ქუთაისში, ნიკეას ქუჩაზე რამდენიმე თვეა ინერტული მასალა და სამშენებლო ნარჩენები უკონტროლოდ იყრება. გარემოს დაცვითი ზედამხედველობის სააგენტოში კი ფაქტზე რეაგირებას ქუთაისიპოსტის შეტყობინების შემდეგ გეგმავენ. 

ნახეთ ვიდეოსიუჟეტი:



ნარჩენების კოდექსის მიხედვით, გარემოს დაბინძურებისთვის განსაზღვრული ჯარიმის რაოდენობა დანაგვიანებული ტერიტორიის ფართობის, ნარჩენების მოცულობასა და სახეობაზეა დამოკიდებული.
2 კგ-მდე მუნიციპალური ნარჩენით გარემოს დანაგვიანება 80 ლარით ჯარიმდება, ხოლო, 1 მ3-ზე მეტი მოცულობის ნარჩენის უკანონოდ დაყრის შემთხვევაში, ფიზიკურ პირს ჯარიმის სახით 300 ლარის გადახდა მოუწევს. იურიდიულ პირს კი 1000 ლარის.

რაც შეეხება ინერტული ან სამშენებლო ნარჩენების უკონტროლოდ დაყრას, 1 მ3-მდე მოცულობის ასეთი ნარჩენით გარემოს დანაგვიანება ფიზიკური პირის 200 ლარით, იურიდიული პირის კი 500 ლარით დაჯარიმებას გამოიწვევს.

1 მ3 ან 1 მ3-ზე მეტი მოცულობის სამშენებლო ან სხვა ინერტული ნარჩენით გარემოს დანაგვიანების შემთხვევაში კი ფიზიკური პირი 500 ლარით, ხოლო იურიდიული 1500 ლარით ჯარიმდება.