პოლიტიკა
ირაკლი ღარიბაშვილი ხელისუფლებას „პანიკურ რეაქციასა“ და „არაადეკვატურ ქცევაში“ ადანაშაულებს და აცხადებს, რომ ბოლო დღეებში განვითარებულმა მოვლენებმა, მისი შეფასებით, „სისტემის სრული ლუსტრაცია“ მოახდინა.
„ტყუილად ნუ წვალობთ! როგორც წყალი და ზეთი არ შეერევა ერთმანეთს, ისევე შეუძლებელია ჩემი და „ნაციონალური მოძრაობის“ ერთმანეთთან დაკავშირება!“ — წერს ღარიბაშვილი.
ყოფილი პრემიერი ასევე აცხადებს, რომ ლაზარე ჯორბენაძის თვითმკვლელობამდე მიყვანის საქმეზე გამოძიება, მისი ინფორმაციით, თითქმის ხუთი თვეა მიმდინარეობს, თუმცა იმ ადამიანებისა და ჟურნალისტების ნაწილი, რომლებიც ამ საკითხზე საჯაროდ სვამდნენ კითხვებს, მისი თქმით, არ დაუკითხავთ.
ღარიბაშვილის შეფასებით, მისი წერილის გამოქვეყნების შემდეგ გამოძიებამ იმ ადამიანების დაკითხვა დაიწყო, ვინც მის განცხადებას საჯაროდ გამოეხმაურა.
„თავი დაანებეთ ჩემ წინააღმდეგ ამ ბინძურ პოლიტიკურ თამაშებს! ხალხმა იცის, ვინ არის ირაკლი ღარიბაშვილი, და ჩვენი საზოგადოება ჩემს სიტყვასა და თქვენს სიტყვას ძალიან კარგად განასხვავებს“, — წერს ის.
ღარიბაშვილი უარყოფს მის მიმართ გაკეთებულ ბრალდებებსაც და ამბობს, რომ არც დასავლეთს, არც აღმოსავლეთს, არც ჩრდილოეთს და არც სამხრეთს არ ემსახურება.
მისი თქმით, ბოლო დღეებში არაერთი „უღირსი, ყალბი და ფარისევლური“ განცხადება მოისმინა. ღარიბაშვილი ამბობს, რომ მათ ნაწილს პასუხს არ გასცემს, თუმცა განსაკუთრებულად მიმართავს პარლამენტის თავმჯდომარეს, შალვა პაპუაშვილს.
„შალვა, ეს არ არის სამართლებრივი პროცესი - ეს არის დაუნდობელი პოლიტიკური დევნა!“ — წერს ღარიბაშვილი.
ყოფილი პრემიერის განცხადებიდან ჩანს, რომ ხელისუფლებასთან მისი დაპირისპირება კვლავ გრძელდება. ღარიბაშვილი წერს, რომ თავს არავის ესხმის და საკუთარ პოზიციას თავდაცვად მიიჩნევს.
„მე არავის ვებრძვი - ზურგში დანა თქვენ ჩამარტყით… ახლა კი მე იძულებული ვარ დავიცვა ჩემი თავი და ჩემი ოჯახი ამ უსამართლობისა და სისასტიკისგან“, — აცხადებს ირაკლი ღარიბაშვილი.
ირაკლი ღარიბაშვილი ამჟამად ხუთწლიან სასჯელს იხდის უკანონო შემოსავლის ლეგალიზაციის საქმეზე. 2026 წლის 12 იანვარს მასთან საპროცესო შეთანხმება გაფორმდა, რის საფუძველზეც 5 წლით თავისუფლების აღკვეთა და 1 მილიონი ლარის ჯარიმა განესაზღვრა.
"ხელისუფლების პანიკურმა რეაქციამ და აბსოლუტურად არაადეკვატურმა ქცევამ სისტემის სრული ლუსტრაცია მოახდინა"
19:37 / 07.09.2026
"ქართული ოცნების" ყოფილი პრემიერ-მინისტრი ირაკლი ღარიბაშვილი
ციხიდან მორიგ წერილს ავრცელებს.
ირაკლი ღარიბაშვილი ხელისუფლებას „პანიკურ რეაქციასა“ და „არაადეკვატურ ქცევაში“ ადანაშაულებს და აცხადებს, რომ ბოლო დღეებში განვითარებულმა მოვლენებმა, მისი შეფასებით, „სისტემის სრული ლუსტრაცია“ მოახდინა.
მისივე თქმით, ხელისუფლების მიზანი მისი „ნაციონალურ მოძრაობასთან“
დაკავშირებაა და პროცესის ისე წარმოჩენა, თითქოს მის მიერ
გავრცელებული ინფორმაცია ოპოზიციასთან კოორდინირებული მოქმედების
ნაწილია.
„ტყუილად ნუ წვალობთ! როგორც წყალი და ზეთი არ შეერევა ერთმანეთს, ისევე შეუძლებელია ჩემი და „ნაციონალური მოძრაობის“ ერთმანეთთან დაკავშირება!“ — წერს ღარიბაშვილი.
ყოფილი პრემიერი ასევე აცხადებს, რომ ლაზარე ჯორბენაძის თვითმკვლელობამდე მიყვანის საქმეზე გამოძიება, მისი ინფორმაციით, თითქმის ხუთი თვეა მიმდინარეობს, თუმცა იმ ადამიანებისა და ჟურნალისტების ნაწილი, რომლებიც ამ საკითხზე საჯაროდ სვამდნენ კითხვებს, მისი თქმით, არ დაუკითხავთ.
ღარიბაშვილის შეფასებით, მისი წერილის გამოქვეყნების შემდეგ გამოძიებამ იმ ადამიანების დაკითხვა დაიწყო, ვინც მის განცხადებას საჯაროდ გამოეხმაურა.
„თავი დაანებეთ ჩემ წინააღმდეგ ამ ბინძურ პოლიტიკურ თამაშებს! ხალხმა იცის, ვინ არის ირაკლი ღარიბაშვილი, და ჩვენი საზოგადოება ჩემს სიტყვასა და თქვენს სიტყვას ძალიან კარგად განასხვავებს“, — წერს ის.
ღარიბაშვილი უარყოფს მის მიმართ გაკეთებულ ბრალდებებსაც და ამბობს, რომ არც დასავლეთს, არც აღმოსავლეთს, არც ჩრდილოეთს და არც სამხრეთს არ ემსახურება.
მისი თქმით, ბოლო დღეებში არაერთი „უღირსი, ყალბი და ფარისევლური“ განცხადება მოისმინა. ღარიბაშვილი ამბობს, რომ მათ ნაწილს პასუხს არ გასცემს, თუმცა განსაკუთრებულად მიმართავს პარლამენტის თავმჯდომარეს, შალვა პაპუაშვილს.
„შალვა, ეს არ არის სამართლებრივი პროცესი - ეს არის დაუნდობელი პოლიტიკური დევნა!“ — წერს ღარიბაშვილი.
ყოფილი პრემიერის განცხადებიდან ჩანს, რომ ხელისუფლებასთან მისი დაპირისპირება კვლავ გრძელდება. ღარიბაშვილი წერს, რომ თავს არავის ესხმის და საკუთარ პოზიციას თავდაცვად მიიჩნევს.
„მე არავის ვებრძვი - ზურგში დანა თქვენ ჩამარტყით… ახლა კი მე იძულებული ვარ დავიცვა ჩემი თავი და ჩემი ოჯახი ამ უსამართლობისა და სისასტიკისგან“, — აცხადებს ირაკლი ღარიბაშვილი.
ირაკლი ღარიბაშვილი ამჟამად ხუთწლიან სასჯელს იხდის უკანონო შემოსავლის ლეგალიზაციის საქმეზე. 2026 წლის 12 იანვარს მასთან საპროცესო შეთანხმება გაფორმდა, რის საფუძველზეც 5 წლით თავისუფლების აღკვეთა და 1 მილიონი ლარის ჯარიმა განესაზღვრა.
მასალის გამოყენების პირობები