ვიდეო
რას ფიქრობენ ქუთაისში საპატრიარქოსთვის ტყის გადაცემაზე - ვიდეოგამოკითხვა
13:44 / 28.05.2020
საპატრიარქოსთვის, ტყის მასივის გადაცემის შესახებ, კანონში
შეტანილ ცვლილებაზე განსხვავებული მოსაზრებები აქვთ ქუთაისში.
რას ფიქრობენ მოქალაქეები
ეკლესია-მონასტრებისთვის მინიჭებულ უფლებაზე, რომლის მიხედვითაც,
მათ სალოცავების მიმდებარედ არსებული 20 ჰექტარი ტყის ყიდვა და
დაკანონება შეუძლიათ, ნახეთ ვიდეო:
პარლამენტმა, საქართველოს მართლმადიდებლური
ეკლესიისთვის 20 ჰექტარი ტყის დაკანონების შესახებ კანონი 22 მაისს
მიიღო. ცვლილების მიხედვით, ეკლესია-მონასტრების გარშემო ტყის მასივი,
რომელიც საპატრიარქოს მიჩენის ფორმით ჰქონდა გადაცემული, ახლა მისი
დაკანონების უფლებას აძლევს. ამასთანავე, განისაზღვრა, რომ გადასაცემი
ტყის ფართობი შესაძლოა იყოს 20 ჰექტარი. ოპოზიცია და არასამთავრობო
სექტორი მიიჩნევს, რომ ეს მართლმადიდებლურ ეკლესიას პრივილეგირებულ
მდგომარეობაში აყენებს და არც თუ ისე ღარიბ საპატრიარქოს, კიდევ უფრო
გამდიდრების საშუალებას აძლევს.
ქუთაის გაენათის ეპარქიის წინამძღვარი მეუფე იონე ამბობს, რომ
ეკლესიებისთვის ტყის მასივების გადაცემით მათი ქონება არ გაიზრდება,
არამედ მოიმატებს პასუხისმგებლობა და ტყე უფრო დაცული იქნება.
"დღესაც არის ხალხის მეხსიერებაში დარჩენილი, რომ ეკლესიის გარშემო
ტერიტორია იწოდებოდა ხატის ტყედ და იყო ხელშეუხებელი, ამიტომ დღემდე
შემორჩენილია, არ გაუჩეხიათ. ასე, რომ ეს ტყის მასივები თუ იქნება
გადმოცემული, ეს გაზრდის ჩვენს პასუხისმგებლობას და არა სიმდიდრეს. თუ
უნდა იყიდოს, ესეიგი ფული უნდა გასცეს, კი არ გამდიდრდეს, არამედ,
გაღარიბდეს. ამას აქვს ის მნიშვნელობა, რომ არ გაიჩეხოს ტყე, დაცული
იყოს გარემო", - განაცხადა მეუფემ.
განსახვევებული მოსაზრებები აქვთ თელოგებს, რომლებიც ამბობენ, რომ საპატრიარქოსთვის ტყის გადაცემა ერთი შეხედვით არის კორუფციულ-პოლიტიკური აქტი.
განსახვევებული მოსაზრებები აქვთ თელოგებს, რომლებიც ამბობენ, რომ საპატრიარქოსთვის ტყის გადაცემა ერთი შეხედვით არის კორუფციულ-პოლიტიკური აქტი.
მასალის გამოყენების პირობები