ქუთაისიპოსტი

ქუთაისის მერიამ ქალაქის მერიისა და საკრებულოსთვის საოფისე ავეჯის შესაძენად 7500 ლარიანი ტენდერი გამოაცხადა.

ტენდერი, რომელიც 21 სექტემბერს გამოცხადდა, საკრებულოსა და მერიისათვის საოფისე სკამების, სავარძლების და სავარძლების ნაწილების შესყიდვას ითვალისწინებს.
კერძოდ, ტენდერში გამარჯვებულმა მერიას უნდა მიაწოდოს: კომპიუტერის სავარძელი - 4 ცალი, სავარძელი უძრავი ფეხებით - 4 ცალი, გორგოლაჭიანი სავარძელი - 5 ცალი (საზურგის სიმაღლე: არანაკლებ 65 სმ, დასაჯდომის შიგა სიგანე: არანაკლებ 47 სმ., არანაკლებ 120 კგ. წონაზე გათვლილი), საოფისე სკამი - 1-- ცალი, საოფისე სავარძელი - 1 ცალი (სახელურები მასიური დეკორატიული ხის. არანაკლებ 150 კგ. წონაზე გათვლილი, საზურგის სიმაღლე: არანაკლებ 65 სმ.,
დასაჯდომის შიგა სიგანე: არანაკლებ 47 სმ, სტანდარტული სიმაღლის), სავარძლის ვარსკვლავა - 8 ცალი (5 გორგოლაჭიანი, 120 კგ წონაზე გათვლილი), სავარძლის ამორტიზატორი - 8 ცალი (120 კგ. წონაზე გათვლილი სავარძლის ზომის გათვალისწინებით) , სავარძლის გორგოლაჭი - 30 ცალი (120 კგ. წონაზე გათვლილი, სილიკონისშემცველი).
სატენდერო პირობების მიხედვით, ტენდერში გამარჯვებული ვალდებულია ქუთაისის მუნიციპალიტეტის საკრებულოსა და მერიისათვის საოფისე სკამების, სავარძლების და სავარძლების ნაწილების შესყიდვა განახორციელოს ეტაპობრივად, მოთხოვნიდან 2 (ორი) დღის ვადაში, ხელშეკრულების დადებიდან 2015 წლის 31 დეკემბრამდე.
მისაწოდებელი საოფისე სკამებისა და სავარძლების მოდელი უნდა შეესაბამებოდეს წარმოდგენილ ნიმუშებს, ხოლო ფერი უნდა შეთანხმდეს მერიასთან.
მიწოდებულ საქონელზე წუნის დაფიქსირების შემთხვევაში ტენდერში გამარჯვებულმასაკუთარი ხარჯებით უნდა უზრუნველყოს დაწუნებული საქონლის ტრანსპორტირება და ახლით შეცვლა.
ავეჯის შესაძენად გამოცხადებულ ტენდერში მონაწილეობისთვის წინადადებების მიღება 24 სექტემბერს იწყება და 28 სექტმებერს სრულდება.