სამართალი
ქუთაისში გარდაცვლილი პატიმრის ოჯახი თვითმკვლელობის ვერსიას არ იზიარებს
11:05 / 01.06.2015
ქუთაისში, სასჯელაღსრულების N2 დაწესებულებაში პატიმარი გარდაცვლილი საკნის საპირფარეშოში ნახეს.
სასჯელაღსრულებისა და პრობაციის სამინისტროს ინფორმაციით, შემთხვევა გუშინ მოხდა. როგორც უწყების მიერ გავრცელებულ განცხადებაშია აღნიშნული, 1979 წელს დაბადებულმა ბრალდებულმა ი.ს.-მ წინასწარი მონაცემებით, საკნის საპირფარეშოში სუიციდი განახორციელა.
მომხდართან დაკავშირებით დაწყებულია გამოძიება სისხლის სამართლის კოდექსის 115-ე მუხლით. გამოძიებას პროკურატურის ზედამხედველობით საგამოძიებო დეპარტამენტი აწარმოებს.
"შემთხვევის ადგილი დათვალიერდა ექსპერტ-კრიმინალისტების მიერ, დაინიშნა სასამართლო-სამედიცინო ექსპერტიზა," - აღნიშნულია სამინისტროს მიერ გავრცელებულ განცხადებაში.
გარდაცვლილი პატიმარი უკვე გადაასვენეს ბათუმში საკუთარ სახლში. გარდაცვლილის ოჯახი თვითმკვლელობის ვერსიას არ ეთანხმება.
მასალის გამოყენების პირობები