ქუთაისში, დვალიშვილების ოჯახში, მიმდინარე წლის რვა ივნისს განხორციელებულ ჩხრეკასთან დაკავშირებით გამოძიება მიმდინარეობს.
"2017 წლის 6 ივნისს იმერეთის, რაჭა-ლეჩხუმისა და ქვემო სვანეთის
პოლიციის დეპარტამენტს განცხადებით მიმართა ქუთაისში მცხოვრებმა
მ.გ.-მ, რომ დ.დ. და ბ.დ. უკანონოდ შეძენილ ცეცხლსასროლ იარაღს
ფლობდნენ, რომელიც, მათ შორის არსებული კონფლიქტის გამო, შესაძლოა,
მის წინააღმდეგ გამოეყენებინათ.
სამართალდამცველებმა შეტყობინების მიღებისთანავე მოახდინეს
რეაგირება.
გამოძიების ფარგლებში გამოკითხვისას დ.დ.-მ დააფიქსირა, რომ 2017 წლის 5 ივნისს მ. გ.-მ მას სახლში ავტომანქანით, უცნობ პირთან ერთად მიაკითხა, ავტომანქანაში ჩაჯდომა მოსთხოვა და სახლიდან, დაახლოებით, 2 კილომეტრში, დაუსახლებელ ტერიტორიაზე წაიყვანა. მისი თქმით, ავტომანქანაში ყოფნის დროს, მ.გ.-მ მისგან კატეგორიულად მოითხოვა სესხად აღებული თანხის გადახდა, მიაყენა სიტყვიერი და ფიზიკური შეურაცხყოფა, შემოახია ტანსაცმელი და თანხის გადაუხდელობის შემთხვევაში, ფიზიკური ლიკვიდაციით დაემუქრა.
ამის შემდგომ მ.გ.-მ და უცნობმა პირმა დ.დ. აღნიშნულ ადგილზე დატოვეს, ხოლო თვითონ ავტომანქანით გაურკვეველი მიმართულებით გაემართნენ. აღნიშნულ ფაქტთან დაკავშირებით დ.დ-ს პოლიციისთვის აქამდე არ მიუმართავს და არც მომხდარის შესახებ შეუტყობინებია.
საქმეზე გამოძიება გრძელდება.
აქვე აღვნიშნავთ, რომ გავრცელებული ინფორმაცია იმის თაობაზე, თითქოს მ. გ. ან მისი ძმები შსს-ს თანამშრომლები არიან, სიმართლეს არ შეესაბამება. მ.გ. შსს-ში 2011 წლიდან აღარ მუშაობს", - ნათქვამია შინაგან საქმეთა სამინისტროს მიერ გავრცელებულ განცხადებაში.
ამავე თემაზე:
"სახლი დაარბიეს" - ქუთაისში სამართალდამცავებს ზეწოლაში ადანაშაულებენ
„ქუთაისიპოსტმა“ USAID სამართლის უზენაესობის პროგრამის ფარგლებში განხორციელებული პროექტის შედეგების პრეზენტაცია-დისკუსია გამართა.
ქალთა მიმართ ძალადობა ადამიანის უფლებათა ერთ-ერთი ყველაზე უხეში დარღვევაა, რომელიც ქალებისთვის სიცოცხლის, უსაფრთხოების, ჯანმრთელობის, ღირსებისა და სხვა არსებითი უფლებების ხელყოფას განაპირობებს და ცხოვრებისა და განვითარების საბაზისო შესაძლებლობას ართმევს.
მასალის გამოყენების პირობები