დღეს, 4 ოქტომბერს, ადგილობრივი თვითმმართველობის არჩევნები ტარდება, რომელსაც ოპოზიციის ნაწილი ბოიკოტს უცხადებს.

ოპოზიციის გარდა, ასევე, ბოიკოტს უცხადებს ამომჩევლის ნაწილიც. ისინი ამბობენ, რომ კენჭისყრაში მონაწილეობას არ აპირებენ.

" აქამდე, თუკი არჩევანს ვაკეთებდით ცუდსა და უარეს შორის, ახლა ესეც აღარ შეგვიძლია. ამ არჩევნებში მხოლოდ ერთი პარტიაა, ოღონდ სხვადასხვა სახელით. ამიტომაც აზრი აღარ აქვს არჩევნებზე წასვლას", - ამბობენ ამომრჩევლები.

ამ არჩევნებში მონაწილეობაზე უარი თქვეს პარტიებმა: „კოალიცია ცვლილებისთვის“, „ერთიანობა - ნაციონალური მოძრაობა“, „ფედერალისტები“ და სხვა.

2025 წლის 4 ოქტომბრის არჩევნები პირველი შემთხვევა იქნება, როდესაც არსებობის 31- წლიანი ისტორიის განმავლობაში არ დააკვირდება "სამართლიანი არჩევნები". ასევე არ დააკვირდება საია და "საერთაშორისო გამჭვირვალობა - საქართველო".

ამ არჩევნებს, ასევე, არ დააკვირდება ეუთო/ოდირიც.

4 ოქტომბრის არჩევნებისათვის, ცესკოში რეგისტრირებულია 27 ადგილობრივი და 28 საერთაშორისო დამკვირვებელი ორგანიზაცია.

4 ოქტომბრის არჩევნები, საქართველოს მასშტაბით, 64 მერისა და 64 საკრებულოს 2 058 წევრის ასარჩევად ტარდება.

ცესკო-ს მონაცემებით, ამ არჩევნებისთვის, საქართველოში, ამომრჩეველთა საერთო რაოდენობა 3 13 818-ს შეადგენს. მათივე ცნობით, ქვეყნის მასშტაბით გახსნილია 3 061 საარჩევნო უბანი.