სამტერდიის სოფელ ოფეთში დღეს მომხდარი მკვლელობის შესახებ გარდაცვლილის ოჯახის წევრები არ საუბრობენ. თავიანთი ვერსიები აქვთ  მეზობლებს.  
მათი თქმით, გარდაცვლილს წლების წინ მომხდარი ავარიის შემდეგ ფსიქიკური პრობლემები ქონდა. მეზობლების ინფორმაციით, დილით მამა-შვილი ყანაში მუშაობდა, საღამოს კი სახლში სუფრასთან ისხდნენ, რა დროსაც ნასვამ მდომარეობაში მყოფები შეკამათდნენ. მეზობლების თქმით, დანა ჯერ მამამ აიღო, თავდაცვის დროს კი, შვილმა დაჭრა. 52 წლის მამაკაცი ადგილზე გარდაიცალა. 

სამტრედიაში დღეს შვილმა მამა მოკლა.

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის და სამტრედიის რაიონული სამმართველოს თანამშრომლებმა, ცხელ კვალზე ერთობლივად ჩატარებული ოპერატიულ-საგამოძიებო მოქმედებების შედეგად, 1986 წელს დაბადებული პ.კ. ოჯახური ძალადობის ნიადაგზე განზრახ მკვლელობის ბრალდებით დააკავა.

გამოძიებამ დაადგინა, რომ ბრალდებულმა სამტრედიის რაიონის სოფელ ოფეთში, საკუთარ საცხოვრებელ სახლში, ურთიერთშელაპარაკებისას, ცივი იარაღით სიცოცხლისათვის საშიში დაზიანება მიაყენა მამას - 1964 წელს დაბადებულ გ.კ.-ს, რომელიც, მიყენებული დაზიანების შედეგად, შემთხვევის ადგილზე გარდაიცვალა.

სამართალდამცველებმა პ.კ. მომხდარიდან რამდენიმე საათში დააკავეს. ბრალდებული ჩადენილ დანაშაულს აღიარებს.
გამოძიება ოჯახური ძალადობის ნიადაგზე განზრახ მკვლელობის ფაქტზე მიმდინარეობს (საქართველოს სსკ-ის 11 პრიმა-108-ე მუხლით).