არასამთავრობო ორგანიზაცია "ახალგაზრდა იურისტთა ასოციაცია", სამტრედიის N 54-ე საოლქო საარჩევნო კომისიაში მომხდარ ინცინდენტს ეხმაურება.
"საიას" საარჩევნო პროგრამების კოორდინატორი, ლელა კალიური ქუთაისიპოსტთან საუბარში აცხადებს, კანონი ცალსახად განსაზღვავს, რომ საარჩევნო ადმინისტრაცია უნდა იყოს იზოლირებული სხვა უწყებებისგან, თუმცა, თავის მხრივ, არც წინასაარჩევნო პროცესში ჩართული ადამიანების ქმედება უნდა ემსახურებოდეს სარჩევნო კომისიის მუშაობისთვის ხელისშეშლას.


"კანონის მოთხოვნაა, რომ ადგილობრივი თითმმართველობის ორგანოები უნდა იყოს ცალ-ცალკე. ჩვენი ინფორმაციით, ეს უწყებები სხვადასხვა ქუჩაზე მდებარეობს, თუმცა, მათ აქვთ საერთო შესასვლელი კარი, რაც გახდა სადავო. რაც შეეხება იმას, რომ სწორედ ამ კარის საშუალებით ხდებოდა კომუნიკაცია საარჩევნო ადმინისტრაციასა და გამგეობას შორის, ეს არის შესწავლის საგანი. გარდა ამისა, მნიშვნელოვანია ის, რომ საარჩევნო პროცესში ჩართული ადამიანების მიერ დარღვევის გამოვლენა მიზნად არ უნდა ისახავდეს კომისიის საქმიანობის ხელშეშლას", - ამბობს ლელა კალიური.

მისივე თქმით, მომხდარი ფაქტი საარჩევნო ადმინისტრაციის ზემდგომმა ორგანომ უნდა შეისწავლოს და მოიხსნას კითხვები იმასთან დაკავშირებით, ხდებოდა თუ არა კომუნიკაცია გამგეობასა და საოლქო კომისიას შორის საერთო კარის მეშვეობით.

სამტრედიის საოქლო საარჩევნო კომისიაში "ქრისტიან-დემოკრატიული" პარტიის წევრები კომისის სამუშაო შეხვედრაზე შეიჭრნენ და კომისიის წევრები გამგეობასთან თანამშრომლობაში დაადნაშაულეს.

მომხდარი ძალადობად შეაფასა ცენტრალურმა საარჩევნო კომისიამ და შესაბამის უწყებებს ფაქტზე რეაგირებისკენ მოუწოდა.




ამავე თემაზე:

ინციდენტი სამტრედიის 54-ე საოლქო საარჩევნო კომისიაში

"სახეზეა ძალადობრივი მეთოდების გამოყენებით საარჩევნო ადმინისტრაციის საქმიანობის ხელშეშლა"