"ჩემი პენსია ბანკს მიაქვს, ახლა ვაჭრობასაც გვიკრძალავენ და აღარ ვიცი რით ვირჩინო თავი," - ეს ერთ-ერთი პენსიონერის პოზიციაა, რომელიც ამბობს, რომ გარევაჭრობის აკრძალვით თავის რჩენის ერთადერთი გზა ეჭრება.
ქუთაისის მერიას ჭავჭავაძის  გამზირეს სავაჭრო დახლები 20 აპრილს  გვიან ღამით აიღო. 

გარემოვაჭრების თქმით,  მათთვის ბაზარში ადგილები არ არის და მერიის წარმომადგენლების მიერ შეპირებული  დახლები საშეღავათო ვადით უკვე დაკავებულია:



ადგილზე მისული იყო მერიის ზედამხედველობის სამსახურის უფროსი. ზვიად ჯავახიამ  გარემოვაჭრეებს  განუმარტა, რომ ქალაქის სხვადასხვა ბაზარში მათ მიერ საკმარისი ადგილებია მოძიებული.

"გარემოვაჭრეებისთვის საკმარისი ადგილებია გამოყოფილი ნიკეას, ჭავჭავაძისა და ნინოშვილის ბაზარზე საშეღავათო ვადებით,"- ირწმუნება ქუთაისის მერიის ზედამხედველობის სამსახურის უფროსი ზვიად ჯავახია.

ქუთაისში ჭავჭავაძის გამზირზე გარემოვაჭრეები აქცია დილის საათებიდან მიმდინარეობს. ისინი დახლების დაბრუნებას და გარევაჭრობის განახლებას ითხოვენ.

ადგილზე შეკრებულმა გარემოვაჭრეებმა, ჭავჭავაძის გამზირის გადაკეტვა სცადეს, ადგილზე მობილიზებული იყო საპატრულო პოლიცია.

ქუთაისის მერიამ ერთი თვის წინ ქალაქის ცენტრალური ნაწილში აიკრძალა გარევაჭრობა. ამჯერად იგივე პროცესი ჭავჭავაძის მიმდებარე ტერიტორიასა და ქუთაისის ყველა უბანში არსებულ ტერიტორიაზე მოხდება.

ქუთაისის მერიამ ქალაქის მასშტაბით გარევაჭრობის აკრძალვა 1 მარტიდან დაანონსა. პირველად გარემოვაჭრეების დახლები წითელი ხიდისა და ცენტრალური ბაზრის მიმდებარე ტერიტორიიდან აიღეს. ქუთაისში, ჭავჭავაძის გამზირზე, გარევაჭრობის აკრძალვის შესახებ, მერიის მიერ წერილობით გაფრთხილებას,გარემოვაჭეების პროტესტი მოჰყვა.

თვითდასაქმებულები ამბობენ, რომ ტერიტორიას არ დატოვებენ, რადგან გარევაჭრობა მათი ერთადერთი შემოსავლის წყაროა.


ამავე თემაზე:

ქუთაისის მერიამ ღამით ჭავჭავაძის გამზირზე გარემოვაჭრეების დახლები აიღო (ფოტო)

21 აპრილიდან ჭავჭავაძის მიმდებარე ტერიტორიაზე გარევაჭრობა აიკრძალება

გარემოვაჭრეების საპროტესტო აქცია ქუთაისის მერიაში

ქუთაისის მერისა და გარემოვაჭრეების შეხვედრა უშედეგოდ დასრულდა

ადგილები ქუთაისში, სადაც გარევაჭრობა უკვე აკრძალეს (ფოტო)

1 მარტიდან ქუთაისში გარევაჭრობა აიკრძალება