ქუთაისის ვაჟ ფრენბურთელთა გუნდი, 2009-2010 წლებში დაბადებულთა შორის, საქართველოს ჩემპიონი გახდა.

საქართველოს ასაკობრივი ჩემპიონატი, 26-31 ოქტომბერს, მცხეთაში ჩატარდა და მასში 7-მა გუნდმა მიიღო მონაწილეობა.

ააიპ "ქუთაისის სპორტულ დაწესებულებათა გაერთიანების" ინფორმაციით, ,,ქუთაისმა” ჯგუფში ყველა შეხვედრა მოიგო (თბილისი-ქუთაისი 1:3; ბათუმი-ქუთაისი 0:3; მარტვილი-ქუთასი 0:3).

ნახევარფინალში ქუთაისელმა ფრენბურთელებმა გურჯაანი დაამარცხეს, ანგარიშით 3:0. ფინალში კი დაძაბულ მატჩში 3:2 მოუგეს ,,თბილისს” და ჩემპიონის ტიტული მოიპოვეს (მწვრთნელები: გრიგოლ ჭოლაძე, პაატა გორდაძე, თამაზ ჟორჟოლიანი).

საუკეთესო ცენტრალურ თავდამსხმელად ,,ქუთაისის”ფრენბურთელი ნიკოლოზ გოჩელაშვილი დასახელდა, საუკეთესო გარე თავდამსხმელად კი - დავით ჩიტაიშვილი. საუკეთესო ლიბერო, ასევე, ქუთაისური გუნდის წევრი გიორგი ხვადაგიანი გახდა.

აღსანიშნავია, რომ ჩემპიონატის შემდეგ ქუთაისური გუნდიდან ასაკობრივ ნაკრებში მიიწვიეს: დავით ჩიტაიშვილი, ცოტნე კორძაძე, ნიკოლოზ გოჩელაშვილი, გელა ჟორჟოლიანი და გიორგი ხვადაგიანი.