პოლიტიკა
გოგი წულაიამ "თავისუფალი საქართველო" დატოვა
FaceBook
გოგი წულაიამ ხელისუფლების წინააღმდეგ დამოუკიდებელ ბრძოლას იწყებს.
მან პარტია "თავისუფალი საქართველო" დატოვა და დღეს პარლამენტთან გამართულ ბრიფინგზე პარტიის დატოვების მიზეზებზე ისაუბრა. მისი განაცხადებით, მას ბრძოლისთვის მეტი თავისუფლება სჭირდება. წულაია აცხადებს, რომ აქვს ამბიცია, ხელისუფლებასთან ბრძოლას დამოუკიდებლად უკეთ შეძლებს და , შესაძლოა, შემდგომ რომელიმე პარტიაში გაერთიანდეს, ან საკუთარი პარტია ჩამოაყალიბოს.

"კახასთან ერთად ამ პარტიას წლები ვაკეთებდი, ვიყავით ოპოზიციაში, მრავალი წელია ერთად ვიბრძვით. დადგა, ის ეტაპი, როდესაც გადავწყვიტე, პარტიიდან გავიდე და სხვა ამპლუით ვებრძოლო ამ ხელისუფლებას. მირჩევნია, როგორც გოგი წულაიამ ისე ვიბრძოლო. პარტიაში თავისუფლება იყო, მაგრამ მაქვს ამბიცია, რომ ცალკე უფრო მოვახდენ თავის რეალიზებას.

შემდეგ შეიძლება ვიფიქრო, რამე პარტიის ჩამოყალიბებაზე, ან შესაძლოა, მიხილოთ, რომელიმე არსებულ პარტიაში"
, - განაცხადა გოგი წულაიამ.

იგი 1993-1995 წლებში იყო საქართველოს მე-3 მოწვევის პარლამენტის წევრი (მაჟორიტარი), საარჩევნო ბლოკიდან "მშვიდობა".

2004–2008 წლებში გახლდათ საქართველოს მე-6 მოწვევის პარლამენტის წევრი პარტიული სიით, საარჩევნო ბლოკი "ნაციონალური მოძრაობა - დემოკრატები". ამის შემდეგ ის შეუერთდა პარტიას "თავისუფალი საქართველო". ამავე პარტიიდან 2017 წელს თვითმმართველობის არჩევნებზე ქუთაისის მერობის კანდიდატი გახლდათ.
Print