რეგიონი
ვინ ვის სცემა ვანში - დაპირისპირება შსს-სა და პროკურატურის თანამშრომლებს შორის
FaceBook
11 იანვარს, ვანში, რესტორან "მასპინძელოში" მომხდარ ინციდენტზე ვანელებს საუბარი უჭირთ.

რესტორნის თანამშრომლები ჰყვებიან, რომ დაპირისპირება რესტორნის შიგნით არ მომხდარა და ჩხუბი გარე ტერიტორიაზე დაიწყო.

"ღამის  12 საათის მერე წავედი რესტორნიდან, სამზარეულოში ვმუშაობ. მაგიდებისკენ არ გამოვდივარ ხოლმე. ჩემი ყოფნის დროს არაფერი არ იყო. ისხდნენ და ქეიფობდნენ ჩვეულებრივად პროკურატურისა და პოლიციის თანამშრომლები, დაახლოებით 15 ადამიანი იქნებოდა. მერე გარეთ მომხდარა ეგ ჩხუბი. მაგრამ რა მოხდა არ ვიცი", - ამბობს რესტორნის ერთ-ერთი თანამშრომელი, მზია მეფარიშვილი.

ინციდენტის შესახებ ინფორმაციას არ ფლობენ არც ადგილობრივები. თუმცა, აღნიშნავენ, რომ მსგავსი შემთხვევი ხშირად ხდება.

"ვანში სულ ჩხუბობენ, ვინ ვის ურტყამს და ცემს კაცმა არ იცის,მაგრამ ძირითადად არ ხმაურდება. ეს ამბავი კი, ნამდვილად ინტერნეტით გავიგეთ", – ამბობენ ადგილობრივები.

არსებული ინფორმაციით, ვანის პოლიციის უფროსის მოადგილემ კობა დვალიშვილმა პროკურორი და მასთან ერთად მყოფი პირი ცემა.

გამოძიება ძალადობის ფაქტზე, სსკ-ს 126-ე მუხლით დაიწყო. ფაქტის შესწავლა ასევე დაიწყო შინაგან საქმეთა სამინისტროს გენერალურმა ინსპექციამ. შსს-ს ცნობით, ინციდენტში მონაწილე სამართალდამცველებს შეუჩერდათ სამსახურეობრივი უფლებამოსილება.

"გამოძიება დაადგენს ჰქონდა თუ არა პოლიციელების მხრიდან რაიმე სახის გადაცდომას ადგილი. ნებისმიერი სამართალდამცველის მხრიდან პროფესიული ეთიკისა და პოლიციელის ღირსების შემლახველ ყველა ქმედებას შინაგან საქმეთა სამინისტროს მხრიდან მოჰყვება მკაცრი სამართლებრივი რეაგირება", - აცხადებენ შსს-ში.
FaceBook Twitter
მსგავსი სიახლეები
ზესტაფონის ცენტრალური მოედნის
სარეაბილიტაციო სამუშაოებზე მუნიციპალიტეტის მერია ტენდერს მიმდინარე
თვის ბოლომდე ხელახლა გამოაცხადებს.
12:27 / 03.06.2019

ზესტაფონის ცენტრალური მოედნის სარეაბილიტაციო სამუშაოებზე მუნიციპალიტეტის მერია ტენდერს მიმდინარე თვის ბოლომდე ხელახლა გამოაცხადებს.

ტყიბულში კაცი ცოცხლად დაიმარხა.
მეშახტე, ქვანახშირის კარიერში.
09:30 / 30.05.2019

ტყიბულში კაცი ცოცხლად დაიმარხა. მეშახტე, ქვანახშირის კარიერში.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
სპეც. მასწავლებლისა და საგნობრივი პედაგოგის პოზიციაზე, ქუთაისში 26 საჯარო სკოლის მიერ  93 ვაკანსიაა გამოცხადებული. 
ვანის არქეოლოგიური მუზეუმის მშენებლობა და მიმდებარე ტერიტორიის სარეკონსტრუქციო სამუშაოები დასკვნით ეტაპზეა.
ბოლო სამი თვის განმავლობაში პოლიციამ სექსუალური შევიწროების 11 ფაქტი გამოავლინა.
შინაგან საქმეთა სამინისტროს იმერეთის რაჭა-ლეჩხუმისა და ქვემო სვანეთის პოლიციის დეპარტამენტის ქალაქ ქუთაისის საქალაქო სამმართველოს თანამშრომლებმა, ჩატარებული ოპერატიულ-სამძებრო ღონისძიებების შედეგად, ძარცვის ბრალდებით 1982 წელს დაბადებული გ. გ. დააკავეს.
ქუთაისის ეთნოგრაფიული მუზეუმის შენობაზე განთავსებული საათი,  რომელიც ორ კვირაზე მეტი გაჩერებული იყო, დღეს ამუშავდა.
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ მემორანდუმი გაფორმდება.
ქუთაისში 26  საჯარო სკოლის მიერ  59 ვაკანსიაა გამოცხადებული მასწავლებლის პოზიციაზე.  
ხონში მცხოვრებმა 12 წლის მარიამ მურღვლიანმა ძალოსნობის ტურნირზე ისევ გაიმარჯვა, რითაც საქართველოს ორგზის ჩემპიონი გახდა.