ქუთაისის მესამე საჯარო სკოლის მოსწავლეების მშობლები ამტკიცებენ, რომ მუქარის შემცველი შეტყობინებების ავტორის ვინაობა დაადგინეს. სმს-ებს თანატოლებს არასრულწლოვანი წერდა და მან ამ ფორმით იხუმრა.
მესამე საჯარო სკოლის ორ მეექვსეკლასელსა და ერთ მეცხრეკლასელს "ფეისბუკის" მესენჯერში მუქარის შემცველი შეტყობინება 21 სექტემბერს გაუგზავნეს. ანონიმური ავტორი არასრულწლოვნებს სწერდა, რომ მათ ცხოვრებას აკონტროლებს და კონკრეტულ დროს დაურეკავს, რისთვისაც მზად უნდა იყვნენ. შინაგან საქმეთა სამინისტრომ საქმე 151-ე მუხლით აღძრა, რაც სიცოცხლის მოსპობის, ჯანმრთელობის დაზიანების ან ქონების განადგურების მუქარას გულისხმობს, რაც ისჯება ჯარიმით, ან საზოგადოებისთვის სასარგებლო შრომით. მშობლებმა სამართალდამცავ ორგანოს საქმის "გამოძიება" დაასწრეს.
შსს-ში მშობლების მიერ გამოვლენილ ხუმრობის ავტორზე არაფერი იციან.
უწყებაში გვითხრეს, რომ ფაქტზე გამოძიება მიმდინარეობს და ამ
დროისთვის დამნაშავე იდენტიფიცირებული არ არის. მათივე თქმით, თუკი
მუქარის შემცველი შეტყობინებების ავტორი არასრულწლოვანი აღმოჩნდება,
საქმე სასამართლოს მაინც გადაეცემა.
მესამე საჯარო სკოლის
მოსწავლეების მშობლები ფიქრობენ, რომ ხუმრობა ბოროტი გამოვიდა, თუმცა,
ასეთი განზრახვა ბავშვს არ ჰქონია. მოზარდის ამდაგვარ ხუმრობას
სოციალურ პრობლემად განიხილავს “პარტნიორობა ადამიანის უფლებებისთვის"
ადამიანის უფლებებისთვის” ხელმძღვანელი. ანა აბაშიძე
ამბობს, რომ ამ დროს უნდა დავსვათ კითხვა, რატომ იქცევიან მოზარდები
ასე?
"ბავშვები სოციუმში იგივე მეთოდებით ურთიერთობენ რა მეთოდებიც ახასიათებთ პოლიტიკოსებს, იგივე
მათ მეზობლებს და ასე შემდეგ. დიდები ვაძლევთ ამის მაგალითებს
პატარებს.
ასევე, საკითხია თავად საზოგადოების დამოკიდებულება ბავშვების მიმართ,
რომელიც ემყარება უპატივცემულობას, აღზრდის დამაზიანებელ მეთოდებს”, -
ამბობს ანა აბაშიძე.
"პარტნიორობა ადამიანის უფლებებისთვის" ხელმძღვანელი ამბობს,
რომ საზოგადოება უნდა დაფიქრდეს მისი ბრალეულობის შესახებ და
თავისი მოქმედებით, გზა არ გაუხსნას მოზარდებს, იყვნენ
კანონდამრღვევები.
ამავე
თემაზე:
ქუთაისის #3 სკოლის
მოსწავლეებისთვის მუქარის შემცველი შეტყობინებების გაგზავნაზე
გამოძიება დაიწყო
მასალის გამოყენების პირობები