჩამდე თქმის ვალდებულებას,კაპასი პედაგოგების აკომპანიმენტით, რაც ყველაფერს აფუჭებდა და ახალი წლის ცივ შეგრძნებებს უტოვებდა.

თუმცა ახალმა დრომ სხვა კორექტივები შეიტანა ახალი წლის ტრადიციებში.სადღეისოდ შვილიშვილების თაობა ახალი წლის შეხვედრის მრავალნაირ მოდელს ირგებს. მათ შეუძლიათ ახალ წელს არა მხოლოდ რეალურში, არამედ ვირტუალურ სივრცეში შეხვდნენ. ფეისბუკ ან იუთუბ ახალი წელი გაითენონ. მიქაძებთანაც და გგეენავეთტანაც ასე ხდება. მაგრამ რა ფორმაც არ უნდა მისცე ახალი წელი რჩება განწყობებისა და ემოციების დღესასწაულად.

დიდი იმედების ხანად ყველა თაობაში. იმედი, რომელიც ყველაზე სიცოცხლისუნარიანია და ბოლოს კვდება.

ავტორები : ეკა კუხალაშვილი
თეკლე მორგოშია
| Print |  E-mail
FaceBook Twitter Google
სხვა სიახლეები
დღის სიახლეები
ქვაბების ნაკრებზე არსებულ პოპულარობას ბევრი სხვადასხვა ფაქტორი განაპირობებს და ინტერნეტ მაღაზიები მათი სხვადასხვა ბრენდის, მოდელისა და კომპლექტაციით ცდილობენ მიიპყრონ მომხმარებლის ყურადღება.
21:49 / 19-02-2019
სამტრედიის სოფელ ტოლებში ბუნებრივი აირის დაგროვების შედეგად აფეთქება მოხდა.
21:35 / 19-02-2019
ქუთაისში თაბუკაშვილის ქუჩა  #86-ში, სტიქიამ ციბაძეების ოჯახი დააზარალა.
14:29 / 19-02-2019
დღეს, ქუთაისში, წერეთლის  ქუჩა #117 ( ბალახვანში, მე-12 სკოლის მიმდებარედ) სამოქალაქო მოძრაობის ქუთაისის წარმომადგენლობის პრეზენტაცია გაიმართა.
14:07 / 19-02-2019
მსგავსი სიახლეები






ცნობილი ევროპული ბრენდის H&M-ის პარტნიორი ქუთაისური საწარმო
გახდა. 
ცნობილი ევროპული ბრენდის H&M-ის პარტნიორი ქუთაისური საწარმო გახდა. 
14:36 / 13.02.2019
"ვიდრე შეგეძლო, იტალიელებს ბანდი, ახლა თვითონ მოსავლელი რომ ხარ, ჩვენთან ჩამოდი?" – 20 წლიანი ემიგრაციის შემდეგ, ამ სიტყვებით შეხვდნენ ყველაზე ახლობლები.
17:39 / 08.02.2019






დიდხანს ვერ ვეკარებოდი კონვერტით მოტანილ პასუხს. ბოლოს, გავხსენი და
წაკითხული გაჭირვებით გადავეცი დედას, რომ კიბო დავამარცხე...
დიდხანს ვერ ვეკარებოდი კონვერტით მოტანილ პასუხს. ბოლოს, გავხსენი და წაკითხული გაჭირვებით გადავეცი დედას, რომ კიბო დავამარცხე...
21:49 / 04.02.2019






ზესტაფონიდან დედაქალქში ოცნების ასახდენად წავიდა.
ზესტაფონიდან დედაქალქში ოცნების ასახდენად წავიდა.
17:39 / 01.02.2019
"სიცოცხლის ქალაქში" სულ სიკვდილს უყურებენ თვალებში. რაც უფრო ღრმად ჩადიან შახტში, მით უფრო მძაფრდება სასიცოცხლო ემოციები, ისევე, როგორც ერთმანეთის მოფრთხილების სურვილი.
13:17 / 30.01.2019
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.