ქუთაისის მერია ბიზნესობიექტების აღწერას ორ კვირაში დაასრულებს
12:53 / 21.04.2015
ქუთაისის მერიის ეკონომიკური განვითარებისა და ქონების მართვის სამსახურის მიერ დაწყებული ბიზნესობიექტების აღწერის შედეგები მაისის ბოლოს იქნება ცნობილი.
ამ დროის მონაცემებით, ქუთაისში არსებული ბიზნესობიექტების ნახევარი უკვე აღწერილია, ძირითადად ქალაქის გარე უბნებში არსებული აწარმოების შესწავლა მოხდა.
მერიის ეკონომიკური განვითარებისა და ქონების მართვის სამსახურის უფროსის, პაატა კლდიაშვილის განმარტებით, ქალაქის ცენტრში არსებულ ბიზნესსაწარომებს უახლოესი ორი კვირის განმავლობაში აღწერენ.
"იმის გამო, რომ ქალაქის ცენტრი უფრო დატვირთულია სხვადასხვა ბიზნესობიექტებით, დროის დაზოგვის მიზნით გადავწყვიტეთ მათთან მას შემდეგ მივიდეთ, რაც დასრულდება გარეუბნებში ბიზნესსაწარმოების აღწერა", - განმარტავს "ქუთაისიპოსტან" საუბარში პაატა კლდიაშვილი.
ეკონომიკური განვითარების სამსახურში განმარტავენ, რომ აღწერაზე ბიზნესსაწარმოების წარმომადგენლები უპრობლემოდ თანამშრომლობენ.
"ამ აღწერებით გვეცოდინება ქალაქში რა სახის და მიმართულებით არის ბიზნესი განვითარებული. თუკი ამ კვლევით გამოვლინდება ბიზნესის კლების ტენდენცია, თუნდაც იმის გამო რომ მოქალაქეთა მყიდველისუნარიანობა დაბალია, ჩვენი მიზანი და მთავარი ამოცანა იქნება ქალაქში ინვესტიციების მოზიდვა და სამუშაო ადგილების შექმნა", - ირწმუნება კლდიაშვილი.
ქალაქში ბიზნესობიექტების შესწვლაზე მერიაში დაახლოებით 80-მდე ადამიანი მუშაობს. ანკეტირების პროცესი ორ კვირაში დასრულდება, ხოლო მაისის ბოლოს აღწერის შედეგები იქნება ცნობილი. შესაბამისი სამსახურის ინიციატივით ბიზნესობიექტების პრობლემების კითხვარებით აღერას ქალაქში არსებული ობიექტების ზოგიერთი წარმომადგენელი იწუნებს.
თეკლე მორგოშია
მსგავსი სიახლეები
13:20 / 18.10.2023
ქუთაისში, ბოლო ერთ წელში, სოციალურად დაუცველთა ბაზაში
რეგისტრირებულთა რაოდენობამ მოიმატა.
12:22 / 23.01.2023
2022 წელს მოგზაურობიდან მიღებული შემოსავლის რეკორდული მაჩვენებელი -
3,516,634,479 აშშ. დოლარი დაფიქსირდა, რაც 2019 წლის ანალოგიური
მაჩვენებლის 107.6% აღდგენაა (+247,980,410 აშშ დოლარი).
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები