ხარაგაულის მუნიციპალიტეტის სოფელ უბისას მცხოვრებლებს გზის, ბუნებრივი აირის, სამანქანო ხიდის არ არსებობა ერთდროულად აწუხებს.
უბისელები  ჩივიან, რომ ინფრასტრუქტურულ პრობლემებს სოფელში არსებული მწვავე უმუშევრობაც ემატება. უბისას მკვიდრის, დავით სებისკვერაძის თქმით, ადგილობრივ ხელისუფლებას აღნიშნული პრობლემების მოგვარების კუთხით მიმართეს, თუმცა შედეგი დღემდე არ ჩანს.