პოლიტიკა
ირაკლი კობახიძემ გახარიას გადაწყვეტილებას სამწუხარო უწოდა. მან დაადასტურა, რომ გუნდში ნიკა მელიას დაკავებასთან დაკავშირებით მსჯელობა იყო და თქვა ის, რომ ამ საკითხზე გუნდის წევრების ნაწილისა და გიორგი გახარიას პოზიციების განსხვავებული იყო.
"ხვალ უკვე დასახელდება პრემიერ-მინისტრობის კანდიდატი" - ირაკლი კობახიძე
12:03 / 18.02.2021
პრემიერ-მინისტრის გიორგი გახარიას მიერ
პოსტიდან გადადგომას უმრავლესობამ ბრიფინგით უპასუხა.
ირაკლი კობახიძემ გახარიას გადაწყვეტილებას სამწუხარო უწოდა. მან დაადასტურა, რომ გუნდში ნიკა მელიას დაკავებასთან დაკავშირებით მსჯელობა იყო და თქვა ის, რომ ამ საკითხზე გუნდის წევრების ნაწილისა და გიორგი გახარიას პოზიციების განსხვავებული იყო.
მან ასევე, ისაუბრა პრემიერ-მინისტრის
კანდიდატურაზე და განაცხადა, რომ ამისთვის პოლიტსაბჭო 19 თებერვალს
შეიკრიბება.
"სამწუხაროა, რომ მან მიიღო ეს გადაწყვეტილება.
ჩვენს პოლიტიკურ გუნდში ნამდვილად იყო დისკუსია ნიკა მელიას მიმართ
სასამართლოს გადწყვეტილების აღსრულების ვადებთან დაკავშირებით. გიორგი
გახარიას ჰქონდა განსხვავებული პოზიცია ამ საკითხზე, თუმცა,
სამწუხაროდ არგუმენტები, რომელიც გაამყარებდა მის პოზიციას, ჩვენ ვერ
მოვისმინეთ. წყალგამყოფი იყო საკითხი, სახელმწიფომ უნდა აჩვენოს
მყარად თავისი სახე როგორც სახელმწიფომ, თუ არა. გუნდის
დანარჩენი წევრებისთვის ამ კითხვაზე პასუხი იყო ერთმნიშვნელოვანი.
მოვუწოდებთ ნიკანორ მელიას, დაემორჩილოს კანონს, წინააღმდეგ
შემთხვევაში ხელისუფლება უზრუნველყოფს კანონის აღსრულებას და მის
დაპატიმრებას. ახლა ჩვენი პოლიტიკური გუნდის ყურადღება მთლიანად
იქნება კონცენტრირებული ახალი მთავრობის ფორმირებაზე.
სავარაუდოდ, ხვალ უკვე შეიკრიბება პოლიტსაბჭო და დასახელდება
პრემიერ-მინისტრობის კანდიდატი", - განაცხადა ირაკლი კობახიძემ.
გიორგი გახარიამ პრემიერ-მინისტრის პოსტის დატოვების შესახებ განცხადება რამდენიმე წუთის წინ გააკეთა.
"ჩემი აბოსლუტურად ურყევი პოზიციაა, რომ ერთი კონკრეტული ადამიანის მიმართ, თუნდაც კანონიერი, მართლმსაჯულებით განსაზღვრული ღონისძიების აღსრულება, თუ ეს რისკს უქმნის ჩვენი მოქალაქეების ჯანმრთელობას, სიცოცხლეს, ან ქვეყანაში ქმნის პოლიტიკური ესკალაციის შესაძლებლობას, არის მიუღებელი. ასეთი ღონისძიება უნდა ჩატარდეს მხოლოდ მაშინ, როცა გადაზღვეული იქნება ყველა სახის რისკი და არ შექმნის არანაირ საბაბს ქვეყანაში ესკალაციის. სამწუხაროდ, ჩემს გუნდთან ერთად ვერ მივაღწიე საერთო პოზიციას ამ საკითხთან დაკავშირებით, მე მივიღე გადაწყვეტილება გადავდგე დაკავებული თანამდებობიდან", - განაცხადა გახარიამ ბრიფინგზე.
პრემიერის განცხადებიდან რამდენიმე წუთში შსს-მ თავის ოფიციალურ გვერდზე დაწერა, რომ ნიკა მელიას მიმართ სასამართლოს აღასრულება გადიდო.
შეგახსენებთ, გუშინ თბილისის საქალაქო სასამართლომ "ნაციონალური მოძრაობის" თავმჯდომარის, ნიკა მელიას დაპატიმრების შესახებ გადაწყვეტილება მიიღო. მელიას თანაგუნდელები სხვა მხარდამჭერებთან ერთად პარტიის ოფისში არიან და აცხადებენ, რომ სამართალდამცავებს მისი დაკავების შესაძლებლობას არ მისცემენ.
ამავე თემაზე:
გიორგი გახარიამ პრემიერ-მინისტრის პოსტის დატოვების შესახებ განცხადება რამდენიმე წუთის წინ გააკეთა.
"ჩემი აბოსლუტურად ურყევი პოზიციაა, რომ ერთი კონკრეტული ადამიანის მიმართ, თუნდაც კანონიერი, მართლმსაჯულებით განსაზღვრული ღონისძიების აღსრულება, თუ ეს რისკს უქმნის ჩვენი მოქალაქეების ჯანმრთელობას, სიცოცხლეს, ან ქვეყანაში ქმნის პოლიტიკური ესკალაციის შესაძლებლობას, არის მიუღებელი. ასეთი ღონისძიება უნდა ჩატარდეს მხოლოდ მაშინ, როცა გადაზღვეული იქნება ყველა სახის რისკი და არ შექმნის არანაირ საბაბს ქვეყანაში ესკალაციის. სამწუხაროდ, ჩემს გუნდთან ერთად ვერ მივაღწიე საერთო პოზიციას ამ საკითხთან დაკავშირებით, მე მივიღე გადაწყვეტილება გადავდგე დაკავებული თანამდებობიდან", - განაცხადა გახარიამ ბრიფინგზე.
პრემიერის განცხადებიდან რამდენიმე წუთში შსს-მ თავის ოფიციალურ გვერდზე დაწერა, რომ ნიკა მელიას მიმართ სასამართლოს აღასრულება გადიდო.
შეგახსენებთ, გუშინ თბილისის საქალაქო სასამართლომ "ნაციონალური მოძრაობის" თავმჯდომარის, ნიკა მელიას დაპატიმრების შესახებ გადაწყვეტილება მიიღო. მელიას თანაგუნდელები სხვა მხარდამჭერებთან ერთად პარტიის ოფისში არიან და აცხადებენ, რომ სამართალდამცავებს მისი დაკავების შესაძლებლობას არ მისცემენ.
ამავე თემაზე:
მასალის გამოყენების პირობები