გამჭვირვალე თვითმმართველობა
დაპირებული და შეუსრულებელი პროექტები–ქუთაისის ინფრასტრუქტურა 2018 წელს
2018 წელს ქუთაისში დაპირება უფრო მეტი იყო, ვიდრე შესრულებული სამუშაოები. ქუთაისის მერიის მიერ დაანონსებული ინფრასტრუქტურული პროექტების რაოდენობისა და მათი მასშტაბურობის მიხედვით, ქალაქი ახალ, 2019 წელს განსხვავებული იერსახით უნდა შეხვედროდა, თუმცა, არჩევიდან ერთი წლის შემდეგაც, ქალაქის მერს კვლავ დაპირებებზე უწევს საუბარი.

ყველაზე მსხვილმასშტაბიანი პროექტი, რაც ქუთაისში 2018 წელს განხორციელდა, თეთრი ხიდი იყო, რომელიც დათქმული სამი თვის ნაცვლად, ხუთი თვე კეთდებოდა, თუმცა, შედეგი მაინც არ აღმოჩნდა სახარბიელო. ხიდის ვიზუალმა ადგილობრივთა მწვავე პროტესტი გამოიწვია. ხის საფარის ნაცვლად შუშისა და ლითონის კონსტრუქცია,  ერთდროულად სახიფათოდ და არაპრაქტიკულად შეფასდა.

ბოლოს, ხიდზე არსებული ხარვეზები ქალაქის მერიამაც აღიარა და კომპანია "ალმა რუსს" სასამართლოში უჩივლა.

თეთრი ხიდის გახსნამდე მოსწავლე–ახალგაზრდობის პარკში სკეიტ–პარკი მოეწყო, რაც გიორგი ჭიღვარიას ერთ–ერთი საარჩევნო დაპირება იყო.

რეაბილიტირდა თბილისის ქუჩა. სამუშაოები ამ დრომდე მიმდინარეობს დუმბაძისა და ბარათაშვილის ქუჩებზე. ეწყობა ოღასკურას კალაპოტი, რომელიც ათეული წლების განმავლობაში ქალაქისთვის მოუგვარებელი პრობლემა იყო.

სამაგიეროდ, არ შესრულდა დაპირება ბალახვნის ასსაფეხურიანი კიბეების რეაბილიტაციის შესახებ. ამ სამუშაოებისთვის მერიას თანხა ჯერ კიდევ 2018 წლის ბიუჯეტში ჰქონდა, თუმცა, საფინანსო სამსახურის უფროსმა რამდენიმე დღის წინ განაცხადა, რომ კიბეების რეაბილიტაციისთვის ხარჯები არც მომავალი წლის ბიუჯეტშია გათვალისწინებული. 2019 წლისთვის გადადო მერიამ გაპონოვის ქუჩის რეაბილიტაცია. ქალაქის ხელისუფლებას არჩევნების მეორე ტურამდე რამდენიმე დღით ადრე გაახსენდა წლის დასაწყისში დაანონსებული რიონისპირა სახლების რეაბილიტაცია და ავარიული სახლები მუნიციპალური განვითარების ფონდის დირექტორთან, გიორგი შენგელიასთან ერთად დაათვალიერა.

ჯერჯერობით არ დაწყებულა რუსთაველის ხიდისა და ცენტრალური ბულვარის რეაბილიტაცია. ამ პროექტების განხორციელებას მერია 2019 წელს აანონსებს.

უცნობია რა ბედი ეწევა ბოტანიკური ბაღიდან წმინდა გიორგის ეკლესიასთან დამაკავშირებელი საფეხმავლო ხიდის მშენებლობას, რომელიც ჯერ კიდევ შოთა მურღულიას მერობის დროს დაანონსდა.

წინა ხელისუფლების პირობებში დაწყებული ასათიანის ქუჩის რეაბილიტაცია კი ამ დრომდე არ დასრულებულა. ახალმა ხელისუფლებამ ჯერჯერობით ვერც სოციალური საცხოვრისის პრობლემა მოაგვარა, რომელზეც თავად განაცხადა, რომ ხარვეზებით გაკეთდა. მერია თავიდანვე საუბრობდა შენობაში სარეაბილიტაციო სამუშაოების ჩატარების აუცილებლობაზე და ბენეფიციარებს პრობლემის მოგვარებას პირდებოდა, თუმცა, სოციალური საცხოვრისის მცხოვრებლები შენობაში არსებულ სიცოცხლისთვის საშიშ პირობებზე ამ დრომდე საუბრობენ და ალტერნატიულ ფართში გადაყვანას ითხოვენ.

გიორგი ჭიღვარიას არ შეუსრულებია ერთ–ერთი მთავარი დაპირება ქალაქში 24 საათიანი წყალმომარაგების შესახებ. 

შეუსრულებელი დაპირებების პარალელურად, თითქმის ყველა ობიექტზე სამუშაოები გაჭიანურდა. გადათხრილი ქუჩებისა და სამუშაოების ნელი ტემპის გამო ოპოზიციამ ადგილობრივი ხელისუფლება არაერთხელ გააკრიტიკა, მის   დაპირებებს კი სადღეგრძელოები უწოდა.

ქუთაისის მერიამ კრიტიკა საპარლამენტო უმრავლესობისგანაც მიიღო. დეპუტატმა, ლევან გოგიჩაიშვილმა ქალაქის ხელისუფლება უმოქმედობაში დაადანაშაულა და განაცხდა, რომ ქალაქში  წლიდან წლამდე არაფერი იცვლება.

დეპუტატის მწვავე კრიტიკას ასეთივე სიმწვავით უპასუხეს ქუთაისის მერიაში და 2018 წელს ქალაქში განხორციელებული სამუშაოების შესახებ ინფორმაცია გამოაქვეყნეს, რომლის მიხედვითაც, მიმდინარე წელს 141 ობიექტი დასრულდა, რასაც ჯამში 5 600 000 ლარი მოხმარდა.

ჩამონათვალში, ძირითადად, გზის საფარის, ტროტუარების, ღვარსადენების, საყრდენი კედლების და სპორტულ–გამაჯანსაღებელი ატრაქციების მოწყობა შედის.

ოპოზიციისა და ახლა უკვე საპარლამენტო უმრავლესობის კრიტიკის მიუხედავად, გიორგი ჭიღვარია კვლავ ახალ პროექტებს აანონსებს და აცხადებს, რომ ქუთაისი განახლებულ იერსახეს ოთხ წელიწადში მიიღებს.

როგორი იყო გიორგი ჭიღვარიას პოლიტიკური წელი, ნახეთ აქ;

| Print |  E-mail
FaceBook Twitter Google
დღის სიახლეები
,,ჩვენ მოვიგებთ ომს", ,,აფხაზეთი და სამაჩაბლო საქართველოა"-
09:50 / 23-03-2019
ქუთაისში, ოთხი საზოგადოებრივი საპირფარეშოს არსებობის მიუხედავად, მერვე წელია მათი ფუნქციონირება მოუგვარებელი პრობლემაა.
14:14 / 22-03-2019
ლენტეხის მუნიციპალიტეტში, მცირე ჰესის "ხელედულა 3"-ის მშენებლობის საკითხის განსახილველად ჩასულ ეკონომიკის სამინისტროს წარმომადგენლებს, მოსახლეობა აქციით შეხვდა. 
13:33 / 22-03-2019
ქუთაისის მერიამ სხვადასხვა თაობის ჟურნალისტებს, ადმინისტრაციულ შენობაში, პროფესიული დღე ფურშეტით მიულოცა. 
18:22 / 21-03-2019
მსგავსი სიახლეები






არც ერთი ბრიფინგი, არც ერთი პრესკონფერენცია, საკრებულოს 22
სხდომიდან მხოლოდ სამი დასწრება, არც ერთი მკაფიო განცხადება
არც ერთი ბრიფინგი, არც ერთი პრესკონფერენცია, საკრებულოს 22 სხდომიდან მხოლოდ სამი დასწრება, არც ერთი მკაფიო განცხადება
17:33 / 28.12.2018






არასამთავრობო ორგანიზაცია
არასამთავრობო ორგანიზაცია "საერთაშორისო გამჭვირვალობა-საქართველომ" ქუთაისის მერიისა და საკრებულოს იმ თანამდებობის პირების შესახებ გამოქვეყნა ინფორმაცია,
16:19 / 12.07.2018






ქუთაისის მერიამ, ნიკეას ქუჩაზე მდებარე სოციალურ საცხოვრისში
ფართების შესაძენად იმაზე გაცილებით დიდი თანხა დახარჯა, ვიდრე ეს
საჯაროდ იყო ცნობილი.
ქუთაისის მერიამ, ნიკეას ქუჩაზე მდებარე სოციალურ საცხოვრისში ფართების შესაძენად იმაზე გაცილებით დიდი თანხა დახარჯა, ვიდრე ეს საჯაროდ იყო ცნობილი.
16:10 / 12.07.2018






ქუთაისის მერი, გიორგი ჭიღვარია, მას შემდეგ რაც უფლებამოსილების
განხორციელებას შეუდგა, მე-6 მოწვევის საკრებულოს მიერ ჩატარებული 10
სხდომიდან 8-ს არ დასწრებია.
ქუთაისის მერი, გიორგი ჭიღვარია, მას შემდეგ რაც უფლებამოსილების განხორციელებას შეუდგა, მე-6 მოწვევის საკრებულოს მიერ ჩატარებული 10 სხდომიდან 8-ს არ დასწრებია.
14:30 / 14.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
23:19 / 09.06.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.